ZAKARIA 8:19 - BIBEL JAMITA NA DENGGAN

¹⁹ “Gabe ari pesta na gok jop ni roha dohot hasonangan ma di halak Juda puaso na didalankon di bulan paopatkon, palimahon, papituhon dohot pasampuluhon. Haholongi hamu ma hatigoran dohot dame!”

ZAKARIA 8:19 Referans Kwoze

JEREMIA 39:2

Di ari sambilan bulan opat taon pasabolaskon mamarenta Raja Zedekia, dionjar musu i ma tembok ni kota i,

ZAKARIA 8:16

On ma angka parenta sidalankononmunu: Muda mandok hata, dok hamu ma na tutu tu donganmunu. Baen hamu ma haputusan na tigor na padumpangkon dame.

ZAKARIA 7:5

“Palalu ma tu sude halak na maringanan di luat on dohot tu angka malim songon on: Dompak marpuaso hamu jana mangandungi di bulan palimahon dohot papituhon salolot na pitu pulu taon on, adong ma he sian situtu ni rohamunu marpuaso di Au?

ZAKARIA 7:3

Laing disuru do halahi marsapa tu angka malim dohot panurirang, songon on, “Angkon tangis dope he hami jana puaso ganop di bulan palimahon songon na dung hami dalankon martaon-taon honokna?”

JEREMIA 52:4

Patunda ni i ro ma si Nebukadnesar dohot sude parangannia jana diserang ia ma Jerusalem di tanggal sampulu bulan sampulu di taon pasambilankon dung mamarenta si Zedekia. Dipajongjong halahi ma markas di balian ni kota, dibaen ma tembok panghobuhan

2 RAJA-RAJA 25:25

Hape di bulan papituhon di na sataon i, kehe ma si Ismael anak ni si Netanya pahompu ni si Elisama laing masuk horong ni raja i dope i, rap dohot sampulu halak nari tu Mispa. Diserang jana dibunu halahi ma si Gedalya rap dohot halak Juda dohot halak Babel na mandongani si Gedalya disi.

MASMUR 30:11

Dipauba Ho hadangolanku gabe tortor siriaon digonti Ho hamarsahanku dohot hamogaon.

JESAYA 35:10

Lalu halahi tu Jerusalem marjop ni roha, manortor lalu marsurak marmoga-moga. Martua ma halahi salolot-lolotna, malua sian habot ni roha dohot susa.

JESAYA 12:1

Dapot do hatihana marende angka jolma: “O Tuhan, mandok tarimakasi do au tu adopanMu, hara ni na niadopanMu au. Najolo muruk do Ho tu au, hape saonnari madung mombun rohaMu.

ESTER 9:22

Harana di ari i ma antong halahi manaluhon angka musu ni halahi, gabe muba ma pardangolan dohot hapariron ni halahi gabe jop ni roha dohot hamogaan. Jadi hara ni i angkon rayahonon ni halahi do angka ari i marhite pesta dohot parjamu-jamuan lalu marsipiringan sipanganon dohot mangalehen sidoka tu halak na miskin.

HALUMBAAN 22:15

Tapi sanga ise halak na mambaen habilean, angka na marhadatuon, angka halak na mambaen rorang, angka halak sibunu jolma, angka halak na marsomba gana-ganaan, dohot angka halak pargabus di hatana sanga markite-hite pambaenanna, di balian ni kota i do anggo inganan ni angka halak sisongon i.

JESAYA 51:11

Angka na nipaluaMu ale Tuhan, mulak tu Sion marsonang-sonang. Marendei halahi jana marmoga-moga, malua sian parhancitan dohot arsak ni roha; salolot-lolotna ma halahi martua. Lungun dohot arsak ni roha madung mandao.

ESTER 8:17

Songon i muse di sandok kota dohot propinsi, sanga na di dia tehe disise surat parenta ni raja i, marjop ni roha ma angka halak Jahudi, marsonang-sonang maradu marpestai. Bahat muse dope sian jolma i na masuk gabe bangso Jahudi dibaen mabiar do halahi mida bangso i.

JEREMIA 36:6

Tapi sanoli on muda hatiha puaso halak, angkon kehe do ho tusi jana siseonmu gogo sude na hudokkon i tuho, anso sude dibege halahi na nidok ni Tuhan tu au. Padalan ma i di inganan na tumbuk begeon ni sude halak tu ho, dohot tu halak Juda na marroan sian angka kota ni halahi be.

ZAKARIA 8:3

Songon on do hata ni Tuhan Na Markuaso i, “Mulak noma Au tu Jerusalem tu kotangKu na badia i, jana maringanan ma Au disi. Tarbarita ma Jerusalem songon kota na tigor jana goaron ma Dolok Ni Tuhan Na Markuaso i, Dolok Na Badia.”

ZAKARIA 8:18

Dilehen Tuhan Na Markuaso i do tona on tu au sipalaluon tu bangsoNia songon on,

2 RAJA-RAJA 25:1

Dung i manglao ma si Zedekia tu si Nebukadnesar raja ni Babel i. Jadi di tanggal sampulu bulan sampulu taon pasambilankon dung mamarenta si Zedekia, kehe ma si Nebukadnesar rap dohot sude tentarania na marsinjata laho mamorangi Jerusalem. Dipajongjong halahi ma parbandaran ni halahi di ruar ni kota Jerusalem jana dibaen halahi ma tembok humaliang laho manghobuk,

MASMUR 34:15

Diparrohahon Tuhan do halak na daulat, muda pio-pio halahi, ditangihon Ia.

JEHESKIEL 18:8

Nada jungada pasalihon ia mardongan bunga. Nada ra ia mambaen hajahatan, jana di bagasan sude parsalisian dibaen ia do haputusan na tigor.

JEHESKIEL 24:1

Di tanggal sampulu bulan sampulu, di taon pasambilankon habuangannami, didok Tuhan ma tu au,