ZAKARIA 4:6 - BIBEL JAMITA NA DENGGAN

⁶ Disuru surusuruan i ma au palaluhon tu si Zerubabel tona ni Tuhan songon on, “Nada markite-hite gogo ni parangan jana nada muse marhite hagogoonmu sandiri gabe manjadi karejomu, tapi marhite tondingKu do ninna Tuhan Na Markuaso.

ZAKARIA 4:6 Referans Kwoze

MASMUR 33:16

Nada monang raja hara ni godang ni kuasona, nada malua ulubalang hara ni godang hagogoon.

HOSEA 1:7

Tapi haholonganKu do halak Juda, jana paluaon halahi marhite goar ni Tuhan, Debata ni halahi. PaluaonKu do halahi, sior sanga podang, parhohas ni porang sanga kudo dohot halak na mangalombutsa.”

2 JUJUR TAON 14:11

Jadi martangiang ma si Asa tu Tuhan Debatania, “Tuhan, hum Ho do na tarbaen mangurupi na gale maradopkon na gogo. Urupi ma hami saonnari, ale Tuhan Debatanami! Marpangunsandean tu Ho do hami jana mangasahon goarMu haruar ma hami marporang mangalo pasukan na santak bahat on. Tuhan, Ho do Debatanami. Ulang ma padiar diriMu ditaluhon sada jolma.”

JESAYA 32:15

Dilehen do tu hita Tondi sian ginjang. Jadi gabe napu ma tano na harsang jana angka ladang pe mangalehen suhana marlompit ganda.

JESAYA 30:1

Didok Tuhan, “Marjaya ma angka pamimpin ni Juda, patunda ni na mangalo halahi tu Au. Diihutkon halahi angka sangkap na so sian Au. Pardonganon na so nisuru ni tondingKu.

BILANGAN 27:16

“O Tuhan Debata na mangalehen hangoluan tu sude na mangolu, hupangido, patidahon ma sada halak na tarbaen manguluhon bangso on.

ESRA 5:2

Umbege tona ni panurirang na dua i, manigor dipungka si Zerubabel anak ni si Sealtiel ma dohot si Josua anak ni si Zosadak mangulahi mambangun Bagas Ni Tuhan na di Jerusalem, diurupi panurirang sidua halak i.

1 PETRUS 1:12

Dipaboa Debata do tu angka panurirang i sasudena na nibaen ni halahi i laho mangoloi hamu do, jana nada na mangoloi halahi sandiri; i ma taringot tu angka na nibegemunu saonnari sian angka na manjamitahon Jamita Na Denggan. Mardongan kuaso ni Tondi Parbadia na nitongosNia sian banua ginjang do dipasahat halahi na songon i tu hamu. Salang angka surusuruan pe por do rohana mamboto barita na nipaboa ni halahi i.

EPESUS 6:17

Jagit hamu ma haluaan na gabe songon kupia baja di hamu, dohot hata ni Debata na songon podang na sian Tondi Parbadia.

PAMUNGKAAN 41:16

Ninna si Josep ma mangalusi, “Nanggo au da rajanami, tapi Debata do na giot mangalehen hatorangan na tumbuk.”

1 SAMUEL 14:6

Jadi didok si Jonatan ma tu doli-doli i, “Beta tu benteng ni Pilistin kapir i. Betak na tolongan ni Tuhan do hita. Angke tarlehen Tuhan do hamonangan, marhite bahat halak bope marhite na saotik halak.”

1 SAMUEL 17:47

jana sudena halak na adong dison marnida na so porlu di Tuhan tombak sanga podang laho paluahon bangsoNa. I ma da na monang di parporangan on jana pasahatonNia ma hamu tu bagasan tangannami.”

1 RAJA-RAJA 19:12

Dung i ro ma api, hape nada di bagasan api i Tuhan. Dung salpu i, tarbege ma pangombus ni alogo na angon-angon.

ESRA 3:10

Di na mamungka mamayakkon pondasi ni Bagas Ni Tuhan i angka parkarejo bangunan i, marpakean juba ma angka malim jana jongjong ma halahi di inganan na ditontuhon maniop sarune. Laing disi muse ma jongjong halak Levi na sian horong Asap maniop angka doal na menek-menek. Dipuji-puji halahi ma Tuhan hombar tu aturan na dung ditotopkon mamungka sian hatiha ni Raja Daud.

PARJAMITA 9:11

Adong dope na huida di tano on: Nada sai tongtong parlojong na hipas manghamonangkon parsiaduan, nada sai tongtong halak na gogo manghamonangkon paraloan. Nada sai tongtong halak na marroha dapotan pangomoan. Jana halak na pistar nada sai tongtong dapotan sinadongan. Songon i angka na malo nada sai tongtong tarbonggal. Angke sanga na ise pe bolas jadi do hona bagian sial.

DANIEL 2:34

Taran manatap raja i tu patung i, magulang ma sada batu sian dolok-dolok, nada adong halak mandabuhonsa, ditondong ma patna na sian bosi dohot tano liat i, gabe maropuk,

HAGAI 1:1

Di taon paduahon dung bangkit Raja Darius, di ari parjolo di bulan paonomkon, ro ma hata ni Tuhan marhite Panurirang Hagai. Tu si Zerubabel, anak ni si Sealtiel pangarajai di Juda, dohot tu Malim Godang Josua anak ni si Josadak, na mandok,

HAGAI 2:21

songon on, “Dokkon ma tu si Zerubabel bupati ni Juda songon on, ‘HuturonKu ma langit dohot tano,’

ZAKARIA 6:12

Palalu tusia na Hudok, Au Tuhan Na Markuaso mandok tusia, ‘Halak na margoar Tumbur i manjadi do karejonia sanga na di dia pe inganannia jana paulionnia ma mangulahi Bagas Ni Tuhan.

ESRA 2:2

Angka na mamimpin halahi, i ma si Zerubabel, si Jesua, si Nehemia, si Seraya, si Reelaya, si Mordehai, si Bilsan, si Mispar, si Bigwai, si Rehum, dohot si Baana. On ma daftar ni Israel marsasaompu, dohot bahat ni halakna sian ganop horong na mulak sian habuangan:

JESAYA 34:16

Jalahi jana sise hamu ma Buku Ni Tuhan. Sada pe sian angka mahluk na mangolu i nada adong na mago sanga na so marpasangan. Songon i do parenta ni Tuhan, harana Tondi Ni Tuhan sandiri do na palagutkon halahi.

JESAYA 59:19

Sian Habincaran lalu tu Hasundutan mabiar be noma halak mida Ia hara ni godang ni kuasoNia. Ro ma Ia songon batang aek na doras sanga songon alogo na gogo.