ZAKARIA 2:8 - BIBEL JAMITA NA DENGGAN

⁸ Harana songon on do hata ni Tuhan Na Markuaso, na dung marsuru au di bagasan hamuliaonNa, taringot tu angka bangso na dung manaban hamu na jolo. Angke sanga ise na manjama hamu, na manjama anak ni matana sandiri do ia disi.

ZAKARIA 2:8 Referans Kwoze

MASMUR 17:8

Ondingi au, songon pangondingiMu di anak ni mata, bunihon au tu bagasan parsilaungan ni habongMu,

PANGARATAION 32:10

Dapot Ia halahi hatiha diparedang-edangan, di na lungun boti na harsang di halongonan. Dipahan Ia halahi antong jana diondihon Ia, songon na manjagohon di diriNa.

JOHANNES 14:26

Tapi Tondi Parbadia i ma na mangajarkon sasudena i tu hamu. Ia do Pangurupi na giot suruhonon ni Ama i markite-hite goarKu. Pangurupi i ma paingotkon tu hamu sasudena na dung Hupaboa i tu hamu.

2 TESSALONIKA 1:6

Patupaon ni Debata do angka pangalaho na tigor. BaloskononNia ma sitaonon tu halak na mambaen sitaonon tu hamu.

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

1 JOHANNES 4:14

Madung hami ida sandiri Anak Ni Debata, jana saonnari hami saksihon, na dung disuru Ama i do Ia ro tu portibi on anso gabe Sipalua di portibi on.

JOHANNES 17:18

Madung disuru Damang Au tu portibi on, laing songon i muse madung Husuru halahi tu portibi on.

MALEAKI 3:1

Dialusi Tuhan Na Markuaso i ma, “SuruonKu ma utusanKu laho paradehon dalan di Au. Jadi ompot ma ro Au, Tuhan na nijalahanmunu ro tu bagasan BagasKi. Ro ma i utusanKu na nihalungunkonmunu i jana pabotohononna ma parjanjianKi.”

ZEPANYA 2:8

Didok Tuhan Na Markuaso i ma, “Hubege do bangso Moab dohot Amon palayaskon dohot mangincahi bangsongKu. Salpu do hata ni halahi mandok na giot buaton ni halahi tano ni bangsongKi.

HABAKUK 2:8

Ma bahat disamun ho angka bangso, tapi samunon ni angka bangso na so dapotmu ma ho, hara ni pamunuon na nipadalanmi dohot hara ni hakejamonmu maradopkon angka luat, angka kota dohot halak na manginganisa.

MIKA 7:10

Ligion ni musungku ma i gabe maila ma ia jana ditutupi bohina, ia do na mandok tu au, “Di dia do Tuhan Debatamu?” Tapi anggo saonnari idaon ni halahi ma sanga na bia baenon ni Tuhan maradopkon au, jana maila ma halahi. Ligionku ma ia di dege-dege songon bustak di dalan.

MIKA 5:6

Halak Israel na teba i, gabe songon ombun na lambok ma i sian Tuhan maradopkon angka bangso na bahat, jana songon parro ni udan tu suan-suanan. Marpangunsandean ma halahi tu Debata, jana nada be tu jolma.

MIKA 4:11

Madung marlagut bahat bangso laho mamorangi ho, ale Jerusalem! Pandok ni halahi, “Angkon roncohonon do Jerusalem! Idaonnami ma kota i gabe timbunan ni angka batu!”

AMOS 1:13

Didok Tuhan, “Marpupu do mardosa halak Amon, hara ni i angkon hona uhum halahi baenonKu. Di na marporang halahi laho pabidang tano ni halahi, dilapa halahi do angka ina na denggan pamatangna di Gilead.

AMOS 1:11

Didok Tuhan, “Marpupu do mardosa halak Edom, hara ni i angkon hona uhum halahi baenonKu. Nada pakeonKu ibo ni roha, madung diporangi halahi halak Israel, angka kahanggi ni halahi i. Manigor muruk do halahi jana tongtong marhosom.

AMOS 1:9

Didok Tuhan, “Marpupu do mardosa halak Tirus, hara ni i angkon hona uhum halahi Hubaen. Dioban halahi do himpal sada bangso tu habuangan, jana dipasahat halahi tu Edom; dilanggar halahi do parjanjian parale-aleon.

JEHESKIEL 35:5

Sian najolo dihosomi hamu Israel jana dipadiar hamu hona sambol halahi di na hona parmaraan hara ni uhuman na parpudi patunda ni dosa ni halahi.

JEHESKIEL 26:2

“Ale jolma parsantongkinan, marsurak-surak do halak Tirus lalu mandok, ‘Madung maronco Jerusalem! Gogona di parboniagaan madung mago! Nada be imbangta i!’ ”

JEHESKIEL 25:15

Didok Tuhan Debata i ma, “Dibaen halak Pilistin do pamaloson na jorbut tu musuna na dung marsundut-sundut jana marjop ni roha halahi marnida hamamago ni halak Israel.

JEHESKIEL 25:12

Didok Tuhan Debata i ma, “Mambaen hasalaan godang do Edom hara ni kejamna pambaen ni halahi maradopkon Juda, di na palalu hosom halahi.

2 RAJA-RAJA 24:2

Jana laing songon na nidok ni Tuhan marhite angka panurirang naposoNia i, ditongos Tuhan ma angka garombolan na marsinjata sian halak Babel, Siria, Moab dohot Amon laho mangalo si Joyakim jana dipasude ma Juda.

PAMUNGKAAN 20:6

Jadi dialusi Debata ma di bagasan nipi, “Tutu do i, Huboto do sian roha na ias do dibaen ho songon i; hara ni i ma umbaen na Husundati ho mardosa maradopkon Au, jana nada Hupadiar ho manjama dadaboru i.

ZAKARIA 2:11

Marroan ma di hatiha i bahat angka bangso tu Tuhan anso gabe bangsoNia. Maringanan ma Ia di tonga-tongamunu, jana gabe botoonmunu ma na dung disuru Tuhan au tu hamu.

ZAKARIA 2:9

“Satutuna giot laluhononKu ma tanganKu tu halahi, jana halahi gabe ditaban angka halak na di toru ni kuasona hian. Jadi botoonmunu ma bahaso Tuhan Na Markuaso i do na marsuru au.”

MATEUS 25:45

Alusan ni Raja i ma, ‘Tangkas ma jolo tangihon hamu: Di na so ra hamu mangurupi sahalak sian na umdangol on, etongon na so ra do hamu mangurupi Au.’

BAENON NI ANGKA RASUL 9:4

Gabe tungkap ma ia tu tano i jana dibege ia ma sada sora na mandok tusia, “Saulus, Saulus! Biasi diparkanciti ho Au?”

HABAKUK 2:17

Ditabai ho do angka hayu na di harangan Libanon, jana saonnari ho noma na giot sitabaon. Dibunu ho do angka binatang jana saonnari angka binatang i noma sihabiaranmu. Sudena on tarjadi hara ni pamunuon dohot hakejamon na dung nibaenmu maradopkon angka luat, kota dohot angka pangisina.

PODA 7:2

Ihutkon ma angka sipaingotku anso mangolu ho. Denggan ma ihutkon angka pangajaranku songon panjagomu di anak ni matamu sandiri.

JEREMIA 12:14

Didok Tuhan ma, “On ma tonangKu taringot tu harajaan hombar balok ni Israel na dung manyegohon tano na Hulehen tu bangsongKu Israel. Songon suan-suanan na niumpat sian tano, laing songon i ma angka jolma na jahat i giot paruaronKu sian angka luat ni halahi, jana paluaonKu ma Juda sian tangan ni halahi.

JEREMIA 27:7

Mangoloi tusia do sandok bangso, tu anaknia dohot tu pahompunia lopus dapot hatihana madabu bangsonia i. Anggo di hatiha i mangoloi ma bangso Babel tu angka bangso na gogo dohot tu angka raja na godang.

JEHESKIEL 26:20

Dung i Hutongos ma ho tu inganan ni na mate anso mardomu ho disi dohot jolma na sian sinarobian. Hupadiar ho manongtong di inganan ni jolma na mate i, di tonga-tonga ni hasesego na mamanjang, rap dohot halak na mate i. Gabe nada siinganan be tanomi, jana nada goaron be ho di tonga-tonga ni jolma na mangolu.

JEHESKIEL 38:14

Hara ni i disuru Tuhan Debata i ma au laho palaluhon tu si Gog tona on, “Pala topet ma di hatiha sonang so haribo-riboan Israel bangsongKi ro ho mamorangi.

JESAYA 49:19

Tanomu na mamolngit hara ni na dung maronco, saonnari masompittu di na mangingani ho. Nada tuk inganan di halahi sudena, na giot manginganisa. Angke madung kehe dao sian ho, halahi na mambaen sangkap manyegohon ho.

JEHESKIEL 36:11

TambaanKu ma halak dohot pahan-pahananmu, lopus bahat sajo, umbahat sian di mulana i, jana marpinompari halahi bahat-bahat. Dos ma halahi mangolu songon di mulana i jana sonang baenonKu songon na so unjung dihilala hamu. Jadi gabe botoon ni halahi ma Au do Tuhan.

JEHESKIEL 38:11

Putuskononmu ma laho mamorangi luat na so marbenteng i, disi halakna mangolu di bagasan sonang so haribo-riboan di angka kota na so martembok jana na so adong parkokas ni partahananna.

ZAKARIA 8:5

Angka dalan na di kota i pe gabe ribur ma baenon ni angka halaklahi dohot dadaboru na marmayami.