Filemon 1:19 - O GIKIMOI AWI JAJI ma BUKU

¹⁹ Ngohi, Paulus, de ai gia masirete talefo: o moi-moi magena asa ngohika isimoku de lo awi nagi ngonaka asa tafangu. (So komagena, ngaroko, upa he tonisininga la ngona ani nagi foloisi ilamo ngohika, sababu ma orasi o habari daloloha tonisihabari de ngona o Jou Yesus asa nowipiricayaka de o oho ka sidutu ikakali gena namake, so magegena maro to ngona ani nagi moi ngohika.)

Filemon 1:19 Referans Kwoze

Galatia 6:11

Ma duuruka, ngohi tolefo gena de ai gia masirete so ma lefo ilalago manena ma ngale ngini gena tanu niosininga daloha.

Galatia 5:2

Ngohi, Paulus, tinisingangasu nginika de ngini o Galatiaka ma nyawa hika nimasosininga kasi, nakoso kanaga ngini de nimasimaha la nisuna, de o bi moi-moi ma ngale ngini gena ma Kristus waaka dabolo de magena dangodu ma faida lo ihiwa.

1 Korintus 4:15

Sababu ngini gena ngaroko kanaga nia guru de ma cala-cala la inidoto ma Kristus niwimote, duma ka cawali ngohi tomatengo todadi maro to ngini nia baba. Gena ma orasi ngohi todomaka, o habari daloloha tinisihabari so ngini o Yesus Kristus niwipiricayaka. Komagena so ngohi tinidododara ngini maro ai ngopa-ngopa masirete.

Titus 1:4

O surati manena tolefo ngonaka maro ai ngopa masirete tonisiboboso, sababu ngona nopiricayaka o Gikimoi Awi dodoto imatero maro de ngohi. Ngohi togolo o Gikimoi nanga Baba de o Yesus Kristus to ngone nanga Salamati tanu inidogo ngonaka o laha de o galusiri ifoloi, la ani sininga yaaka so foloisi isanangi.

1 Timotius 1:2

O surati manena tolefo ngonaka maro ai ngopa masirete tonisiboboso. Sababu maro o ngopa moi awi rohe ma sihino ma babano, so to ngona ani piricaya lo ma sihino ngohino, ma orasi o habari daloloha tonisingangasu ngonaka. Ngohi togolo o Gikimoi nanga Baba de o Yesus Kristus to ngone nanga Jou tanu inidogo ngonaka o laha de o galusiri ifoloi, la ani sininga yaaka so foloisi isanangi.

2 Korintus 3:2

sababu ngini masirete gena imatero maro to ngomi mia sigiliri ma surati. Ngini magena maro o surati moi isilelefo to ngomi mia sininga ma rabaka, kekiaka o nyawa yangodu aku yabaca de yanako.

Dodadi 43:9

Mutuwade ngohi tojaji de tosasi ngonaka, ai baba, gena ngohi masirete asa ai nongoru towijaga sidago lo ai rohe isone bai. De ngona, baba, ani sininga ma rabaka aku notemo ngohi manena gena aku ngona noingongano. So nakoso ai nongoru la towisigilihowa ngonaka gena, sidago ma orasi ngohi manena tosone, gena de ai salaka.

Roma 16:22

Ngohi, Tertius, o Jou Awi nyawa moi lo ai salam tosidingo nginika. O surati manena o Paulus awi demo gena ngohi talelefo.

2 Korintus 9:4

Sababu nagala o Makedoniaka ma nyawa asa ngohi imote done ma orasi ngohi tahika nginika, de nakoso ngini nia roriwo o pipi gena niaaturu waasi de, awadede, ngomi asa de mia madeka de komagena lo ngini nimade, sababu ngohi idomaka nia giliri tosimane daboloka.

2 Korintus 10:1

Ai dodiao nipipiricaya, manena ngohi, Paulus, o kia naga moi tinibaja de togolo nginika. Kanaga o nyawa ma binuka kagena itemo, ngohi ai surati ma rabaka tolelefo gena tobarani, duma nakoso ngohi de ngini pomakisimaka de ngohi ka tomahadoku, maro imodo de ai barani ihiwa ma ngale tobicara nginika. So maro ma Kristus Awi sininga damuudu, komagena ngohi lo ai sininga damuudu,

Filemon 1:18

De lo nakoso una de awi sala moi ngonaka eko lo una de awi nagi moi ngonaka, tanu awi sala magena ngona noisisala ngohika maro ai sala de ai nagi masirete.