ZAKARIA 8:14 - BIBEL JAMITA NA DENGGAN

¹⁴ Didok Tuhan Na Markuaso i ma, “Taran muruk Au dibaen angka ompumunu, Huputuskon do disi laho manguhumi halahi posi. Nada Hupauba haputusanKi, tapi Hudalankon do i.

ZAKARIA 8:14 Referans Kwoze

JEHESKIEL 24:14

Au Tuhan Debata, madung mandok songon i. Madung dapot hatihana di Au laho martindak. Indangkon na ra Au manghalupahon dosami jana ampunanKu sanga gabe ibo rohangKu tu ho. Hona uhum do ho hombar tu sasude pangalahomu. Au Tuhan Debata, madung mandok songon i.”

JEREMIA 31:28

Songon panjagoonKu sahonokna on di halahi, i ma na giot mambutbuti dohot mangarumpakkon, mangaroncohon jana pamatehon halahi, laing songon i ma panjagoonKu, patoguhon jana mambangun halahi mangulahi, songon i ma hata ni Tuhan.

JEREMIA 4:28

Hara ni i marsak ma portibi golap sajo ma langit i. Madung didok Tuhan i, jana indangkon na muba be sangkapNia. Madung dibaen Ia haputusanNia jana nada sumurut be Ia hum salangka.

ZAKARIA 1:6

Tapi sude hata dohot angka paraturanKu na dung Huparentahon tu angka naposongKu, angka panurirang, nada he madung lalu i tu angka ompumunu?” Jadi muba ma roha ni halahi, jana ninna ma, “Songon Tuhan Na Markuaso na marsangkap mambaen pangalaho maradopkon hita, tudos tu na hita karejohon, songon i ma dibaen Ia pangalaho maradopkon hita.”

JEREMIA 20:16

Padiar ma sioban barita i tudos tu angka kota na nironcohon ni Tuhan so maribo ni roha. Padiar ma dibege ia angguk ni na hancitan manyogot ni ari, dohot panggora ni parporangan di tonga ari.

JESAYA 14:24

Marsumpa ma Tuhan Na Markuaso i: “Angkon tulus do sude na dung Husangkapkon i.

MASMUR 33:11

Hape anggo sangkap ni Tuhan, laing hot do salolotna, hot do togu sangkapNia sapanjang manyahena.

2 JUJUR TAON 36:16

Hape diparmayam-mayam halahi do angka utusan ni Debata i, dipartatai halahi angka panurirangNia jana nada ditangihon halahi hatana. Ujungna sun ma muruk ni Tuhan tu halahi jadi gabe nada adong be dalan ruar di halahi.

JEREMIA 32:42

Songon dia pambaenKu parohon parmaraan tu bangso on, laing songon i muse giot lehenonKu sandok na denggan na dung Hujanjihon tu halahi.

JEREMIA 29:11

Nada he Au sandiri mamboto angka sangkapKu taringot tu hamu? Nada na giot mangago hamu angka sangkap i; tapi na giot tu hasonanganmunu do i dohot mangalehen tu hamu arop ni roha na denggan di hatiha na ro.

ZAKARIA 1:2

“Muruk situtu do Tuhan tu ompungmunu.