ZAKARIA 9:5 - BIBEL JAMITA NA DENGGAN

⁵ Idaon ni halak Askelon ma i dohot Gasa jana gabe mabiar ma halahi. Laing idaon ni Ekron ma i jana mago ma sude arop ni rohana. Agoan raja ma Gasa, jana Askelon gabe maronco nada adong na mangingani.

ZAKARIA 9:5 Referans Kwoze

BAENON NI ANGKA RASUL 8:26

Ro ma sada surusuruan ni Tuhan mandok tu si Pilipus, “Jongjong ma ho! Kehe ma ho tu sabola Selatan dalan siboluson sian Jerusalem tu Gasa.” Dalan na dung tarulang do i.

JEREMIA 47:1

Taran so diporangi raja Mesir dope Gasa mangkuling ma Tuhan tu au salaho tu tano Pilistin.

PILIPPI 1:20

Hum on ma i na sai hupangidohon dohot na huaropkon: Ulang nian gabe so tulus sidung karejongku. Sai diarop rohangku do tongtong lumobi saonnari anso mur puluk au sian sudena roha bope pamatangku – sanga mangolu sanga na mate pe au – laing nipasangap ma Kristus.

SURAT NI SI PAULUS TU PARLAGUTAN ROM 5:5

Nada pailaon be hita hara ni arop ni roha na songon on, harana madung digohi Debata rohanta i dohot holong ni rohaNia. Markite-hite Tondi Parbadia do dibaen Debata songon i, i ma Tondi na nilehenNia tu hita.

JOEL 3:4

Na giot bia do baenonmu Au, ale Tirus, Sidon, dohot sandok Luat Pilistin? Na giot palalu hosom dehe ho tu Au? Jagit ma pamalosonKu na tompu harorona muda dibaen ho na songon i.

AMOS 1:8

PangabisonKu ma angka parkuaso na di Asdod dohot Askelon. UhumanKu kota Ekron, jana marmatean ma sude halak Pilistin na teba i.”

ZAKARIA 9:4

Baenon ni Tuhan ma marpogos kota i. Lalu ambungkonoNia ma sude sinadongan ni kota i tu bagasan laut jana kota i sandiri abis panganon ni api.

ZAKARIA 9:6

“Inganan ni angka anak gampang ma Asdod jana abiskononKu ma hagodangan ni halak Pilistin.

JESAYA 14:28

On ma tona na nipabotohon di taon hamamate ni Raja Ahas.

AMOS 1:6

Didok Tuhan ma, “Marpupu do mardosa halak Gasa, hara ni i angkon hona uhum halahi baenonKu. Dioban halahi do himpal sada bangso, jana digadis halahi ma i gabe hatoban tu halak Edom.