ZAKARIA 9:2 - BIBEL JAMITA NA DENGGAN

² Hamat na marbalok dohot Hadrakh laing nampunaNia do i, songon i muse kota Tirus dohot Sidon haru pe na mansai pistar do halahi.

ZAKARIA 9:2 Referans Kwoze

JEHESKIEL 28:12

“Ale anak ni jolma, andungi ma raja ni Tirus. Palalu ma sanga aha na Hudok, Au Tuhan Debata mandok tusia, ‘Jungada do ho gabe gambaran ni na sanggam, najolo, i noma pistarmu dohot tongammu!

JEREMIA 49:23

On ma na nidok ni Tuhan salaho tu Damaskus, “Sak be roha ni halak Hamat dohot Arpad jana busisa hara ni na umbege barita na jat. Marsak be roha ni halahi jana dumaol-daol songon ombak ni laut.

OBAJA 1:20

Mulak ma halak Israel na di Utara sian habuangan jana inganan ni halahi ma Punisia lalu tu Sarfat. Angka halak Jerusalem na hona buang tu Sardis, mulak noma i jana taluhononna angka kota na di bagian Selatan ni Juda.

AMOS 6:14

Didok Tuhan, Debata Na Markuaso i sandiri do, “Ale halak Israel, tongosonKu ma tentara sian sada luat na asing laho mamparhanciti hamu. Sosahon ni halahi ma hamu sian dalan laho tu Hamat di Utara lopus tu Rura Araba di Selatan.”

2 RAJA-RAJA 25:21

na di Luat Hamat. Disambok ma halahi disi lalu dibunu. Songon i ma angka halak Juda i dioban sian tano ni halahi tu habuangan.

2 RAJA-RAJA 23:33

Marujung ma pangarajaion ni si Joahas di na tartangkup ia dibaen si Neko raja ni Mesir di Ribla na di Luat Hamat, jana dipaksa ia ma Juda manggarar pajak tusia 3.400 kilo perak dohot sere tolu pulu opat kilo.

1 RAJA-RAJA 17:9

“Saonnari angkon tu kota Sarfat noma ho kehe, tu lambung ni Sidon jana disi ma ho maringanan. Madung Huparentahon sada ina na mabalu disi anso dilehen ia ho mangan.”

BILANGAN 13:21

Dung i kehe ma halahi adop Utara paresohon luat i mamungka sian Parhorsihan Zin di Selatan torus tu Rehob donok tu Dalan Hamat di sabola Utara.

JEREMIA 47:4

Madung dapot hatihana patimpason bangso Pilistin sudena, lopus nada dapotan pangurupion be Tirus dohot Sidon. AbiskononKu ma sude halak Pilistin sian Kreta. Au Tuhan na mambaensa.

JEHESKIEL 47:16

tu Berota dohot Sibraim (di antara ni kota Damaskus dohot kota Hamat do parpayak ni angka kota i), dung i tu kota Hasar-Enan di parbalohan ni kota Hauran.

JEHESKIEL 27:1

Didok Tuhan Debata i ma tu au, “Ale anak ni jolma parsantongkinan, endehon ma sada andung taringot tu Tirus, na maringanan di labuan, jana na marboniaga dohot angka bangso di topi ni laut: Songon on ma hata ni Tuhan Debata, ‘Ale Tirus didok ho: Au ma kapal na sun jeges.’

JEHESKIEL 28:1

Didok Tuhan ma tu au:

AMOS 1:3

Didok Tuhan ma, “Marpupu do halak Damaskus mardosa, hara ni i angkon hona uhum halahi Hubaen. Santak do kejamna pambaen ni halahi tu halak Gilead.