ZAKARIA 8:4 - BIBEL JAMITA NA DENGGAN

⁴ Songon on do hata ni Tuhan Na Markuaso: Angkon juguk dope muse angka ompu-ompu halaklahi dohot angka ompu-ompu dadaboru di alaman ni Jerusalem, na patiop-tiop tungkotna be di tanganna hara ni tobangna.

ZAKARIA 8:4 Referans Kwoze

IBRANI 12:22

Tapi anggo hamu, Dolok Sion noma na niadopanmunu bope Kota Ni Debata na mangolu, i ma Jerusalem na di banua ginjang dohot surusuruanNa na marribu-ribu.

JOB 42:17

Jadi marujung ma ngolu ni si Job di na matobang situtu ia.

JOB 5:26

Songon eme na masak na nisabi di hatihana, ngolumu pe marudut lalu tu na saur matua.

1 SAMUEL 2:31

Satutuna, na giot ro ma hatihana, bunuonKu ma sude doli-doli sian horongmu dohot margamu, lopus nada adong sahalak pe doli-doli sian horongmu marumur na ginjang.

1 SAMUEL 2:32

Marsak ma ho jana mangiburu mida sude pasupasu na giot lehenonKu tu angka halak na asing di Israel, hape anggo di bagasan horongmu sandiri mate poso ma sudena.

JEREMIA 31:13

Manortori ma disi angka bujing-bujing marjop ni roha bage. Na matobang dohot na poso, rap marmoga-moga do, dibaen giot lehenonKu tu halahi apo-apo. Hupauba arsak ni halahi gabe moga, hasusaan Hugonti gabe tua.

JEREMIA 31:24

Maringanan ma halak di Juda dohot di angka huta na disi. Adong ma disi partani dohot parmahan na marmahani pahan-pahananna.

ZAKARIA 2:4

Didok surusuruan na parjolo i ma tu na paduahon i, “Ompoti ma kehe tu halaklahi na maroban tali suhat-suhat i jana dokkon ma tusia paboa na giot gok sajo ma jolma dohot pahan-pahanan di Jerusalem gabe nada tarbangun be tembok humaliang kota i.

HARURUAR 21:19

hape tarbaen ia dope jongjong dohot mardalan mangulahi mamake tungkot, nada pola uhuman na mamukul i, tapi angkon lehenon na harugian ni na hona pukul i salolot so lobas ia karejo dohot pasiubatna lopus malum.