ZAKARIA 4:14 - BIBEL JAMITA NA DENGGAN

¹⁴ Jadi didok ia ma, “I ma dua halak na nipili, na jongjong di adopan ni Tuhan ni sandok tano on.”

ZAKARIA 4:14 Referans Kwoze

HALUMBAAN 11:4

Anggo saksi na dua i, i ma duakambona hayu zetun dohot dua parlampuan na adong di jolo ni Tuhan ni sude na nitompa on.

HARURUAR 40:15

Jana miahi ma halahi songon pamiahimu di amang ni halahi i, anso laing tarbaen muse ma halahi mangoloi Au songon malim. Markite-hite upacara na mamiahi i, gabe malim ma halahi salolot-lolotna.”

ZAKARIA 6:13

Ia ma da halakna na giot mambangun Bagas Ni Tuhan jana na manjagit hasangapan songon sada raja, jana mamarenta ma ia tu rayatnia i. Adong ma sada malim na gabe dongan pangalambunginia jana denggan do halahi rap saparkarejoan jana di bagasan dame.’

MIKA 4:13

Didok Tuhan do, “Ale halak Jerusalem, kehe ma hamu manguhumi angka musumunu! BaenonKu ma hamu margogo songon lombu na martanduk bosi jana marsisilon tumbaga. Ropuhonmunu ma bahat bangso jana sinadonganna i na dapot songon barang rampasan haulkononmunu ma i tu Au, Tuhan ni sandok tano on.”

JEREMIA 49:19

Songon singa na muldop sian harangan godang di lambung ni Batang aek Jordan, jana na ro mandapotkon padang panjampalan ni biri-biri, songon i ma Au giot ro jana mambaen marlojongi halak Edom sian tano ni halahi tompu. Dung i todoonKu ma sada halak pamimpin laho mamarenta luat i. Ise ma he na tarpatudos tu Au? Ise he puluk mangalo Au? Adong dehe lakna pamimpin na puluk mangalo Au?

1 SAMUEL 16:1

Dung adong sadia honok mangkuling ma Tuhan tu si Samuel, “Sadia honok nari ho marsak patunda ni si Saul i? Nada he na dung Hutulak do i gabe raja ni Israel? Saonnari buat ma miak zetun jana kehe ma ho tu Betlehem, mandapotkon sada halak na margoar si Isai, dibaen madung Hutodo sada halak sian angka anaknia i na gabe raja.”

1 SAMUEL 10:1

Dung i dibuat si Samuel ma tanduk na marisi miak zetun, lalu diduruskon ia ma i tu ulu ni si Saul jana diumma ia si Saul lalu didok ia, “Madung dipabangkit Tuhan ho gabe raja ni bangsoNa Israel. Parentaonmu ma bangsoNa i jana ondihononmu halahi maradopkon angka musu ni halahi.” On ma tandana di ho, paboa na dung dipili ni Tuhan ho gabe raja di bangsoNia:

PANGARATAION 10:8

Di dolok i dibaen Tuhan ma Marga Levi marhapunjungan mangurus Poti Parjanjian i dohot mangoloi Tuhan gabe angka malim dohot mandok hata pasupasu mangasahon goarNia. I ma karejo ni halahi lopus saonnari.

HARURUAR 29:7

Jadi buat muse miak na badia, duruskon ma i di ginjang ni ulunia jana miahi ma ia.

LUKAS 1:19

Dialusi surusuruan i ma, “Si Gabriel do au. Mangoloi Debata do karejongku. Ia do na marsuru au paboahon Jamita Na Denggan on tu ho.

ZAKARIA 6:5

Dialusi ia ma, “Halahi ma da na haruar tu opat jurusan ni alogo, dung sidung halahi mangadop tu Tuhan ni sude tano on.

JESAYA 54:5

Harana na gabe halaklahimu i ma Ia Na Manompa ho, Tuhan Na Markuaso do goarNia; na gabe Sipaluamu i ma Na Sun Badia, Debata ni Israel, nigoaran do Ia, Debata ni sandok portibi.

JESAYA 5:1

Tangihon bo marende au salaho tu kobun anggur ni donganku. Adong do kobun anggur ni donganku di gincat ni tor na napu.

MASMUR 110:4

Madung marsumpa Tuhan, nada tarihonNia be mangulahi, “Ho do malim salolot-lolotna, mangihutkon aturan ni si Melkisedek.”

MASMUR 89:20

Madung Hupadumpangkon si Daud, naposongKu, Hupabangkit ia marhite miakKu.

MASMUR 2:6

Ning Ia ma, “Di Sion, dolokKu na badia i madung Hupabangkit raja na Hupili i.”

1 RAJA-RAJA 17:1

Sanoli adong ma sada halak panurirang na margoar si Elia na sian Tisbe na di Gilead ro mandapotkon Raja Ahab jana didok ia ma, “Mangasahon Tuhan Debata na mangolu, na nisomba ni halak Israel jana na huoloi, hupaboa ma tu raja i, anggo dua tolu taon on nada adong ombun sanga udan rimbus pe, anggo so hudokkon.”

JOSUA 3:13

Disi naron didegehon angka malim na mamorsan Poti Parjanjian ni Tuhan i patna tu bagasan aek di Batang aek Jordan i, magotap ma pardalan ni aek i, jana tartembok ma aek na ro sian julu di sada inganan.”

JOSUA 3:11

di na taripar Poti Parjanjian ni Tuhan ni sandok portibi on manjoloi hamu.

HAMALIMON 8:12

Dung salpu i diojakkon ia ma si Harun marhite na mangusehon miak upacara i saotik tu ginjang ulu ni si Harun.

ESRA 5:2

Umbege tona ni panurirang na dua i, manigor dipungka si Zerubabel anak ni si Sealtiel ma dohot si Josua anak ni si Zosadak mangulahi mambangun Bagas Ni Tuhan na di Jerusalem, diurupi panurirang sidua halak i.