ZAKARIA 8:23 - BIBEL JAMITA NA DENGGAN

²³ Anggo di angka ari i ro ma sampulu halak sileban tu sada halak Jahudi jana dokkonon ni halahi ma, ‘Por do rohanami maruntung laing songon ho; angke hami bege do, bahaso dipasupasu Debata hamu.’ ” Madung didok Tuhan Na Markuaso i songon i.

ZAKARIA 8:23 Referans Kwoze

JESAYA 60:3

Marroan ma angka bangso tu hatiuranmu, tartarik ma angka raja hara ni habibincarmu na imbaru.

JESAYA 55:5

Satutuna, pioonmu ma angka bangso na so nitandamu, jana bangso na so tumanda ho marlojong mandapotkon ho, hara ni Tuhan, Debatamu, jana hara ni na Sun Badia Debata ni Israel, na pasangapkon ho.”

1 KORINTUS 14:25

Sanga aha na buni di bagasan rohania, dipatandahon ma i, gabe dipatoruk ia ma dirinia marsomba tu Debata. Okuonnia ma na tutu do Debata di tonga-tongamunu.

JESAYA 45:14

Ninna Tuhan ma tu Israel: “Buat ma di ho arta ni Mesir dohot Sudan. Angka halak Seba na tongam i gabe hatoban, mardalan di pudimu halahi marrante-rante. Marsomba ma halahi, lalu dokkononna, ‘Debata mandongani ho; hum Ia do tutu Debata!

JESAYA 66:18

Huboto do pikiran dohot parbuatan ni halahi. Ro Au laho paluhutkon angka jolma sian sandok bangso. Muda marlagut halahi, idaon ni halahi ma kuasongKu

PAMUNGKAAN 31:7

Tapi haru songon i pe laing dipaoto-oto do au jana ma pola sampulu noli dipauba-uba halahi upangku. Tapi nada dipadiar Debata ia torus mambaen na jat tu au.

BAENON NI ANGKA RASUL 19:12

Hum sapu tangan pe sanga abit pangalilit ni gonting na jungada dipake si Paulus diboan tu angka halak na marnyae, manigor malum ma i jana angka tondi na jahat pe marmorotan ma sian halahi.

JESAYA 4:1

Muda dung dapot hatiha i, tiopon ni pitu halak dadaboru ma sada halaklahi jana dokkonon ni halahi ma, “Isinkon ma da hami mandok ho na mambuat hami anso ulang jabat maila hami hara ni na so jungada marbagas. Anggo panganon dohot pakean, hami sandiri pe da mananggungsa.”

JESAYA 3:6

Jadi di hatiha i adong ma sahalak maniop kahanggina di bagas ni amangna, dung i mandok, “Adong dope jubamu, ho ma pamimpin di hami, jana angka na maronco on di toru kuasomu.”

PARJAMITA 11:2

Lehenma bagian i tu pitu sanga tu salapan halak, angke porlu do jamot-jamot halak, painte so masa hasusaan.

JOB 19:3

Mulak-ulak sai dipahancit hamu rohangku, jana sai dipahanciti hamu au so mamboto malu.

1 JUJUR TAON 12:18

Jadi adong ma sahalak sian halahi, i ma si Amasai na gabe pamimpin ni na margoar “Tridasawira i”, digohi Tondi Ni Debata ma ia jana didok ia ma, “O Daud, anak ni si Isai! Donganmu do da hami! Sai manjadi ma nian karejomu dohot angka na mandongani ho. Mamihak tu ho do Debata!” Jadi dijaluangi si Daud ma halahi jana diangkat ia ma halahi gabe perwira di tonga-tonga ni tentarania i.

2 RAJA-RAJA 2:6

Dung i didok si Elia ma tu si Elisa, “Dison ma ho; disuru Tuhan do au tu Batang aek Jordan.” Tapi dialusi si Elisa ma, “Hara ni Tuhan na mangolu i, bope hara ni ho Amang, nada giot tinggalkononku Amang.” Jadi kehe ma halahi

MIKA 5:5

Taluhonon ni halahi ma Asur dohot luat ni si Nimrod marhite podang; jana paluaon ni halahi ma hita sian halak Asur, muda ro halahi masuk tu tanonta dohot mamolus luatta jana mandege luatta.

PAMUNGKAAN 31:41

Songon i ma na hutaon i salolot na dua pulu taon i au karejo di ho. Opat bolas taon da karejo au anso dapot au borumunu na dua i – jana onom taon nari anso dapot au angka pahan-pahanan i. Jana dipauba-uba ho ma upangku disi pola sampulu noli muba.

LUKAS 8:44

Disolat anak boru i ma sian tonga-tonga ni halak na bahat i lopus lalu ia tu pudi ni Jesus. Jadi dijama ia ma topi ni baju juba ni Jesus. Ompot ma pantan bulanan ni anak boru i.

BILANGAN 14:22

bahaso sian sude halak on, umpe adong na torus mangolu laho masuk tu tano na Hujanjihon tu ompu ni halahi. Angke nada ra halahi mangoloi Au, tongtong do diuji halahi Au. Haru pe na dung diida halahi sinondang ni ingananKu na mambaen siloan halahi, jana madung diida halahi muse angka hahomangan na Hubaen di Mesir dohot di parhorsihan.

JOSUA 8:35

Pasada-sada sude parenta ni si Musa na tarsurat di bagasan Buku Tona Ni Tuhan i disise si Josua tu sandok halak na marlagut disi, dohot ma disi angka dadaboru, angka dakdanak, dohot angka halak sileban na tinggal di tonga-tonga ni halak Israel.

JESAYA 45:24

Dokkonon ni halak ma, ‘Hum di Tuhan dapot hagogoan dohot hamonangan!’ Tapi manjagit hahaila ma sude na margoyak ni roha mida Ia.

JESAYA 60:14

Ro ma angka dakdanak ni na mamparkanciti ho marsomba tu jolomu na dung jungada mangalayasi ho mamparsangapi jana tunduk, ‘Sion, Kota Ni Debata Na Badia ni Israel’, ‘Kota Ni Tuhan’, songon i ma ho nigoaran.

ZEPANYA 3:19

Ro do i hatihana ropukkononKu na mamisat hamu, jana halak na tengka paluaonKu; sude halak buangan mulak toguonKu. Muba habilean ni halahi gabe hasangapan; sanga di dia, disandok portibi, marmulia ma halahi jana dipuji.

2 JUJUR TAON 15:9

Bahat do halak Efraim, Manase dohot Simeon na margabung dohot si Asa, jana maringanan ma halahi di luat na nirajaannia, harana diida halahi, ditolongi Tuhan do ia. Disuru si Asa ma sude halahi rap dohot rayat ni Juda dohot Benyamin

ESTER 8:17

Songon i muse di sandok kota dohot propinsi, sanga na di dia tehe disise surat parenta ni raja i, marjop ni roha ma angka halak Jahudi, marsonang-sonang maradu marpestai. Bahat muse dope sian jolma i na masuk gabe bangso Jahudi dibaen mabiar do halahi mida bangso i.