ZAKARIA 8:9 - BIBEL JAMITA NA DENGGAN

⁹ Songon on ma hata ni Tuhan Na Markuaso, “Patogu ma rohamu, o angka jolma na dung mambege hata na nidokkon ni angka panurirang, mulai dipayakkon batu ojahan ni bagas ni Tuhan Na Markuaso, giot pajongjongkon Bagas Na Badia i.

ZAKARIA 8:9 Referans Kwoze

JESAYA 35:4

Dok ma tu halak na enek roha, “Ulang ho mabiar, papir ma rohamu. Ro do Debata, paluaonNa ma ho, jana tu angka musumu dabuonNa uhum.”

HAGAI 2:21

songon on, “Dokkon ma tu si Zerubabel bupati ni Juda songon on, ‘HuturonKu ma langit dohot tano,’

1 JUJUR TAON 22:13

Anggo burju do ho mangoloi sude aturan na nilehen ni Tuhan tu si Musa di bangso Israel, manjadi ma karejomu. Angkon puluk do ho jana marpos ni roha. Ulang ho mabiar sanga na mangadopi aha pe jadi.

2 TIMOTEUS 2:1

Amang Timoteus! Sai margogo ma ho hara ni asi ni roha na nilehen di hita hara ni pardomuanta i dohot Kristus.

EPESUS 6:10

Ujungna, sai margogo ma hamu markite-hite gogo na nijagitmunu sian kuaso ni Tuhan, angke madung sada hamu dohot Tuhan i.

ZAKARIA 8:18

Dilehen Tuhan Na Markuaso i do tona on tu au sipalaluon tu bangsoNia songon on,

ZAKARIA 8:13

Jana na jolo madung manjadi bura hamu di tonga-tonga ni angka bangso, o hamu halak Juda dohot halak Israel. Jadi saonnari giot paluaonKu noma hamu, anso gabe pasupasu hamu. Ulang hamu mabiar, patogu ma rohamunu!”

HAGAI 1:12

Dung i ditangihon si Zerubabel, anak ni si Sealtiel dohot Malim Godang Josua, anak ni si Josadak maradu sude halak Israel ma sora ni Tuhan Debata ni halahi, ditangihon muse dohot hata ni Panurirang Hagai, hombar tu sora ni Tuhan Debata ni halahi tusia, jadi mabiar ma bangso i maradopkon Tuhan.

HAGAI 1:1

Di taon paduahon dung bangkit Raja Darius, di ari parjolo di bulan paonomkon, ro ma hata ni Tuhan marhite Panurirang Hagai. Tu si Zerubabel, anak ni si Sealtiel pangarajai di Juda, dohot tu Malim Godang Josua anak ni si Josadak, na mandok,

1 JUJUR TAON 28:20

Dung salpu i didok Raja Daud ma muse tu si Salomo anakna i, “Ulang ho mabiar, pos ma rohamu. Pungka ma karejo i jana ulang ho gamang sanga na maradopkon aha pe. Urupan ni Tuhan Debata na husomba i do ho. Nada tadingkononNia ho. Sai na dongananNia do ho lopus sidung dibaen ho sude karejo i.

JOSUA 1:8

Parrohahon ma denggan anso sai tongtong disise buku niuhum i ganop maribadat hamu. Parsiajari ma buku i arian dohot borngin jana dalankon ma sude na tarsurat di bagasan buku i ulang parlayas. Muda dipatulus ho sudena i, sonang ma ngolumu jana maruntung.

JOSUA 1:6

Sai marpos ni roha ma ho jana ulang mabiar, angke ho do na mamimpin bangso on di na giot buaton ni halahi luat na dung Hujanjihon tu ompu na umpompar halahi.

ESRA 6:14

Dipatorus angka pamimpin ni Jahudi i ma pambangunan ni Bagas Ni Tuhan i mardongan panyosoi ni Panurirang Hagai dohot Panurirang Zakaria, anak ni si Ido. Dipasidung halahi ma pambangunan i hombar tu parenta ni Debata ni Israel dohot parenta ni si Kores, si Darius dohot si Artahsasta, angka raja ni Persia i.

HAGAI 2:18

Sadari on, tanggal dua pulu opat bulan sambilan, sidung ma dipayakkon batu ojahan ni BagasKu! Parrohahon hamu ma sanga aha do na tarjadi mamungka sadari on.

2 JUJUR TAON 15:7

Tapi angkon sobar do hamu jana barani. Manjadi do usahamunu i.”

JESAYA 35:3

Pargogoi ma tangan na gale, patogu ma dugul na hitir-hitir.