ZAKARIA 7:13 - BIBEL JAMITA NA DENGGAN

¹³ Nada Hualusi tangiang ni halahi, harana halahi pe antong nada ditangihon halahi taran mangkuling Au ninna Tuhan Na Markuaso.

ZAKARIA 7:13 Referans Kwoze

JEREMIA 14:12

Haru pe puaso halahi, nangkon na ra Au manerge pio-pio ni halahi mangido tolong; jana haru pe dihaulkon halahi tu Au haul situtungon dohot haul gandum, nangkon na sonang rohangKu mida halahi. Tapi marhite porang, haleon dohot hamamasa ni nyae giot pangabisonKu halahi.”

JESAYA 1:15

Muda pe diangkat hamu tanganmunu martangiang, nada Huterge be i. Nada parduli Au sanga na sadia bahat tangiangmunu i, nada ra Au manangihonsa angke dohot tanganmunu i madung bahat hamu mamunu.

JEREMIA 11:11

Patunda ni i, Au Tuhan, madung Hupaingot bahaso na giot paroonKu hamamago tu halahi, jana nada tarbaen halahi pasidingkonsa. Muda pio-pio halahi mangido tolong tu Au, nada ra Au manangihonsa.

MIKA 3:4

Dapot do i hatihana marsurak hamu mangido tolong tu Tuhan, tapi nada ra Ia mangalusi. Nada ra be Ia mangalusi angka tangiangmunu, hara ni na dung dibaen hamu pangalaho na jahat.

JAKOBUS 4:3

Tarsung pe dipangido hamu, hape laing nada dapotan hamu, angke madung sala tujuan ni pangidoanmunu i; na laho pasonang-sonangkon dirimunu sajo do na nipangidomunu i.

LUKAS 13:25

Sada hatiha jongjong ma nampuna bagas i jana ditutup ia ma pintuna i. Dung i jongjong ma hamu di ruar manektehi pintu i jana mandok, ‘Dibuka Tuan i ma jolo di hami pintu on!’ Alusan ni Tuan i ma, ‘Nada Huboto sanga sian dia hamu ro!’

JEHESKIEL 20:3

“Ale jolma parsantongkinan, manghobari ma ho dohot angka pamimpin i jana dok ma bahaso Au Tuhan Debata mandok songon on, ‘Na puluk ma hamu antong mangido panogu-noguon tu Au! Hara ni Au, Debata na mangolu, nada ra Au anggo hamu do mangido panogu-noguon sian Au! Au Tuhan Debata madung mandok songon i.’

JEHESKIEL 14:3

“Ale anak ni jolma, na dung dipasahat ni angka jolma on do ngoluna tu gana-ganaan gabe julung halahi tu bagasan dosa. Dia dope dalanna umbaen tu Au halahi marsapa?

JESAYA 50:2

Biasi nada adong na ro umpe sahalak sian bangsongKi, di na ro Au marpio halahi? Adong he na so sanggup Au dietong roha ni halahi paluahonsa umbaen na sip sajo halahi? Nada he sumurut aek ni laut hara ni parentangKu, Hupauba batang aek gabe padang manyahatang, gabe mate ihan sudena?

PODA 28:9

Muda nada oloanmu uhum, tangiangmu pe sihagigian do.

PODA 21:13

Sanga ise na so ra manangihon holos ni halak na hurangan, nada diparrohahon be ia sandiri muda mangido partolongan.

JEREMIA 7:27

Dung i didok Tuhan ma tu si Jeremia, “Hara ni i ale Jeremia, haru pe dipaboa ho sudena i tu bangsongKu, nada na ra halahi mamparrohahon angka hata na nidokmi. Haru pe halahi dipiohon nada ra halahi mangalusi i.

JEREMIA 11:10

Madung dipambaeni halahi dosa na nibaen ni ompu ni halahi narobi; disomba halahi do angka debata jana nada ra halahi mangoloi parentangKu. Rap mangalaosi do halak Israel dohot Juda di parjanjian na Hubaen dohot ompu ni halahi.

JEREMIA 11:14

Jadi hara ni i ale Jeremia, ulang tangiangkon halahi sanga mangido tolong tu Au salaho tu halahi! Muda susa halahi jana mangido tolong tu Au, nada tangihononKu be halahi.”

JEREMIA 14:2

“Marsak ma roha ni Juda giot mate ne noma angka kotana. Marpayahan di tano angka halakna jana humolos be rohana. Pio-pio Jerusalem mangido diurupi.

ANDUNG 3:44

Songon ombun na hapal do murukMu gabe nada tartombus angka tangiangnami i.

JEHESKIEL 8:18

Rasoan ni halahi ma jorbut ni hamumurukKu! Nada halupahononku sanga ampunanKu halahi. Haru pe mangangguhi halahi martangiang tu Au sagogo-gogona, nada ra Au manangihon!”