ZAKARIA 7:5 - BIBEL JAMITA NA DENGGAN

⁵ “Palalu ma tu sude halak na maringanan di luat on dohot tu angka malim songon on: Dompak marpuaso hamu jana mangandungi di bulan palimahon dohot papituhon salolot na pitu pulu taon on, adong ma he sian situtu ni rohamunu marpuaso di Au?

ZAKARIA 7:5 Referans Kwoze

ZAKARIA 1:12

Dung i didok Surusuruan i ma, “O Tuhan Na Markuaso, pitu pulu taon honokna muruk Ho tu Jerusalem dohot tu angka kota na adong di Juda. Sadia honok nari sai tongtong Ho muruk jana nada ampunanMu halahi?”

1 KORINTUS 10:31

Sanga aha pe na nibaenmunu – mangan sanga minum hamu – pasangapkon Debata ma baen hamu sudena i.

ZAKARIA 7:6

Laing songon i muse muda mangan sanga minum hamu, nada he na mangan dohot minum tu hamu sandiri do?”

ZAKARIA 7:3

Laing disuru do halahi marsapa tu angka malim dohot panurirang, songon on, “Angkon tangis dope he hami jana puaso ganop di bulan palimahon songon na dung hami dalankon martaon-taon honokna?”

KOLOSSE 3:23

Sanga karejo aha pe dipasahat tu hamu, karejohon hamu ma i sian sude rohamunu songon na patupahon tu jolo ni Tuhan, nada songon na patupahon tu jolma.

2 KORINTUS 5:15

Mangkopkop sasudena jolma do mate Kristus, anso ulang tu dirina be mangolu angka jolma i, tapi tu Kristus noma, na dung mate jana na nipangolu i mangulahi hara ni haporluan ni halahi.

MATEUS 23:5

Sude pambaenan ni halahi, hum anso diida jolma sajo do. Sangajo do dipake halahi angka tali ni abit sumbayang na bidang-bidang dohot rambu ni baju juba ni halahi!

MATEUS 6:16

“Dung i muda puaso hamu, ulang ma markaremut bohimunu songon halak pangalancap. Mardalani ma halahi, gale-gale idaon. Hape anso diboto halak do na puaso halahi. Ingot hamu ma! Madung dijagit halahi do sude upa ni halahi.

MATEUS 6:5

“Muda martangiang hamu, ulang ma songon halak pangalancap. Na ringgasan halahi jongjong martangiang di angka bagas paribadatan dohot di sirpang-sirpang ni dalan, anso diida halak. Ingot hamu ma! Madung dijagit halahi upa ni halahi.

MATEUS 6:2

“Jadi muda dilehen hamu silehenon, ulang paboa-boa hamu i songon na nibaen ni angka halak pangalancap. Anggo halahi, tagi do mambaen na songon i di angka bagas paribadatan dohot di angka dalan godang, anso dipuji halak halahi. Ingot hamu ma! Madung dijagit halahi hian upa ni halahi.

ZAKARIA 8:19

“Gabe ari pesta na gok jop ni roha dohot hasonangan ma di halak Juda puaso na didalankon di bulan paopatkon, palimahon, papituhon dohot pasampuluhon. Haholongi hamu ma hatigoran dohot dame!”

JEREMIA 25:11

PadiaronKu do sude luat on sego jana gabe lobu; mangoloi tu raja Babel ma angka bangso na humaliang pitu pulu taon honokna.

2 RAJA-RAJA 25:23

Dung tarboto tu angka perwira dohot parajurit ni Juda na so menyerah i dope tu Babel taringot tu na niangkatna i, gabe didapotkon halahi ma si Gedalya di Mispa. Angka on ma goar ni perwira i: Si Ismael anak ni si Netanya, si Johanan anak ni si Kareah, si Seraya anak ni si Tanhumet na sian kota Netofa dohot si Jasanya na sian kota Maaka.

JESAYA 43:23

Nada Hupaksa ho maroban bahat haul, nada Hususai ho marhite na mangido hamonyan. Hape nada dioban ho biri-biri baen haul situtungon, jana nada dihormati ho Au marhite parhaulan.

JESAYA 58:3

Disapai bangso i do, “Aha gunana puaso hita anggo na so niida ni Debata! Aha gunana tapaserep rohanta, anggo na so diparrohahon Ia do?” Ninna Tuhan, “Satutuna muda hatiha puaso hamu, na marsijalahi untungna be do hamu jana mamoro sian angka halak na niupaanmunu.

JEREMIA 29:10

Didok Tuhan muse, ‘Muda dung dapot hatihana sipitu pulu taon di Babel, parrohahononKu ma hamu mangulahi jana patulusonKu ma na Hujanjihon laho paulakkon hamu mangulahi tu inganan on.

JEREMIA 52:12

Di tanggal sampulu bulan lima ditaon pasambilan bolaskon mamarenta si Nebukadnesar gabe raja ni Babel, ro ma sada halak tu Jerusalem na margoar si Nebusaradan. Panuturi dohot panglima ni tentara ni si Nebukadnesar.

DANIEL 9:2

Di taon parjolo mamarenta ia, au si Daniel, mamparate-atehon di bagasan buku ugamo taringot tu bilangan ni taon hombar tu na nidok ni Tuhan tu panurirang Jeremia angkon masa tu Jerusalem na dung gabe lobu i, i ma pitupulu taon.

HOSEA 7:14

Nada tutu situtu na ruar sian roha tangiang ni halahi. Angke muda martangiang halahi, diompaskon halahi do dirina tu podoman, jana mangandung songon na nibaen ni angka jolma na so mananda Au, hape tangiang ni halahi i nada ruar sian ate-ate na ias. Muda martangiang halahi mangido gandum dohot anggur, digomahi halahi ma pamatangna i songon halak sisomba gana-ganaan, mangalo do halahi tu Au!

ZAKARIA 7:4

Dung i ro ma parenta ni Tuhan Na Markuaso i tu au songon on,

2 RAJA-RAJA 25:25

Hape di bulan papituhon di na sataon i, kehe ma si Ismael anak ni si Netanya pahompu ni si Elisama laing masuk horong ni raja i dope i, rap dohot sampulu halak nari tu Mispa. Diserang jana dibunu halahi ma si Gedalya rap dohot halak Juda dohot halak Babel na mandongani si Gedalya disi.