ZAKARIA 9:8 - BIBEL JAMITA NA DENGGAN

⁸ JagohononKu ma tanongKi jana ambatonKu angka parangan ni bangso na asing na giot mamolus sian i. Nada Hupatola be angka panyosak manjaja bangsongKi. Angke madung Huida pardangolan ni halahi.”

ZAKARIA 9:8 Referans Kwoze

JESAYA 54:14

Di gincat ni hatigoran ma pajongjongon ho. Dao ma sian ho angka na manindas ho, angke nada pola mabiar ho jana nada tarsonggot ho, angke nada ro be i tu ho.

JESAYA 60:18

Nada adong be barita salaho tu na mangasa gogo, nada be masarsar luatmunu. Songon tembok Au mangondihon hamu, jana pujionmu ma Au songon sipaluamu.

JESAYA 52:1

Jonggor ma, jonggor ma! Pake ma gogomu songon pakean ale Sion, pake ma pakean hamuliaonmi, ale Jerusalem kota na badia! Harana umpe sahalak na so disunat sanga na hodar nangkon masuk be tu ho.

JEREMIA 31:12

Marroan ma halahi tu Dolok Sion jana marende disi marjop ni roha, hara ni sude na Hulehen tu halahi: gandum, miak, anggur dohot biri-biri. Tudos ma halahi tu kobun na tuk aekna, jana na so hurangan di bagi aha.

AMOS 9:15

BaenonKu ma bangsongKi maringanan di tano na Hulehen di halahi. Nada paoroton be halahi sian i. Au Tuhan Debata ni halahi, madung mandok songon i.”

JEHESKIEL 39:29

UsehononKu ma tondingKu tu bangso Israel jana nada be tadingkononKu halahi. Au Tuhan Debata madung mandok songon i.”

JESAYA 52:12

Anggo sanoli on nada porlu kehe maradu tibu maporus palua diri pe nada porlu. Angke Tuhan Debatamu do manogu ho ondihononNia do ho sian sasude na ro.

JESAYA 31:5

Songon unggas na manggurapar di ginjang ni asarna laho mangondihon angka anakna, laing songon i ma Au, Tuhan Na Markuaso mangondihon dohot mambela Jerusalem.”

MASMUR 72:4

Sai diondihon raja ma nian hak ni rayat na pogos, diurupi raja ma halak na pogos jana ditaluhon angka na pangkilang.

MASMUR 34:7

Surusuruan Ni Tuhan manogu halak na burju marugamo, jana na paluahon halahi sian bahaya.

2 SAMUEL 16:12

Betak na parrohahonon ni Tuhan do pardangolankon jana pasupasuonNia au gonti ni bura i.”

HARURUAR 3:9

Madung Hubege tangis ni bangsongKi jana madung Huida sanga songon dia halahi diparkanciti halak Mesir.

HALUMBAAN 20:9

Jadi manangkok ma halahi tu portibi on marsitopot dalanna, dihobuk halahi ma parbandaran ni angka halak na badia dohot kota na nihaholongan ni Debata. Hape mijur ma api sian langit mangabisi halahi.

BAENON NI ANGKA RASUL 7:34

Madung Huida jana Huparrohahon hapaeton ni parkancitan na nitaon ni bangsongKi di tano Mesir. Madung Hubege holos ni halahi jana mijur ma Au laho paluahon halahi. Beta ma saonnari! SuruonKu ma ho mangulahi tu tano Mesir.’

ZAKARIA 14:11

Marsonang-sonang ma angka jolma maringanan di kota i, nada adong hamamago na mangancam.

ZAKARIA 12:8

OndihononKu ma di ari i pangisi ni Jerusalem; salang jolma na gumale sian halahi gabe songon gogo ni si Daud. Togu-toguon ni pomparan ni si Daud ma halahi songon SurusuruanKu, olo tutu, songon panogu-noguonKu sandiri.

JEREMIA 46:13

Di na ro si Nebukadnesar raja ni Babel mamorangi Mesir, mangkuling ma Tuhan tu au, didok Ia,

JEREMIA 46:2

mamungka sian Mesir. Songon on ma pandokna taringot tu tentara ni si Nekho raja ni Mesir na talu di Karkemis donok tu Batang aek Efrat dibaen si Nebukadnesar raja ni Babel di taon paopatkon mamarenta si Joyakim anak ni si Josia gabe raja di Juda,

JESAYA 26:1

Di hatiha i, endehonon ni halak ma ende on di tano Juda: “Na tohong ma da kotanta on; madung dipajongjong Tuhan, tembok dohot benteng.

JESAYA 4:5

Dung i baenon ni Tuhan ma ombun di arianna, jana timus dohot api na marsinondang di bornginna, di gincat ni kota Sion dohot di gincat ni sude angka na marlagut di kota i. Hamuliaan ni Debata ma manggupgupi dohot manjagohon sudena i.

2 RAJA-RAJA 24:1

Dompak mamarenta Raja Joyakim, disi ma ro si Nebukadnesar raja ni Babel patundukkon Juda. Tolu taon honokna tunduk si Joyakim tu si Nebukadnesar, dung i mangalo ia muse.

2 RAJA-RAJA 23:29

Hona bunu ma Raja Josia di Megido di na kehe ia tusi mandapotkon si Neko raja ni Mesir na topet hatiha ro rap dohot tentarania laho mamorangi raja Asur na di topi ni Batang aek Efrat.

HARURUAR 3:7

Dung i didok Debata ma, “Madung Huida parkancitan ni bangsongKu di Mesir. Madung Hubege angguk-angguk ni halahi mangido anso dipalua sian angka na mamparkanciti halahi. Olo! Madung Huboto pardangolan ni halahi.

ZAKARIA 9:7

PaagoonKu ma mudar sian pamanganna dohot hahodaran sian angka iponna, jana na tinggal rap dohot halahi pe giot manjadi nampuna ni Debatanta. Gabe songon sada horong ma halahi di Juda, jana halak Ekron songon halak Jebusi.

2 RAJA-RAJA 19:34

AbarahononKu ma Jerusalem jana ondihononku, hara ni sangap na tu Au sandiri boti hara ni parjanjianKu sandiri tu naposongKu si Daud.’ ”

PODA 3:25

Nada porlu ho mabiar salaho tu parmaraan na ompot ro songon halingsungsung jana na mangalingkup angka halak na jahat.

ZAKARIA 12:4

Anggo di ari i baenonKu ma lenong sandok kudo jana angka na mangalombut i Hubaen rintik, halak na maringanan di Juda Hujagohon, tapi sandok kudo ni musuna i Hubaen nada marnida.