ZAKARIA 2:7 - BIBEL JAMITA NA DENGGAN

⁷ Kehe ma hamu tu Sion palua ma dirimu, ale pangisi ni Babel.

ZAKARIA 2:7 Referans Kwoze

JESAYA 48:20

Kehe ma ho sian Babel, lojongi ma tu Kasdim baritahon ma mardongan jop ni roha. Baritahon ma sun tu dia: “Madung dipalua Tuhan Israel, naposoNia!”

HALUMBAAN 18:4

Jadi hubege ma sada sora na asing sian banua ginjang mandok, “Ruar ma hamu angka bangsongKu! Ruar ma hamu sian bagasan! Ulang ihutkon hamu angka dosana i, jana ulang dohot hamu mananggung uhumanna i!

BAENON NI ANGKA RASUL 2:40

Songon i ma dipatorang si Petrus tu halahi dohot ragam-ragam pandohan na asing, jana dipaingot ia halahi, ninna ma, “Sai ra ma hamu nipalua sian sundut na jahat on.”

JEREMIA 51:6

Palua ma dirimu! Lojongi ma sian Babel ulang jabat dohot hamu hona bunu hara ni dosana! Na mambaloskon hajahatan ni Babel do Au on dohot manguhumisa hombar tu pambaenanna.

JESAYA 52:11

Mandao ma ho, mandao ma ho! Ruar ma ho sian i! Ulang ho dais tu na hodar! Ruar ma ho sian tonga-tonga ni halahi, paias ma dirimu, ale hamu na maroban parkokas ni Bagas Ni Tuhan.

PAMUNGKAAN 19:17

Dung i didok sahalak sian surusuruan i ma, “Marlojong ma hamu, palua hosamunu! Ulang manaili tu pudi jana ulang maradian di rura. Tu dolok-dolok ma lojongi hamu, anso ulang mate hamu!”

MIKA 4:10

Ale halak Jerusalem, marngeat jana mangangguhi ma hamu songon ina na tubu-tubuan! Harana, angkon tadingkononmunu noma kota saonnari jana maringanan di padang-padang noma hamu. Angkon kehe ma hamu tu Babel, tapi paluaon ni Tuhan do hamu disi sian angka musumunu.

JEREMIA 51:45

Hara ni i, lojongi hamu ma sian i, ale halak Israel! Palua hamu ma dirimunu maradopkon muruk ni rohangKu na dung gilap.

JEREMIA 50:8

O hamu halak Israel, lojongi hamu ma sian Babel! Pajolo hamu ma kehe, anso mangihut na asing i.

JESAYA 52:2

Paspaskon ma abu na lohot di pamatangmi, ngot ma ho, ale Jerusalem na nitaban! Talduskon ma ihot-ihot sian rungkungmu, ale boru Sion na tartaban!

BILANGAN 16:34

Sude halak Israel na marnida i mangaluahon dirina umbege angguk ni halahi. Didok halak Israel i ma, “Maporus ma hita, ulang-ulang dibondut tano i muse hita.”

BILANGAN 16:26

Didok si Musa ma tu halak Israel, “Mandao ma hamu sian bandar ni halak na jahat on jana ulang dais hamu sanga tu aha pe arta ni halahi. Muda nada dioloi hamu pusaon ma hamu rap dohot halahi hara ni dosa ni halahi.”

JESAYA 47:1

“Mijur jana juguk ma ho di gincat ni orbuk, ale bujing-bujing, boru Babel! Juguk ma ho di gincat ni tano, jana nada be marhabangsa, ale boru Kasdim! Harana nada be dohonon ho na jogi jana na jeges.