Filipi 1:14 - O GIKIMOI AWI JAJI ma BUKU

¹⁴ De lo o bi nyawa o Jou Yesus wipipiricaya kanena, ona lo yangodu he yamodo kawa de manga barani foloi idogo la o habari daloloha isihabari, sababu ona o Jou Awi buturu yopiricaya ifoloi koloko o Jou woiriwo ma orasi ngohi o bui ma rabaka.

Filipi 1:14 Referans Kwoze

1 Tesalonika 2:2

Ngini nianako ngaroko ngomi idoma o Filipi ma kotaka de o nyawa misisangisara de misimade, duma nanga Gikimoi mia sininga wosiputuru so ngomi asa mibarani, de lo ngaroko o Tesalonikaka o nyawa imilawangi, duma o habari daloloha lo aku minisingangasu nginika.

Filipi 1:7

Ma ngale ngini gena ngohi tinisininga daloha, sababu ngini gena maro ka to ngohi ai kusi-kusi. Ngini magena, nako o Gikimoi Awi manara gena ngohi wositatapu la taaaka, de igogou ngini ningodu lo to ngohi ai dodiao pomomanara, bai o orasi manena ngohi o bui ma rabaka, bai lo ipasaka ma ngale o habari daloloha gena ngohi o nyawa ihoholu manga simaka tasinako itiai.

Kolose 4:7

Ngohi asa o Tikhikus towisulo la wahika nginika ai habari ma ngale ngohi gena dangodu nginika winisingangasu. Una gena mia dodiao wopipiricaya de womomanara moi so ngomi miwidodara ifoloi de lo o Jou Yesus wileleani wokaeli.

Filipi 4:1

Ai dodiao nipipiricaya, ngini tinisiboboso so tinisiningaka de todupa tinikelelo kali. Ma ngale o Yesus Kristus gena ngini tinidotoka so ma orasi ngohi toise ngini o Jou niwingongano, de ngohi ai sininga asa danali imatero de o hadiah tamake. Maro o nyawa moi womagogora sidago waado ma batika so una asa o gogitina ma hadiah wamake de awi nalika. So o bi moi-moi idomaka tinidelefo nginika tanu komagena ngini asa o Jouka nimasigocoho daputuru de upa niwipalako.

Efesus 3:13

So ngini gena ngohi tinigolo, ma ngale o habari daloloha tinisihabari nginika so ngohi ibuika, gena tanu upa ngini nia sininga daceke. Sababu ngohi isangisara gena igogou ma ngale ngini lo done aku inisimulia.

2 Korintus 3:12

So ma ngale ngomi foloisi miongongano o Gikimoi Awi jaji damomuane, so ngomi lo kanaga mibarani o habari daloloha misihabari.

2 Korintus 7:4

Ngohi tanako igogou ngini gena nisimote ngohika de lo ngohi ngini tinisininga gena de ai nalika. So ngaroko o sangisara idala ngomi miamake, duma ma ngale ngini gena idadi to ngohi ai sininga ma buturu de lo ai nali gena de ma boloika.

Filipi 1:20

Magena imatero maro ngohi ai ngongano foloi ilamo gena, ngohi manena o orasi moi lo upa he imade. De ngohi ka ma nonomasi sidago lo o orasi manena bai tooho bai lo tosone gena, ngohi de ai baranika tobicara de taaka la ma Kristus bilasu wisihoromati.

2 Timotius 2:9

Ngaroko o habari daloloha tosingangasu o nyawaka so ngohi asa isangisara maro o nyawa itotooma moi sidago irate de o buika isingosa, duma igogou o Gikimoi Awi habari gena akuwa yarate so asa isihabari kali.

Markus 3:3

So Una wotemo o nyawa awi gia isosoneka gena, “Nahino kanena manga simaka.” So igogou una magena wahino.