ZAKARIA 8:21 - BIBEL JAMITA NA DENGGAN

²¹ Dokkonon ni halak kota na sada ma tu halak kota na asing, ‘Beta ma hita marsomba tu Tuhan Na Markuaso i jana tapangido ma pasupasuNa. Ihutkon ma hami!’

ZAKARIA 8:21 Referans Kwoze

ZAKARIA 7:2

Na dung diutus ni halak Betel do si Sareser dohot si Regem-Melekh dohot angka anak bua ni halahi tu Bagas ni Tuhan Na Markuaso laho palamamkon roha ni Tuhan.

HOSEA 6:3

Hara ni i, tahaburjuhon ma laho mananda Tuhan. Pasti do ro Ia tu hita songon parbincar ni mataniari jana songon udan na mangaehi tano di ujung ni ari nonat.”

MASMUR 103:22

Puji ma Tuhan, hamu ale angka na nitompaNia, di sude harajaanNia. Puji ma Tuhan, ale tondingku!

ZAKARIA 8:22

Jadi marroan ma bahat halak dohot bangso na gogo tu Jerusalem laho marsomba tu Au Tuhan Na Markuaso jana pangidoonna ma pasupasu sian Au.

2 JUJUR TAON 11:16

Marroan ma angka halak sian sude marga ni Israel na tutu situtu giot manyomba Tuhan, Debata ni Israel tu Jerusalem, mangihutkon angka halak Levi i anso tarbaen halahi manghaulkon haul tu Tuhan, Debata na nisomba ni ompu ni halahi.

JESAYA 2:3

Dokkonon ni halahi sude ma disi, “Manangkok ma da hita tu dolok ni Tuhan! i ma tu Bagas Ni Debata ni Jakob! AjarkononNia noma tu hita sanga aha na patut baenonta. Ihutkononta noma dalan na nitodoNia, harana sian Jerusalem muse do da asal ni poda ni Tuhan, sian Sion do Tuhan mandok hataNa tu bangsoNia.”

JEREMIA 31:6

Tutu do dapot do i hatihana marsurak ma angka panjago ni kota ni partoran Efraim, ‘Beta hita manangkok tu Sion, mandapotkon Tuhan, Debatanta.’ ”

JOHANNES 1:37

Dibege sisean ni si Johannes sidua halak i do na nidok ni si Johannes songon i, gabe diihutkon halahi ma Jesus.