ZAKARIA 9:14 - BIBEL JAMITA NA DENGGAN

¹⁴ Pataridahonon ni Tuhan ma diriNa tu bangsoNa, songon hipas ni hilap ditembakkon angka anak ni siorNa. Ombuson ni Tuhan Debata ma sarune lalu mardalan maju di bagasan angin na gogo na sian Selatan.

ZAKARIA 9:14 Referans Kwoze

MASMUR 18:14

Dipalua Ia panaNia, musu i pe kehe gumadobur, maporus halahi hatiha manyoro ronggur.

JESAYA 66:15

Giot ro ma Tuhan marhite api. Jana karetaNia songon halingsungsung, laho palaluhon rimasNa na marapi purun.

ZAKARIA 14:3

Jadi kehe ma Tuhan marporang mangalo angka bangso i songon na nibaenNia narobi.

ZAKARIA 2:5

Madung dijanjihon Tuhan bahaso na giot Ia sandiri do gabe tembok api humaliang kota i laho mangondingisa jana na giot disi noma Ia di bagasan sude kuaso dohot hagodanganNia.”

JESAYA 27:13

Paluon ma di hatiha i sarune laho marpio sude halak Israel na hona buang di Asur dohot di Mesir. Ro ma halahi tu Jerusalem marsomba tu Tuhan di dolokNa na badia.

JESAYA 21:1

Songon on ma alatan taringot tu Babel: Songon halingsungsung na mardonging na mamolus di parhorsihan, songon i ma haroro ni parmaraan sian luat sihabiaran.

HALUMBAAN 6:2

Jadi hupamanat ma, gabe huida ma sada kudo na bontar. Ditiop na manengget kudo i do sada sior jana dilehen ma tusia sada tuku. Ruar ma ia songon sada halak parmonang, na maju laho mambuat hamonangan i.

HABAKUK 3:11

Panyirlak ni angka anak ni siorMu maradu hipas, tombakna marsilo manyirlak-nyirlak, gabe so ma mataniari dohot bulan di ingananna.

JESAYA 30:30

Patubegehonon ni Tuhan ma soraNia na tongam i jana ganop halak hilalaonna ma hamuruhonNia na sogen i. ParoonNia ma api na mangabiskon, udan potir, ambolas dohot bade.

IBRANI 2:4

Tamba ni i, dohot do Debata pagomoskon hasaksian ni angka halahi di na nibaenNia ragam-ragam ni hahomangan bope angka pangalaho na luar biasa bope dohot na mambagi-bagihon angka hamaloan hapunjungan na sian Tondi Parbadia marguru tu hagiot ni Debata sandiri.

SURAT NI SI PAULUS TU PARLAGUTAN ROM 15:19

na nidonganan ni angka tanda hahomangan na sian gogo ni Tondi Parbadia do sudena i. Madung sudena hubaritahon Jamita Na Denggan sian Kristus i tu angka jolma, mamungka sian Jerusalem lopus tu Ilirikum.

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

ZAKARIA 12:8

OndihononKu ma di ari i pangisi ni Jerusalem; salang jolma na gumale sian halahi gabe songon gogo ni si Daud. Togu-toguon ni pomparan ni si Daud ma halahi songon SurusuruanKu, olo tutu, songon panogu-noguonKu sandiri.

JESAYA 31:5

Songon unggas na manggurapar di ginjang ni asarna laho mangondihon angka anakna, laing songon i ma Au, Tuhan Na Markuaso mangondihon dohot mambela Jerusalem.”

JESAYA 18:3

Hamu sude angka na maringanan di tano on! Parrohahon hamu ma muda dung dipanaek mandera di puncut ni angka dolok! Tangihon hamu ma muda dipalu sarune!

JOSUA 10:42

Di bagasan sada parporangan sajo, madung talu sude raja-raja i dohot luat na nigomgoman ni halahi dibaen si Josua, angke Tuhan Debata ni Israel do marporang di Israel.

MATEUS 24:31

Dipalu ma tarompet na godang, suruon ni Anak Ni Jolma i ma angka surusuruanNia tu panjuru na opat i di tano on palagutkon bangsoNia, sian topi ni langit na sada lalu tu topi ni langit na sada nari.”

HABAKUK 3:14

Mangkatombuk dibaen angka siorMu na mamimpin parangan ni musu, di na ro paranganna i songon gogo ni halingsungsung, anso masarsar nian hami dibaen. Martata ma halahi marsonang-sonang laho mamparkanciti halak na marhahurangan.

JOB 37:9

Sian Selatan marroan alogo na sun gogo jana sian Utara alogo na ngali maradu manorus.

MASMUR 18:15

Tandolan ni laut tarida, sisik ni tano tarbuka tangkas, di na manyonggak Tuhan tu musu mardongan rimas.