ZAKARIA 9:4 - BIBEL JAMITA NA DENGGAN

⁴ Baenon ni Tuhan ma marpogos kota i. Lalu ambungkonoNia ma sude sinadongan ni kota i tu bagasan laut jana kota i sandiri abis panganon ni api.

ZAKARIA 9:4 Referans Kwoze

JEHESKIEL 28:18

Didok Tuhan, “Ale Tirus, dipahodar ho do angka inganan paribadatanmu hara ni angka hasalaan dohot pangicuonmu di na mandalankon boniagamu. Hututung ho patunda ni i lopus hornop dohot tano. Sude halak na marnida ho hum abu noma idaonna.

JEHESKIEL 26:17

Dung i endehonon ni halahi ma ende mangubur na mate di hamu songon on: Madung masego kota na tarpuji! Dihais sian laut sude kapalna i. Halakna i markuaso humani do di laut mambaen angka halak pasisir mabiar jana heput.

AMOS 1:10

Hara ni i tongosonKu ma api tu angka tembok ni kota Tirus, jana surbuonKu sude angka bentengna i.”

JOEL 3:8

GadisonKu angka anakmu halaklahi dohot dadaboru tu halak Juda, jana gadisonna muse ma i tu halak Seba, luat na dao situtu. Au Tuhan mandok songon i.

JEHESKIEL 28:16

Lalap do ho marboniaga, jana i ma da na maroban ho tu jogal ni roha dohot dosa. Jadi gabe Hupaorot ho sian dolokKu Na Badia i, jana diayak surusuruan panjagomi ho sian tonga-tonga ni simata na marlinang-linang i.

JEHESKIEL 28:8

Hona bunu ma ho jana dikubur di bagasan laut.

JEHESKIEL 28:2

“Ale jolma parsantongkinan, palalu ma tu raja ni Tirus, sanga aha na Hudok, Au Tuhan Debata mandok tusia, ‘Bulbul ni hatamu antong mandok na dung dietong ho dirimu debata na mangarajai sude laut. Muda na giot songon debata pe pangalahomu, guru di ho ma i, tapi ingot ma, jolma na somal sajo do ho.

PODA 11:4

Nada mararti sinadongan hatiha mangadopi uhum hamatean; angke hasintongan paluahon halak sian hamatean.

PODA 10:2

Sinadongan na dapot sian hageduhan nada mangalehen hauntungan; tapi hatigoran bisa do paluahon halak sian hamatean.

JESAYA 23:11

Madung dipatoltol Tuhan tanganna di ginjang ni laut jana ditunggalingkon angka harajaan. Diparenta Ia do Kanaan anso dironcohon angka benteng ni Penisia.

ZAKARIA 9:5

Idaon ni halak Askelon ma i dohot Gasa jana gabe mabiar ma halahi. Laing idaon ni Ekron ma i jana mago ma sude arop ni rohana. Agoan raja ma Gasa, jana Askelon gabe maronco nada adong na mangingani.