ZAKARIA 9:11 - BIBEL JAMITA NA DENGGAN

¹¹ Didok Tuhan ma tu bangsoNia, “Ho pe markite-hite mudar ni parjanjianKu dohot do paluaonKu angka na tarbuang sian ho, malua sian sumur na so marisi aek.

ZAKARIA 9:11 Referans Kwoze

JESAYA 51:14

Ia na tartaban angkon manigor dipalua; nada mijur be ia tu hamatean jana nada hurangan di sipanganon.

HARURUAR 24:8

Jadi dibuat si Musa muse ma mudar na di mangkuk-mangkuk i jana dipispiskon ia ma i tu rayat i. Ning ia ma, “Mudar on ma tanda ni parjanjian ni Tuhan dohot hamu di na nilehenNia angka parentaNia on.”

JESAYA 42:7

laho mambuka mata na mapitung; laho paruarkon na hona uhum sian bagas hurungan, angka halak na juguk di bagasan hagolapan sian hurungan.

1 KORINTUS 11:25

Laing songon i ma dung abis mangan, dibuat Ia muse ma panginuman ni anggur lalu didok Ia ma, “Parjanjian Na Imbaru do anggur on, na ditontuhon ni mudarKu. Ganop diinum hamu on, baen hamu ma on marningot Au.”

MATEUS 26:28

Angke on ma mudarKu na gabe jaminan ni parjanjian ni Debata. Niduruskon do mudarKon hara ni bahat halak, gabe hasesaan ni dosa.

IBRANI 10:29

Haru tu halak na songon i, i ma borat ni uhumanna, mur bia muse dope ulaning borat ni uhuman tu angka jolma na songon on: Na mangalayasi Anak Ni Debata, halak na marnayang ni roha mida hamamate ni Kristus na songon jaminan ni janji ni Debata na mangkaholongi Ia. Hilala hamu ma sanga bia dokdok ni uhuman tu angka jolma sisongon i!

JESAYA 61:1

Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

JESAYA 49:9

Halak na tarkurung Hulehen haluaan, na di hagolapan obanonKu tu na torang. Salang di dolok na limus pe nada halahi marhahurangan, sapanjang dalan rade do sipanganon.

MASMUR 69:33

Dibaen ditangihon Tuhan antong halak na lebak, nada dihalupahon Ia bangsoNia na di hurungan.

MASMUR 40:2

Ditarik Ia do au sian godung parmaraan, diela Ia do au sian ombik na bagas. Dibaen Ia au tu ginjang ni dolok batu, gabe sonang au.

MARKUS 14:24

Dung i didok Jesus ma tu halahi, “On ma mudarKu, na niduruskon di halak na bahat, i ma mudar na mambaen tulus parjanjian ni Debata.

LUKAS 22:20

Laing songon i ma dung sidung mangan, dilehen Ia ma panginuman i, tu halahi jana didok Ia ma, “Anggo anggur on, i ma parjanjian na imbaru sian Debata, na nicap dohot mudarKu, mudar na niduruskon hara ni hamu].”

JESAYA 58:12

Kota na dung honok tarulang, bangunonmunu ma mangulahi di ginjang ni ojahan na lolot i. Tarbarita ma hamu songon sada bangso na mambangun mangulahi angka tembok dohot angka dalan na dung maronco anso hainganan mangulahi.”

MASMUR 30:3

Disalpuhon Ho do tanoman sian au, jana dipasuang Ho ngolungku.

PANGARATAION 5:31

Tapi anggo ho, Musa, dison ma ho rap dohot Au, lehenonKu ma tu ho sude aturan dohot parentangKu. Angkon ajarkononmu do i tu bangso i anso dioloi halahi i di tano na giot silehenonKu tu halahi.’

IBRANI 13:20

Madung dipangolu Debata Tuhanta Jesus sian hamatean. Hara ni hamamateNia i, gabe Parmahan Bolon ma Ia saonnari di hita na gabe songon biri-biriNia. Laing songon jaminan muse do hamamateNia i taringot tu janji na so ra muba na sian Debata.

LUKAS 4:18

“Tondi Ni Tuhan do na adong di Au, angke madung dimiahi Ia do Au laho mamaritahon Jamita Na Denggan na sian Debata tu halak na pogos, jana disuru Ia do Au paboahon haluaan tu angka na tartangkup dohot parnidaan tu angka na mapitung; laho paluahon halak na marhancit,

JESAYA 42:22

Hape mangabis hona samun bangso i, tarjorat halahi, madabu martinggangan, hona tangkup halahi jana ditahan di hurungan; madung gabe talu halahi, jana nada adong na paluahon, gabe rampasan jana nada adong na mandok: ‘Paulak ma.’

JEREMIA 38:6

Dung i dialap halahi ma au jana ditantan halahi ma au dohot tali tu bagasan sumur ni si Malkia anak ni raja i. Di alaman ni bagas godang i do sumur i. Nada adong aek di bagasan sumur i, hum bustak do jana masuk ma au tu bustak i.

HALUMBAAN 20:3

Dung i diambungkon surusuruan i ma naga i tu rura hamatean, dikunci ia ma rura i jana dicap ia anso ulang tarbaen naga i be paoto-otohon angka bangso salolot so abis na saribu taon i. Dung salpu i, paluaon dope ia santongkin.

DANIEL 2:29

Taran modom raja i, marnipi do raja i taringot tu hatiha na giot ro. Dipatidahon Debata sibuka rahasia i do tu raja i sanga aha na giot masa.

2 JUJUR TAON 7:17

Muda songon amangmu si Daud i do ho burju mangoloi angka uhumKu jana dipatulus ho sude na Huparentahon tu ho,

2 SAMUEL 13:13

Anggo tarjadi na songon i, tu dia ma hubunihon bohingkon? Boti muse, laing na so marbohi be dohot ho di Israel. Gumonan do dokkon tu raja i, loasonna do au gabe dadaborumu.”

LUKAS 16:24

Dung i marsurak ma halak na kayo i, ‘Jo amang Abraham! Ibo ma rohamu di au, suruhon ma jolo si Lasarus mangaronjomkon jari-jarinia tu aek anso ro ia palambokkon dilangkon. Markancit sajo do au di bagasan api on!’

IBRANI 10:2

Sugari na dung tutu situtu ias sian dosa angka halak na marsomba i tu Debata, nada adong be di halahi pangkilalaan na mardosa jana mantak noma halak manghaulkon haul.

JOB 33:30

anso laing tarpalua Ia jolma lalu mangalehen hatuaan di ngoluna.

JESAYA 24:22

Rap palaguton ma halahi sude songon tahanan na di bagasan liang. Hurungon ma halahi di bagasan hurungan lopus dapot hatihana niuhuman.