Filipi 2:14 - O GIKIMOI AWI JAJI ma BUKU

¹⁴ O bi moi-moi dangodu nia manara ma rabaka gena, upa ngini nifeto eko lo nimatekesikoholu moi de moika.

Filipi 2:14 Referans Kwoze

1 Petrus 4:9

De upa nimaridemo, duma bilasu niadupa o nyawa ma somoa niasigaro la imasidodogu nia tahuka.

1 Korintus 10:10

Komagena lo upa ngone pomaridemo, imatero maro idomaka ona ma binuka lo yaaka, de kanaga o malaikat moi wototooma una magena ona watoomaka.

Filipi 2:3

Ma ngale komagena upa ngini niaaka, so nako ngini de o nyawa ma binuka, de ka ngini masirete foloisi nimasihie eko ngaroko kanaga ma sababu o kia naga moi lo ihiwa, duma nimasihie. Upa sidago maro komagena de ngini niaaka. Duma tanu ngini asa nia sininga damuudu sidago lo nako ngini masirete de o nyawa ma somoa gena, de ona magena niahoromati foloisi ilamo.

Yakobus 5:9

De lo ngini gena upa nimaridemo, upa sidago o Gikimoi winisisala de to ngini nia dorou ma sopo gena wafanggali. He! Kanaga o loha de o dorou ma sopo dangodu wafafanggali de Una magena dabolo Awi orasi he idumuka.

Roma 12:18

De lo nako yaaku, nimasikadailako la nia oho ma rabaka gena ka cawali o rimoi de o sohi.

1 Tesalonika 5:15

De komagena ngini nimajaga la ngaroko o nyawa ma somoa o dorou moi yaaka nginika, upa sidago ngini lo o dorou moili niaaka onaka. Duma o orasi isigeto-geto to ngini nia edekati bilasu ka o loha niaaka moi de moika komagena lo niaaka o nyawa yangoduka.

Yakobus 1:20

Sababu nakoso ngone la inatodoosa gena, o moi-moi o kia itotiai maro o Gikimoi wodudupa magena poholu paaka.

Galatia 5:26

Komagena so upa sidago ngone gena, ngaroko ma sababu o kia naga moi lo ihiwa, duma pomacaralamo sidago lo pomatekesigaro so pomatekeduhudu moi de moika.

Galatia 5:15

Duma nakoso ngini gena o dorou nimatekekagaka, maro o haiwani ilalago o bolu moi imatekekogoli de imatekekoodo gena, upa. Done ngini kagena asa o nyawa ipipiricaya o bolu moi gena nibiau so nimakokitingaka.

Yakobus 3:14

Duma kanaga ngini nia sidongirabaka la nakoso o nyawa manga siningaka de o nyawa yalalago asa yaholu de yadoosa ifoloi, de manga dupa gena ma ngale ka ona masirete imasihie de foloisi imasilamo de o nyawa ma binuka, upa lo o nyawa ona magena yotemo, “Ngohi manena o nyawa tococawaro moi.” Nakoso manga bicara komagena, ona magena asa ka yokulai so yamotewa o dodoto itotiai.

Roma 14:1

O nyawa la kanaga manga piricaya daceke, ona magena bilasu ngini niadehe daloha, la upa sidago de ma ngale o kia ona yopiricayaka gena ona dede ngini nimatekesikoholu.

Yudas 1:16

O bi guru ikokulai ona magena yodupa imaridemo de ifeto o Gikimoika. De to ona manga dupa masirete gena yamote de yaaka. De lo ma ngale ona manga manara masirete gena imasihie de lo o nyawa yalalago yasisanangi la yabaja ma ngale ona masirete lo aku o loha yamake.

1 Petrus 3:11

O dorou yaaaka gena bilasu yodongosa de ka o loha yaaka. Bilasu yagogou la yodupa o ngeko isisari la aku imakadame de o nyawa yangodu.

Ibrani 12:14

Ngini bilasu niaaka ifoloisi nikaeli la nia oho ma rabaka gena idadi ka cawali nimakadame de o nyawa yangodu. De lo bilasu nileleani ifoloisi nikaeli o Gikimoika, sababu nako ihiwa done idadiwa o Jou niwikelelo.

Roma 16:17

Ai dodiao nipipiricaya, ngohi tinigolo nginika tanu ngini nimasitiari. Upa sidago o nyawa gena ngini inisigaro so ngini nimatekekitingaka, de asa inidoto de manga dodoto gena imaterowa de ma Kristus Awi dodoto, imatero maro o kia ngini nimadodotoka. Ona magenano bilasu ngini nimasirese daloha.

Rasul 15:2

Ma ngale magegena o Paulus de o Barnabas ona de o nyawa magena imatekeributu de imatekesikoholu, sidago o gogobu o Antiokhiaka isitatapu bilasu yasulo o Paulus, de o Barnabas, de lo o nyawa ipipiricaya yamuruo naga itagi o Yerusalemka, la ma ngale o sikoholu magena isibicara kagena o bi rasul de o bi roririka.

Rasul 6:1

O orasi magena o Yahudika ma nyawa o Yesus wipipiricaya foloisi idogo-dogo, de kagena de o Yahudika ma nyawa iyoyunanika imatekesikoholu de o Yahudika, so ona iyoyunanika itemo, “O wange isigeto o oho ma roriwo yasitoku de mia ngopedeka ibabaloka manga gimina ikurangi.”

1 Tesalonika 5:13

De lo ma ngale ona manga manara gena ngomi minigolo tanu ngini asa niadodara onaka de daloha ilaku ona magena manga ronga foloi niasilamo. So komagena ngini nia oho ma rabaka gena asa ka cawali o rimoi de o sohi.

2 Korintus 12:20

Ngohi totemo komagena, sababu ngohi tohawateri upa sidago, nakoso ngohi done tahika nginika la ngini tinimake, de kagena nginika maro o kia ngohi tongongano gena ihiwa, de ngohi lo ai sininga nginika gena asa maro ngini niongongano gena ihiwa. Upa sidago ma orasi ngini tinimake, de ngini gena nimatekekangamo, eko nimatekedoosa, eko nimatekeduhudu de nimatekesikoholu. Upa sidago ma orasi ngini tinimake, de ngini gena nia ronga ma dorou nimatekekagaka, eko lo nimacaralamo de nimatekeruwahe.

Rasul 15:39

Mutuwade ona yasinoto imakangamoka sidago ma dodogu ona lo asa imakitingaka. So o Barnabas o Markus iwingaho de ona yasinoto imajobo yoside o Siprus ma guraka.

Rasul 15:7

De ona iteka isibicara de imatekesikadailako, so dabolo o Petrus womaoko de wotemo, “O gianongoru nipipiricaya! Ngini ningodu nianakoka idodoma nia sidongirabano o Gikimoi ngohi woihirika, ma ngale o habari daloloha tosihabari o bi nyawa, ngaroko o Yahudika yasowo, la ona lo aku yoise de iwipiricaya o Yesuska.

Matius 20:11

O pipi manga fangu gena ato yanano, de ona imaridemo o doro ma duhutuka yotemo,

Markus 9:14

Ma orasi o Yesus de Awi muri yaruwange ikahino kali, de yakelelo o nyawa yadadala yasigilolino, Awi muri-muri ma somoali de o guru agama yamuruo naga imatekeributu.

Lukas 5:30

Kagena de o bi guru agama yamuruo naga, ona magena o Farisika, Una wikelelo womatamiye woodo de o bi nyawa ma dorou magena, so ona asa imaridemo de Una Awi muri-murika yotemo, “Aistagala! Dadoohaso Una woodo de o balastengi itotolomu de o bi nyawa ma dorou ona magena.”