ZAKARIA 9:12 - BIBEL JAMITA NA DENGGAN

¹² Mulak ma hamu ale angka halak buangan, saonnari madung adong di hamu harapan. Mulak ma hamu tu inganan parondinganmunu. Di ari sadari on Au mandok: Silompit dua do paulahonKu pasupasungKu tu ho.

ZAKARIA 9:12 Referans Kwoze

JOB 42:10

Salpu i, dung martangiang si Job salaho tu donganna sitolu halak i, dibaen Tuhan ma ia mamora mangulahi jana dilehen tusia dua noli lompit sian sinadongannia najolo i.

JESAYA 61:7

Nada be maila sanga dipabile hamu mangulahi; tanomunu i hamu sandiri noma mangingani. Hamoraonmunu marlompit ganda, jop ni rohamunu hot ma salolotna.

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.

JEREMIA 51:10

Didok bangso ni Tuhan i ma, “Madung dipatuduhon Tuhan bahaso di pihak na tutu do hita. Beta ma hita tu Jerusalem jana tapaboa ma disi sandok na nibaen ni Tuhan Debatanta i.”

JEREMIA 31:17

Adong do arop ni rohamu tu hatiha na ro; marmulahan do angka dakdanakmi mangulahi tu huta hagodanganna.

NAHUM 1:7

Na denggan do Tuhan i, ditolong Ia do bangsoNia taran marhasusaan, dijagohon Ia do halak na marsihohot tuSia,

HOSEA 2:15

PaulahonKu ma tusia angka kobun anggurna, jana Rura Akhor baenonKu ma gabe pintu ni arop ni roha. Sambutonnia ma Au disi songon di haposoonna, tingki baru haruar ia sian Mesir.

JESAYA 40:2

Angkon apoanmunu do roha ni halak Jerusalem, dok tu halahi, na dung tuk pardangolan ni halahi. Madung Husesa angka dosa ni halahi, madung tuk uhuman na Hulehen i.”

JOEL 3:16

Mangorong ma Debata sian Sion, dipatubegehon Ia ma soraNia sian Jerusalem. Humutur langit, dohot tano pe mangihut. Tapi laing tong do Tuhan mambela bangsoNa.

JEHESKIEL 37:11

Didok Debata ma tu au, “Ale anak ni jolma, bangso Israel do na nigambarkon ni angka holi-holi on. Humolos do halahi hara ni na mahiang halahi, nada adong be arop ni roha jana nada adong be ari pangapudianna.

MIKA 4:8

Jana ho, ale Tugu Punguan ni Biribiri, ale Tor ni boru Sion, giot ro ma tu ho jana angkon mulak muse harajaanmu songon na jolo, harajaan ni boru Jerusalem.

JESAYA 52:2

Paspaskon ma abu na lohot di pamatangmi, ngot ma ho, ale Jerusalem na nitaban! Talduskon ma ihot-ihot sian rungkungmu, ale boru Sion na tartaban!

JEREMIA 31:6

Tutu do dapot do i hatihana marsurak ma angka panjago ni kota ni partoran Efraim, ‘Beta hita manangkok tu Sion, mandapotkon Tuhan, Debatanta.’ ”

JESAYA 38:18

Angke nada adong na mandok tarimakasi sian inganan ni na mate tu Ho, hamatean nada bisa mamuji Ho; angka jolma na giot tu kuburan inda dipainte be hasetiaonMu.

JESAYA 49:9

Halak na tarkurung Hulehen haluaan, na di hagolapan obanonKu tu na torang. Salang di dolok na limus pe nada halahi marhahurangan, sapanjang dalan rade do sipanganon.

JEREMIA 50:28

Dicaritohon angka halak na lari sian Babel tu Jerusalem ma sanga songon dia pamalos ni Tuhan Debatanta di parbuatan ni halak Babel maradopkon bagas na badiaNia.)

IBRANI 6:19

Arop ni rohanta i ma na gabe sitiopan na togu jana na pasonangkon rohanta di ngolu on, na dung masuk lalu tu pudi ni tire i.

JESAYA 24:22

Rap palaguton ma halahi sude songon tahanan na di bagasan liang. Hurungon ma halahi di bagasan hurungan lopus dapot hatihana niuhuman.

JEREMIA 14:8

Hum sasada Ho do di Israel pos ni roha, na paluahon hami sian hasusaan. Hape biasi songon halak na asing Ho di tanonami, songon halak na hum saborngin maradian lalu kehe?

JEREMIA 16:19

O Tuhan, Ho do na mangondihon au dohot na margogoihon au; diurupi Ho do au taran di hagogotan. Marroan ma angka bangso sian ujung ni tano on tu Ho jana dokkononna ma, “Hum debata na so tutu jana na so marguna do debata ni ompunami.

JEREMIA 17:13

Tuhan, Ho do pos ni roha ni Israel bangsoMi, angkon gabe maila do sude na manadingkon Ho. Na giot kehe ma halahi tu inganan ni jolma na mate i; angke Ho do mual ni aek hangoluan madung ditadingkon halahi, ale Tuhan.