ZAKARIA 8:2 - BIBEL JAMITA NA DENGGAN

² Songon on do hata ni Tuhan Na Markuaso i, “Por sajo do rohangKu nian mangurupi Jerusalem, angke holong situtu do rohangKu mida halak pangisina i, jana hara ni holong ni rohangKi gabe gilap do ate-atengKu paida-ida angka musu ni kota i.”

ZAKARIA 8:2 Referans Kwoze

JOEL 2:18

Jadi mangulahi ma dipareso Tuhan tanoNia i jana dihaholongi Ia bangsoNia.

NAHUM 1:2

Nada ra Tuhan Debata marimbang, sanga ise na mangalo Ia, ingkon dapot uhuman. Di parpiar ni murukNa, tu halahi, dibaloskon Ia pambaenanna be.

JESAYA 63:15

Ale Tuhan, tatap ma hami sian banua ginjang, sian ingananMu na badia jana marmulia. Di dia do pangiburuMu dohot hagogoonMu? Di dia do holong dohot ibo ni rohaMu? Di dia do diparrohahon Ho hami? Ulang ma nian manghohom Ho tu hami.

JESAYA 59:17

PakeonNia ma hatigoran songon baju bosi jana hamonangan songon kupia baja. Dipasada Ia rohaNia laho manyalosehon na masa i jana baloskononNia hajahatan na niae ni jolma.

NAHUM 1:6

Ise ma he bisa martahan muda muruk Tuhan? Ise ma tarbaen malua sian hamumurukNa? Palalu hosom ma Ia manggasa-gasa masarsar do batu gabe abu di joloNia.

ZAKARIA 8:1

Ro ma hata ni Tuhan Na Markuaso i, ninna ma:

1 JUJUR TAON 12:19

Adong ma deba parajurit na sian Marga Manase na marbalik mamihak tu si Daud di na marporang ia dohot halak Pilistin mangalo Raja Saul. Satutuna nian nada pola na niurupannia halak Pilistin i; na disuru ni halak Pilistin i do ia mulak tu Ziklag hara ni na mabiar halahi betak marbalik ia lalu tu pihak ni Raja Saul jana dihianati ia halahi.