Filipi 1:22 - O GIKIMOI AWI JAJI ma BUKU

²² Ce! Dadoohaso ngohi tahiri gena tanakowa. Nako ngohi ka toohosi gena, ma ngale ai manara daloloha asa taaka tosigila-gila, maro o gota moi so de ma sopoli.

Filipi 1:22 Referans Kwoze

1 Petrus 4:2

So ma deka o dunia manenaka nigogogesi, de o nyawa manga dupa gena niamote kawa, de ka cawali o Gikimoi Awi dupa magena niamote.

Galatia 2:20

Komagena so o orasi manena gena upa ngohi ai buturu masirete so ai sininga itiai, duma cawali de ma Kristus Awi oho ma buturu asa aku ai sininga itiai. La ma ngale o orasi manena ngohi tooho de o Gikimoi Awi Ngopa towipiricayaka, la Una magena asa aku ai sininga itotiai gena waaka. Sababu Una magena ngohi woidodara de ma ngale ngohi lo Una wodupa wosone.

Filipi 1:24

Ngaroko komagena, ma ngale ngini tiniriwo lebelaha ngohi gena ka toohosi.

Rasul 3:17

Ai gianongoru! Nako ngini gena, ngohi tanako itiaika to ngini nia roriri de ngini masirete nia manara datotorou o Yesuska, ma ngale gena ngini niwinakowa, ena gena Una magena o Salamati ma Kolano.

2 Korintus 10:3

Igogou, ngomi gena ka o nyawa o duniaka bato. Duma nakoso o nyawa ihoholu o Gikimoi iwipiricaya, ona magena ngomi asa miasiholu gena upa de o nyawa manga buturu.

Kolose 2:1

So ngohi todupa tinisingangasu nginika ma ngale ngini o Koloseka gena ngohi asa tomanara tagogou, de upa ka ma ngale ngini, duma ma ngale lo o nyawa ipipiricaya o Laodikia ma dokuka, de lo kanaga ona ipipiricaya ma binukali kiaka ona dede ngohi mimakamake waasi.

Roma 11:2

Nako o Gikimoi Awi nyawa gena idodomasi de Una wahirika maro Awi nyawa masirete, ona magena lo Una waholuwa. Hika ngini nimasininga o kia naga idomaka isilelefo Una Awi Jaji ma Buku ma rabaka, idodooha ma ngale o Israelka ma nyawa gena o Elia awi galaki wosingangasu o Gikimoika,

Dodadi 39:8

De una wotemo, “Hiwa! Ngohi ai tuan woipiricayaka, so ngohi woitide la tosiaturu awi raki de awi alamu moi-moi awi tahu ma rabaka. De una gena o moi-moi he o kia kawa woisihawateri.

Dodadi 21:26

So ma kolano wotemo, “Ce! Ma ngale ai nyawa imomanara yaaka komagena naguuna gena ngohi tanakowa, de magena igogou o orasi kangano manena de asa ka toise.”

Roma 1:13

Ai dodiao nipipiricaya, bilasu nianako kanaga he ma para ma dalaka ai sininga ma dupa totagi tinikurumi nginika, duma ma fafati lo ka idala so idadiwa. Ai dupa komagena la ma ngale tomanara, so o bi bangsa ma binuka manga sidongirabaka lo kanaga o bi nyawa foloi yadala aku o Jou Yesus wipiricayaka, komagena lo tanu kagena to ngini nia sidongirabaka.

Filipi 1:23

Komagena so o kia naga moi ngohi tahiri gena asa tanako waasi. Sababu nako ngohi tonyafusu so o duniano tosupu de tokahika ma Kristuska togoge, magena ifoloisi daloha.