ZAKARIA 6:12 - BIBEL JAMITA NA DENGGAN

¹² Palalu tusia na Hudok, Au Tuhan Na Markuaso mandok tusia, ‘Halak na margoar Tumbur i manjadi do karejonia sanga na di dia pe inganannia jana paulionnia ma mangulahi Bagas Ni Tuhan.

ZAKARIA 6:12 Referans Kwoze

ZAKARIA 3:8

Tangihon ma, ale Malim Godang Josua, dohot hamu ale angka malim na asing, hamu ma da na songon gambaran ni hatiha hasonangan na giot ro. PatidahononKu ma di hatiha i naposongKu i ma Sada Tunas.

JEREMIA 33:15

Anggo di hatiha i pilionKu ma sada raja na tigor sian pomparan ni si Daud. Padalanon ni raja i ma hatigoran dohot na sintong di sude luat.

JEREMIA 23:5

Didok Tuhan ma, “Dapot do i hatihana, patubuonKu ma di pomparan ni si Daud sada tunas na tigor. Marhite bisuk mamarenta raja i, jana patulusonna hatigoran dohot hatutuan di sandok luat.

JESAYA 11:1

Songon hayu na nitaba do pomparan ni si Daud anak ni si Isai i. Tapi tubu do tunas sian tungko ni si Isai i jana sorang do anakna sian uratna i.

JESAYA 4:2

Ro do hatiha ni i baenon ni Tuhan sandok suan-suanan dohot hayu tubu lalu magodang boti jeges di luat on. Anggo di ari i marmoga-moga ma pangkilaan ni Israel jana godang rohana hara ni suha ni tano i.

JESAYA 53:2

Songon tumbur do ia tubu di adopan ni Tuhan, jana songon tunas sian tano na mahiang. Nada adong hajegesonna jana nada adong hasangapanna, na mambaen hita mangaligi tusia: Nada adong tompana, na mambaen hita marpor ni roha.

BAENON NI ANGKA RASUL 17:31

Harana na dung ditontuhon Ia hian do sada hatiha laho manguhumi portibi on sudena mangihutkon hatigoran. Pasahaton ni Debata ma karejo i tu sada halak na dung nipiliNia tusi. Jadi anso pos roha ni halak sudena taringot tusi, madung dipangolu Debata do Ia mangulahi sian hamatean!” ning si Paulus.

IBRANI 8:3

Sude Malim Godang, niangkat do i laho manghaulkon na nisombahon sanga haul, tu Debata, laing songon i muse do Malim Godangta i; angkon adong do diSia sanga na aha sihaulkononNia.

IBRANI 7:24

Tapi anggo Jesus mangolu do salolot-lolotna, jadi nada pinda be tu halak na asing jabatanNia i.

IBRANI 7:4

Jadi madung taida dison sanga songon dia godang ni si Melkisedek hara ni sangapnia, salang si Abraham na umpompar bangsonta laing manggarar do tusia saparsampulu ni na dapotnia sian parporangan i.

1 KORINTUS 3:9

Rap parkarejo ni Debata do hami na dua; tapi anggo hamu kobun ni Debata do dohot bagas ni Debata.

BAENON NI ANGKA RASUL 13:38

Antong patut ma botoonmunu, ale angka dongan, markite-hite Jesus do dijamitahon di hamu hasesaan ni dosa,

JOHANNES 1:45

Dung i marsuo muse ma si Pilipus dohot si Natanael jana didok ia ma, “Madung marsuo hami dohot Ia na nidok ni si Musa di bagasan Buku Tona i, dohot na nidok ni angka panurirang, i ma Jesus anak ni si Josep halak Nasaret i.”

LUKAS 1:78

hara ni asi dohot holong ni roha na sian Debatanta, jana marhite i do bincar di hita sinondang manyogot sian inganan na gincat.

MARKUS 15:39

Dipanotnoti komandan na jongjong di jolo ni parsilang i do sanga tarbia pangangguk ni Jesus dohot parmateNia i. Didok komandan i ma, “Tutu do bayo on Anak Ni Debata!”

MARKUS 15:29

Sude halak na mamolus sian i, marsiincahi ma tu Jesus, mangalayasi. Mopeng-openg be ma ulu ni halahi mandok, “O, ale Ho na giot mangarumpakkon Bagas Ni Debata jana na giot pajongjongkonna di bagasan tolu ari,

MARKUS 14:58

Didok halahi, “Hami bege do didok bayo on, ‘Hurumpakkon ma Bagas Ni Debata na nibaen ni jolma on, dung tolu ari Hupajongjong ma mangulahi Bagas Ni Debata na so nibaen ni jolma.’ ”

MATEUS 26:61

Didok halahi ma, “Didok bayo on do, ‘Tarumpakkon Au do Bagas Ni Debata, tapi di bagasan tolu ari tar pajongjong Au mangulahi.’ ”

MATEUS 16:18

Au pe Hudok ma tu ho, ‘Si Petrus’ do ho (artina ‘Batu na pir’). Di ginjang ni batu on ma pajongjongKu parlagutanKu na so tartaluhon; sanga na hamatean pe na ro i!

ZAKARIA 13:7

Didok Tuhan Na Markuaso i ma, “Jongjong ma ho, ale podang, lancim ma parmahan na Husuru i! Matehon ma ia, gabe marserak ma angka biri-biri i. AloonKu ma bangsongKu.

ZAKARIA 8:9

Songon on ma hata ni Tuhan Na Markuaso, “Patogu ma rohamu, o angka jolma na dung mambege hata na nidokkon ni angka panurirang, mulai dipayakkon batu ojahan ni bagas ni Tuhan Na Markuaso, giot pajongjongkon Bagas Na Badia i.

MIKA 5:5

Taluhonon ni halahi ma Asur dohot luat ni si Nimrod marhite podang; jana paluaon ni halahi ma hita sian halak Asur, muda ro halahi masuk tu tanonta dohot mamolus luatta jana mandege luatta.

ESRA 3:10

Di na mamungka mamayakkon pondasi ni Bagas Ni Tuhan i angka parkarejo bangunan i, marpakean juba ma angka malim jana jongjong ma halahi di inganan na ditontuhon maniop sarune. Laing disi muse ma jongjong halak Levi na sian horong Asap maniop angka doal na menek-menek. Dipuji-puji halahi ma Tuhan hombar tu aturan na dung ditotopkon mamungka sian hatiha ni Raja Daud.

ESRA 3:8

Jadi di bulan dua, di taon paduahon dung mulak halak Israel mangulahi tu Jerusalem, dipungka halahi ma mambangun Bagas Ni Tuhan mangulahi. Dohot do markarejo si Zerubabel, si Josua dohot angka dongan ni halahi sabangso, angka malim, halak Levi, pendekna sude halak na tarbuang i hian. Angka halak Levi na marumur dua pulu taon tu ginjang, i ma ditontuhon laho manguluhon parkarejoan di na mambangun Bagas Ni Tuhan i.

IBRANI 10:12

Tapi anggo Ia, dung dihaulkon Ia haul na sada i, hara ni dosa, juguk ma Ia salolot-lolotna di siamun ni Debata.

JOHANNES 19:5

Dung i haruar ma Jesus mamake tuku duri dohot baju juba na ungu i. Didok si Latus ma tu halahi, “Ligi hamu ma halak on!”

JEHESKIEL 37:25

Maringanan ma halahi di tano na dung Hulehen tu naposongKu si Jakob jana na niinganan ni ompu ni halahi, olo, halahi; angka anak ni halahi bope pahompu ni halahi angkon tinggal disi salolot ni lolotna jana naposongKu si Daud ma raja ni halahi salolot ni lolotna.

AMOS 9:11

Didok Tuhan ma, “Dapot do i arina pasuangonKu na masa di halak Israel anso mulak gabe songon di hatiha ni Raja Daud mamarenta. Saonnari songon bagas na marumpak do halahi. Tapi padengganonKu mangulahi lopus gabe songon na salpu i.

2 SAMUEL 7:13

Ia do na giot pajongjong bagas di Au, jana pahotonKu harajaannia sapanjangna.

JEHESKIEL 41:1

Dioban bayo i ma au tu bagasan bilik tonga ni Bagas Na Badia. Disuhat ia ma dalan laho tusi: tolu meter ginjangna,