ZAKARIA 6:5 - BIBEL JAMITA NA DENGGAN

⁵ Dialusi ia ma, “Halahi ma da na haruar tu opat jurusan ni alogo, dung sidung halahi mangadop tu Tuhan ni sude tano on.

ZAKARIA 6:5 Referans Kwoze

HALUMBAAN 7:1

Dung i huida ma opat surusuruan jongjong di suhi-suhi na opat ni tano on manahan angin na opat i di tano on anso ulang mangombus di darat, di laut sanga tu bona ni hayu aha pe.

IBRANI 1:14

Antong, aha noma satutuna angka surusuruan ni Debata i? Angka tondi na mangoloi Debata do i jana na nisuru ni Debata laho mangurupi sanga ise halak na giot manjagit haluaan na nijanjihon ni Debata.

IBRANI 1:7

Anggo taringot tu angka surusuruan, didok Debata songon on, “Dibaen Debata do angka surusuruanNia gabe alogo, jana angka pangoloiNia gabe jilam ni api.”

JEHESKIEL 37:9

Didok Debata ma tu au, “Ale anak ni jolma, mangkuling ma ho tu alogo i. Dokkon ma na Huparentahon, Au Tuhan Debata mamarentahon tu alogo i anso marroan sian sude panjuru, laho mangombuskon hosa tu bagasan ni angka pamatang na mate i anso mulak mangolu halahi.”

MATEUS 24:31

Dipalu ma tarompet na godang, suruon ni Anak Ni Jolma i ma angka surusuruanNia tu panjuru na opat i di tano on palagutkon bangsoNia, sian topi ni langit na sada lalu tu topi ni langit na sada nari.”

ZAKARIA 4:14

Jadi didok ia ma, “I ma dua halak na nipili, na jongjong di adopan ni Tuhan ni sandok tano on.”

DANIEL 7:10

Ruar ma sada batang aek api, jana mamolus sian adopanNia; saribu noli marribu-ribu angka na mangoloi Ia, jana bahat sajo do jolma jongjong di joloNia. Dung i juguk ma angka Panguhum jana diungkap ma Angka Buku.

JESAYA 54:5

Harana na gabe halaklahimu i ma Ia Na Manompa ho, Tuhan Na Markuaso do goarNia; na gabe Sipaluamu i ma Na Sun Badia, Debata ni Israel, nigoaran do Ia, Debata ni sandok portibi.

MASMUR 68:17

Mardongan angka kareta na togu, bahatna marpulu ribu, ro ma Tuhan sian Sinai tu ingananNa Na Badia i.

JOB 1:6

Di na sanoli mangadop ma angka mahluk pardibanua ginjang tu Tuhan jana dohot ma mangihut di tonga-tonga ni halahi Sibolis.

1 RAJA-RAJA 22:19

Didok si Mika ma mangulahi, “Saonnari tangihon ma sanga aha na nidok ni Tuhan! Huida do Tuhan jongjong di juguhan hasangapanNa di banua ginjang, jana sude surusuruanNa jongjong di lambungNia.

LUKAS 1:19

Dialusi surusuruan i ma, “Si Gabriel do au. Mangoloi Debata do karejongku. Ia do na marsuru au paboahon Jamita Na Denggan on tu ho.

MATEUS 18:10

“Ingot hamu ma, ulang dipalayas hamu sahalak sian angka na menek on. Harana Hudok ma tu hamu: Adong do surusuruan ni halahi di banua ginjang na sai mangaligi bohi ni Damang na di banua ginjang.” [

JEHESKIEL 11:22

Habang ma kerub i ihut muse ma angka roda-roda i. Di ginjang ni halahi do sinondang na silo i tanda ni haroro ni Debata.

MASMUR 148:8

ale hilap dohot ambolas, es dohot ombun, halingsungsung na mangoloi parenta ni Tuhan!

1 RAJA-RAJA 19:11

“Ruar ma ho sian liang i,” ninna Tuhan tusia, “Jana jongjong ma ho adop Au di ginjang ni dolok i.” Jadi mamolus ma Tuhan sian i mardongan alogo na gogo situtu jabat mangkabola angka tor i jana mangkatapor angka dolok batu i, tapi nada dipataridahon Tuhan diriNa di bagasan alogo i. Dung so alogo i, ro ma lalo, tapi nada dipataridahon Tuhan diriNa di bagasan lalo i.

JOSUA 3:11

di na taripar Poti Parjanjian ni Tuhan ni sandok portibi on manjoloi hamu.

JEREMIA 49:36

OmbuskononKu ma alogo tu Elam sian sasudena, jana paserahonKu halakna i sun tu dia lopus sada harajaan pe nada adong be na so ditopot angka pangungsi na sian Elam i.

DANIEL 11:4

Tapi santongkin dope ia mamarenta, mabola ma harajaannia gabe opat bagian mangihutkon haroro ni alogo sian langit, nada madabu tu pinomparna, jana nada markuaso songon ia, angke madabu do harajaannia, gabe harajaan ni halak na asing. Angka raja na so sian pomparannia noma mamarenta manggonti ia jana nada songon ia gogo ni halahi.

ZAKARIA 6:1

Huida ma parnidaan na asing. Anggo sanoli on, huida ma opat kareta porang na ruar sian antara ni dua dolok tumbaga.