ZAKARIA 3:8 - BIBEL JAMITA NA DENGGAN

⁸ Tangihon ma, ale Malim Godang Josua, dohot hamu ale angka malim na asing, hamu ma da na songon gambaran ni hatiha hasonangan na giot ro. PatidahononKu ma di hatiha i naposongKu i ma Sada Tunas.

ZAKARIA 3:8 Referans Kwoze

JEREMIA 23:5

Didok Tuhan ma, “Dapot do i hatihana, patubuonKu ma di pomparan ni si Daud sada tunas na tigor. Marhite bisuk mamarenta raja i, jana patulusonna hatigoran dohot hatutuan di sandok luat.

JESAYA 11:1

Songon hayu na nitaba do pomparan ni si Daud anak ni si Isai i. Tapi tubu do tunas sian tungko ni si Isai i jana sorang do anakna sian uratna i.

ZAKARIA 6:12

Palalu tusia na Hudok, Au Tuhan Na Markuaso mandok tusia, ‘Halak na margoar Tumbur i manjadi do karejonia sanga na di dia pe inganannia jana paulionnia ma mangulahi Bagas Ni Tuhan.

JEREMIA 33:15

Anggo di hatiha i pilionKu ma sada raja na tigor sian pomparan ni si Daud. Padalanon ni raja i ma hatigoran dohot na sintong di sude luat.

JESAYA 53:2

Songon tumbur do ia tubu di adopan ni Tuhan, jana songon tunas sian tano na mahiang. Nada adong hajegesonna jana nada adong hasangapanna, na mambaen hita mangaligi tusia: Nada adong tompana, na mambaen hita marpor ni roha.

JESAYA 42:1

“Ligi, indu do naposongKu na Hutiop, naposo todoan ni rohangKu, lomo do rohangKu disia. Madung Hulehen kuasongKu tusia, laho maroban hatigoran tu angka bangso sudena.

JESAYA 20:3

Dompak hona hobuk kota Asdod, didok Tuhan ma, “Madung tolu taon marsae mara jana nada marsolop naposongKu si Jesaya. On ma tanda ni na giot tarjadi tu Mesir dohot Sudan.

JESAYA 4:2

Ro do hatiha ni i baenon ni Tuhan sandok suan-suanan dohot hayu tubu lalu magodang boti jeges di luat on. Anggo di ari i marmoga-moga ma pangkilaan ni Israel jana godang rohana hara ni suha ni tano i.

JEHESKIEL 12:11

Patorang ma tu halahi, sanga aha na dibaenmi gambaran ni na giot tarjadi do i tu halahi, i ma: Gabe pangungsi noma halahi jana tabanan.

JESAYA 53:11

Dung abis hasusaannia idaonnia ma na torang jana puas ma pangkilalaanna. Tigor do parrohaon ni naposongKi, jana bahat do halak gabe tigor hara ni ia, ampe tusia do uhuman na tu halahi.

JESAYA 52:13

Satutuna, monang do naposongKu, pagincaton do ia, dipuji-puji jana dipasangap.

JESAYA 49:5

Saonnari songon on hata ni Tuhan, na manjadihon au mamungka sian bortian anso gabe naposoNa, laho paulakkon si Jakob tuSia, jana anso dipalagut Israel tuSia, hara ni i dipasangap ma au di jolo ni Tuhan, jana Debata ma gabe hagogoonku, didok Ia ma:

JESAYA 8:18

On ma da au rap dohot angka dakdanak na nipasahat ni Tuhan tu au. Tuhan Na Markuaso i na mamarenta di Dolok Sion, Ia do na marsuru hami gabe angka saksi na mangolu tu halak Israel.

LUKAS 1:78

hara ni asi dohot holong ni roha na sian Debatanta, jana marhite i do bincar di hita sinondang manyogot sian inganan na gincat.

JEHESKIEL 37:24

Jadi naposongKu si Daud ma gabe rajana jana sada ma na marmahani halahi. Mangolu ma halahi di bagasan pangoloionna tu angka uhumKu dohot mangkarejohon sude angka tonangKu.

JEHESKIEL 34:29

PanapuonKu angka ladang ni halahi anso ulang masa be haleon di luat i. Nada marlayas be halahi baenon ni angka bangso na asing.

JEHESKIEL 24:24

Jadi au si Jeheskiel, gabe tudosan ma au di hamu; baenonmunu ma songon na hubaen on saonnari. Pandok ni Tuhan, muda dung tulus tarjadi na songon on, botoonmunu ma Au do Tuhan Debata.”

JESAYA 49:3

Didok Ia tu au, “Ho ma da naposongKu, Israel, hara ni ho, patuduhononKu ma hagodanganKu.”

MASMUR 71:7

Gabe tiruan na denggan do ngolungku di halak na bahat, angke Ho do antong pangondianku na gogo.