ZAKARIA 8:13 - BIBEL JAMITA NA DENGGAN

¹³ Jana na jolo madung manjadi bura hamu di tonga-tonga ni angka bangso, o hamu halak Juda dohot halak Israel. Jadi saonnari giot paluaonKu noma hamu, anso gabe pasupasu hamu. Ulang hamu mabiar, patogu ma rohamunu!”

ZAKARIA 8:13 Referans Kwoze

ZAKARIA 8:9

Songon on ma hata ni Tuhan Na Markuaso, “Patogu ma rohamu, o angka jolma na dung mambege hata na nidokkon ni angka panurirang, mulai dipayakkon batu ojahan ni bagas ni Tuhan Na Markuaso, giot pajongjongkon Bagas Na Badia i.

ZEPANYA 3:20

Ro do i hatihana, jana ro ne noma i, toguonKu ma mulak halakmu na marserak i. BaenonKu tarbonggal hamu di sandok portibi, jana Hupasuang hasonangonmu mangulahi.” Madung didok Tuhan songon i.

MASMUR 72:17

Sai taringot ma di roha sapanjangna goarnia, manahan ma habonggalonna salolot adong mataniari. Sai dihalungunkon angka jolma ma nian dipasupasu songon ia, dohot sude bangso mandok ‘na martua ma da ia’.

1 KORINTUS 16:13

Antong jonggor ma hamu jana togu ma haporsayaanmunu. Angkon barani do hamu martindak jana sai margogo ma hamu.

JEHESKIEL 5:15

Anso sai gabe siincahan jana sipalayason dohot siparjoraan dohot habiaran di halak parbegu angka na humaliang ho, muda muruk Au jana marrimas jana Huuhumi ho di bagasan muruk marhite pincang-pincang ni harimason.

JEREMIA 29:18

Kojar-kojaronKu halahi marhite porang, tangkuraparon, dohot nyae masa lopus jorbut pangkilalaan ni sude bangso na satano on marnida na masa tu halahi. Siincak-incahan noma halahi jana goar ni halahi gabe songon bura.

HAGAI 2:19

Haru pe nada adong be anggur na tinggal, jana bona ni anggur, ara, dalimo dohot bona ni zetun nada mamutik dope, tapi mamungka saonnari pasupasuonKu ma hamu!”

DANIEL 9:11

Madung dipalayas sude Israel angka aturanMu jana nada ditangihon soraMu. Mardosa do hami maradopkon Ho, jana patunda ni i ma didondonkon Ho tu hami bura na tarsurat di Tona Ni si Musa, naposoMi.

JEREMIA 24:9

Giot baenonKu ma halahi gabe marjaya, lopus gabe mabiar sandok bangso na adong di tano on. Sanga na di dia angkon Hupaserak halahi, siincak-incahan halahi, sipartataan jana sipargonjak-gonjakkonon. Songon hata bura do goar ni halahi.

PAMUNGKAAN 26:4

LehenonKu do hagabean anso maranak marpahompu ho sabahat ni bintang na di langit jana lehenonKu do sude luat on tu halahi. Pangidohonon ni bangso na satano on ma sudena tu Au anso Hupasupasu halahi songon pamasumasungKu di pomparanmu.

JEREMIA 42:18

Songon dia pangalaluhonKu, Au Tuhan Na Markuaso, Debata ni Israel, di hamumurukKu dohot hosom ni rohangKu tu halak Jerusalem, songon i muse ma palaluonKu hosom ni rohangKu tu hamu na kehe tu Mesir i. Gabe mabiar ma halak mida hamu; incahanna hamu, jana goarmunu baenon ni halak gabe songon bura. Nada idaonmunu be bona bulumunu on.”

MASMUR 79:4

Gabe siincahan ni angka bangso na hombar hami, dipartatai jana diincahi halahi do hami.

JEHESKIEL 37:11

Didok Debata ma tu au, “Ale anak ni jolma, bangso Israel do na nigambarkon ni angka holi-holi on. Humolos do halahi hara ni na mahiang halahi, nada adong be arop ni roha jana nada adong be ari pangapudianna.

MASMUR 44:16

pabege-begehon incak dohot habilean sian pamangan ni musu dohot sian na marhosoman.

PANGARATAION 28:37

Tarsonggot be ma angka jolma na marnida ho di inganan parserahanmunu dibaen Tuhan paida-ida na masa di ho; siincak-incahan ni halak ma ho jana sipartataanna.

GALATIA 3:14

Dibaen Kristus Jesus pe songon i anso laing dilehen do tu angka bangso na asing pasupasu na nijanjihon ni Debata tu si Abraham i. Dung i hita na porsaya tu Debata, tola ma manjagit Tondi na nijanjihon ni Debata i.

ZAKARIA 9:13

BaenonKu ma Juda songon sior na sintak, jana Huhobasi Efraim tu parporangan, jana Hupake angka anakmi ale Sion, adop angka anakmu, jana tano Junani baenonKu gabe podang ni sada pahlawan.”

ZAKARIA 1:19

Husapai ma tu surusuruan na manghobari i dohot au, “Aha dehe arti ni angka tanduk i?” Dialusi ia ma, “Gambaran ni angka harajaan na gogo do tanduk i na paserakkon halak na maringanan di Juda, Israel dohot Jerusalem.”

ANDUNG 4:15

Didok halak ma, “Morot ho sian on! Ramun do hamu, ulang dais tu hami on!” Gabe mompas-ompas ma halahi sian bangso tu bangso, jana nada adong sanga ise na marhagiot.

JEREMIA 44:22

Nada tahan be Tuhan paida-ida pangalaho dohot pambaenanmunu na jahat i; hara ni i do umbahen na gabe lobu tanomunu, nada adong na mangingani lopus sadari on.

JEREMIA 44:12

Jana ampot adong sian halak Juda na teba i na sai marpor ni roha tu Mesir laho maringanan disi, gabe bunuonKu ma halahi. Sude halahi na menek na godang, mate ma di Mesir baenon ni porang sanga hara ni haleon potir. Gabe jorbut pangkilalaan ni halak mida halahi jana palayasonna halahi. Gabe goar bura ma baenon ni halak goar ni halahi.

JEREMIA 33:24

“Madung he diparrohahon ho angka hata-hata ni halak na mandok na dung Hubuang Israel dohot Juda, bangso na dua na dung Hutodo i? Layas diida angka jolma i bangsongKi jana nada dietong roha ni halahi be i songon sada bangso.

JEREMIA 26:6

Anggo laing tong do hamu manangkang, baenonKu do bagas paribadatan on songon na Hubaen tu Silo, lopus sandok bangso na satano on mamake goar ni Jerusalem on gabe bura.”

JEREMIA 25:18

Jerusalem dohot sude kota na di Juda, rap dohot raja-raja maradu angka pamimpinna, hupaksa inumonna anggur i, lopus gabe songon padang na harsang halahi jana songon parbeguan. Lalu tu sadari on dipake do goar ni halahi songon hata bura.

MIKA 5:7

Angka halak Israel na tading dope di tonga-tonga ni angka bangso, tudos tu singa ma i na manjalahi panganonna di harangan sanga di padang-padang. Manyaroso ma singa i tu tonga-tonga ni punguan ni biri-biri, soroanna ma biri-biri i jana parsibakkononna; nada adong na ro mangurupi biri-biri i.

JESAYA 43:28

Patunda ni i pahodaronKu noma angka malim di BagasKu, jana Israel pasahatonKu anso dipabile jana diabiskon.”

JEHESKIEL 34:26

PasupasuonKu ma halahi jana paloasonKu maringanan humaliang dolokKu Na Badia i. LehenonKu ma di halahi udan muda dung porlu di halahi; i ma udan na parohon pasupasu tu halahi.

HAGAI 2:5

Di na haruar hamu sian Mesir, na dung Hujanjihon do sai ondihononKu hamu. Jana saonnari pe Huondihon do hamu. Jadi ulang pola mabiar hamu.

ZAKARIA 8:15

Tapi saonnari giot pasupasuonKu ma halak Jerusalem dohot na maringanan di Juda. Jadi ulang be hamu mabiar.

ZAKARIA 14:11

Marsonang-sonang ma angka jolma maringanan di kota i, nada adong hamamago na mangancam.

PANGARATAION 26:19

Baenon ni Tuhan dope hamu gumodang sian sasude bangso na asing na dung dijadihon Ia, jana pujion boti pasangaponna hamu. Gabe bangso ni Tuhan ma hamu, laing songon na nijanjihonNa i.”

ZEPANYA 3:16

Dokkonon ni halak ma di sada hatiha, ale Jerusalem; “Ulang ho mabiar, ale Sion ulang ma gale-gale tanganmi!