ZAKARIA 3:5 - BIBEL JAMITA NA DENGGAN

⁵ Diparentahon Surusuruan i ma tu angka donganna pangurupina i laho mamasang saroben na ias tu ulu ni si Josua. Dioloi halahi ma i jana dung salpu i dipapakehon halahi ma pakean na imbaru i tusia dipamanat-manat Surusuruan Ni Tuhan i.

ZAKARIA 3:5 Referans Kwoze

ZAKARIA 6:11

Baen ma sada tuku sian sere dohot perak na nihaulkon ni halahi i jana papakehon ma i tu ulu ni Malim Godang Josua anak ni si Josadak.

HARURUAR 29:6

Papakehon ma saroben tu ulunia jana tambatkon ma tanda na badia na manggorgahon ‘Nabadia di Tuhan’ di ulunia.

HALUMBAAN 4:10

manungkap ma pangituai na dua pulu opat i di jolo ni na juguk di habangsa i, marsomba tuSia na mangolu i salolot-lolotna. Dung i dipayakkon halahi ma tuku ni halahi i tu jolo ni habangsa i jana ninna halahi ma,

HALUMBAAN 4:4

Adong ma dua pulu opat habangsa na asing martingko mangkaliangi habangsa i. Juguk ma disi dua pulu opat angka pangituai marpakean na bontar, jana martuku sere.

JOB 29:14

Tigor do pambaenanku nada adong sigoraan; sai ganop ari do hupajongjong hatigoran.

JESAYA 3:23

angka sormin, angka kameja na sian linen, angka bulang dohot angka pakean luar.

JEHESKIEL 42:14

Muda dung sidung markarejo angka malim di Bagas Na Badia, jana giot kehe ma tu alaman parruar, angkon tinggalkonon ni halahi ma pakean hapunjungan na nipake ni halahi di na markobasi ibadat i. Angkon pakean na asing noma pakeon ni halahi, baru pe anso tola halahi kehe mandapotkon rayat na marlagut i.”

ZAKARIA 3:6

Dung i dipalalu Surusuruan i ma hata na nidok ni Tuhan tu si Josua,

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.