ZAKARIA 5:8 - BIBEL JAMITA NA DENGGAN

⁸ Didok surusuruan i ma, “Manggambarkon hajahatan do anak boru on.” Lalu dionjarkon ia anak boru i mangulahi tu bagasan karanjang i jana ditutupkon ia.

ZAKARIA 5:8 Referans Kwoze

1 TESSALONIKA 2:16

Dilarang halahi muse dope hami manjamitahon barita haluaan i tu angka bangso na asing. Jadi di na songon i, laing dipupu halak Jahudi do patamba-tamba dosana gabe mur martimbun lalu tu langit. Jana ujungna saonnari dondonan ni rimas ni Debata ma halahi!

MATEUS 23:32

Antong anggo songon i, toruskon hamu ma pasidungkon dosa na nipungka ni angka ompungmunu i!

ZAKARIA 5:7

Sian simbora do tutup ni karanjang i. Jadi taran hupamanat-manat, mungkap ma tutupna i, hapengani adong do sahalak dadaboru juguk di bagasan karanjang i.

MIKA 6:11

Tarampuni Au ma he jolma na mamake timbangan na pargabus?

ANDUNG 1:14

Dibuat Ia sude dosangku jana dibobok Ia gabe sada, dipaborgokkon Ia muse i di rungkungku, dibaen dokdokna jabat gale au. Dipasahat Tuhan do au tu musu; laho mangalo halahi nada margogo au.

PODA 5:22

Songon tirangkap do dosa ni jolma na jahat na manjorat halakna i sandiri.

MASMUR 38:4

Mogap-ogap do au di bagasan pangalantap ni hasalaanku, maborattu boban ni dosangku tanggungonku.

PAMUNGKAAN 15:16

Dung opat sundut pe anso mulak mangulahi pomparanmu tuson, angke nada paorotonKu dope halak Amori painte so santak jahat ni halahi anso tumbuk uhumon.”

HOSEA 12:7

Hara ni i, ale hamu pomparan ni si Jakob, haporsayai hamu ma Debatamunu i jana mulak ma hamu tuSia. Gok holong ni roha dohot hatigoran ma ngolumunu, jana sobar ma hamu paintehon lopus tulus i dibaen Debatamunu.

AMOS 8:5

Didok hamu tu dirimunu sandiri, “Na lolot ma so sidung ari pesta. Sai giot gadisonta tibu angka gandumta, hape laing so marnasidung do pesta i. Andigan dope sidung Ari Sabat, anso tarbaen mangulahi marjagal? Ma por rohanta mangakal-akali, mangicu dohot parsuhatan, jana mambuat dohot timbangan.