ZAKARIA 7:12 - BIBEL JAMITA NA DENGGAN

¹² Dipapir halahi do rohana lopus songon pir ni batu intan, anso ulang dibege halahi tona i dohot hata na nitongos ni Tuhan Na Markuaso marhite sian tondiNa, dohot marhite sian panurirang na jolo i. Hara ni i ma umbahen na ro rimas ni Tuhan.

ZAKARIA 7:12 Referans Kwoze

JEHESKIEL 11:19

LehenonKu ma tu halahi roha na imbaru dohot taroktok na imbaru. BuatonKu ma roha ni halahi na songon pir ni batu i jana gontionKu dohot roha na marpangoloion tu Au.

2 JUJUR TAON 36:16

Hape diparmayam-mayam halahi do angka utusan ni Debata i, dipartatai halahi angka panurirangNia jana nada ditangihon halahi hatana. Ujungna sun ma muruk ni Tuhan tu halahi jadi gabe nada adong be dalan ruar di halahi.

BAENON NI ANGKA RASUL 28:27

Angke madung jogal roha ni bangso on, disumpol halahi do pinggolna jana dipapitpit matana. Angke sugari nada songon i, tontu marnida do mata ni halahi, marbinege do pinggolna, mangarti muse do roha ni halahi, jana mulak do halahi tu Au, disi ma Hupamalum halahi.’ ”

JEHESKIEL 36:26

Jadi Hulehen ma roha na imbaru dohot pikiran na imbaru gontionKu ma rohamunu na pir songon batu, jana lehenon roha pangoloion.

MASMUR 50:17

Nada ra ho manjagit sipaingotKu, jana ditulak ho do angka parentangKu.

MARKUS 4:12

Dibaen Debata pe songon i, anso ‘Torus do bolnang halahi mangaligi, tapi umpe diidasa, torus do halahi manangihon, tapi umpe mangarti, angke sugari diida jana diastui halahi gabe ro ma halahi tu Debata dung i gabe ampunan ni Debata ma halahi.’ ”

MATEUS 13:15

Harana, ma jogal roha ni halak on, ma gabe maingol pinggol ni halahi, dipapitpit halahi muse do mata ni halahi. Tarjadi pe i anso unang marnida do mata ni halahi, jana anso ulang marbinege pinggol ni halahi, jana anso ulang mangastui roha ni halahi, anso ulang ro halahi tu Au, jana gabe pamalumonKu ma halahi.’ ”

JEHESKIEL 2:4

Sijogal roha do halahi jana nada dipasangap halahi Au. Husuru ho tu halahi laho palaluhon sanga aha na Hudok tu halahi, Au do Tuhan Debata mandok,

JESAYA 6:10

Pamajal ma pikiran ni angka jolma i, paingol pinggolna i jana papitung matana i, anso ulang marnida sanga marbinege sanga mangarti jana anso ulang ro tu Au jana malum.”

2 PETRUS 1:21

Angke nada adong halak na tarbaen paboahon barita na sian Debata taringot tu angka na giot tarjadi saulahon, anggo sian dirina sandiri. Tondi Parbadia sandiri do na mangajari halahi paboahon barita na sian Debata i.

LUKAS 8:12

Same na madabu tu dalan i, manggambarkon angka halak na manangihon hata i. Tapi ro ma Sibolis mangarampas hata i sian roha ni halahi anso ulang porsaya jana nipalua halahi.

ZAKARIA 7:7

Nada he on ma hata ni Tuhan na nipalalu marhite angka panurirang na jolo, hatiha Jerusalem dohot angka kota na humaliangna diingani angka jolma di bagasan sonang, dohot tano Negeb jana dohot luat partoran laing di ingani?

JEREMIA 26:19

Hape nada dibunu Raja Hiskia dohot rayat i si Mika. Mur mabiar roha ni si Hiskia tu Tuhan jana mangido ibo ni roha ia. Jadi gabe ditarik Tuhan mangulahi ondam-ondamNia i laho mangago halahi. Jana saonnari pe, ra dehe hita mangalapi hamagoan godang tu dirinta?”

JEREMIA 17:1

Didok Tuhan ma, “Madung tarsurat dosa ni Juda marhite pena bosi na marmata intan, taruhir di ateatemunu dohot di langgatan ni halahi.

JEREMIA 5:3

Anggo satutuna na nipangido ni Tuhan, anso setia do hamu. Dibalbal Tuhan do hamu, tapi nada mangarti hamu. Digopu Ia hamu, hape na so tarajar do hamu. Sijogal roha do hamu jana nada ra muba sian angka dosamunu.

JESAYA 48:4

Huboto do ho sijogal roha, kapala batu, pir songon bosi.

JOB 9:4

Sun do daulat ni Debata dohot kuasoNa; ise ma he na tahan mangalosa?

2 JUJUR TAON 36:13

Dipaksa Raja Nebukadnesar ma si Zedekia marsumpa mangasahon Debata paboa na setia noma ia. Tapi di pudi, mangalo ma si Zedekia tu si Nebukadnesar. Sian angka dosania i pe nada ra muba si Zedekia. Jogal do rohania maradopkon Tuhan, Debata ni Israel jana nada ra ia mulak tu Tuhan.

JESAYA 46:12

Tangihon ma Au, ale angka jolma na jogal, angka halak na dao sian hasintongan:

JEHESKIEL 14:5

Sude gana-ganaan i padaohon bangsongKi do sian Au, tapi marhite alus i sai anggiat ma nian mulak bangsongKi tu Au.’

HARURUAR 7:13

Haru pe songon i laing tangkang do raja i jana nada ra ia manangihon hata ni si Musa dohot si Harun, songon na nidok ni Tuhan hian.

JESAYA 65:12

Mate hona bunu do hamu, angke di na Hupio, nada mangalusi hamu, jana dompak manghatai Au nada ditangihon hamu. Tumabo do dihilala hamu mangalo tu Au dohot mambaen na jahat.

JEREMIA 7:20

Au Tuhan Debata, padondonkononKu ma murukKu na jorbut i tu bagas paribadatan on, tu jolma dohot tu binatang dohot tu suan-suanan dohot tu suha ni tano. Marjimbur-jimbur ma murukKu songon api na so haintopan.”

JEREMIA 17:23

Hape nada ra ompumunu i manangihon sanga mamparrohahon sanga aha na Hudok. Jogal do roha ni halahi jana nada ra mangoloi, boti na so targorahon.

JEREMIA 42:21

Saonnari madung hupalalu tu hamu tona ni Tuhan Debatanta i, hape nada ra hamu mangoloisa.

ZAKARIA 1:2

“Muruk situtu do Tuhan tu ompungmunu.