ZAKARIA 2:12 - BIBEL JAMITA NA DENGGAN

¹² Sanoli nari gabe nampuna hapunjungan ni Tuhan ma Juda di tanoNia na badia i, jana Jerusalem gabe kota na sumurung dihaholongi Ia.

ZAKARIA 2:12 Referans Kwoze

ZAKARIA 1:17

Ulahi muse ma martingting mandok, “Songon on do hata ni Tuhan Na Markuaso, ‘Murrarat dope angka kotangKu baenon jana lobian dipasupasu, jana ulahan ni Tuhan Na Markuaso i ma mangapoi Sion jana mimili Jerusalem.’ ”

PANGARATAION 32:9

Hape anggo pompar ni si Jakob on dipili Tuhan diSia sandiri antong.

JEREMIA 10:16

Nada songon angka gana-ganaan i anggo Debata ni si Jakob; Ia do manompa sandok na adong. Tuhan Na Markuaso do goarNia; ditodo Ia do Israel gabe bangsoNa.

MASMUR 33:12

Martua ma bangso na mangoku Tuhan gabe Debatana, martua ma bangso na hona todo gabe bangsoNia!

JEREMIA 51:19

Anggo Debata ni si Jakob nada songon gana-ganaan i; Ia do na manompa sasudena. Tuhan Na Markuaso i do goarNia; ditodo Ia do Israel gabe bangsoNa.

JESAYA 41:9

Ho na dung Hubuat sian angka sundut ni tano on, jana Hupio sian suhi-suhina. Hudok ma tu ho: ‘NaposongKu do ho, madung Hupili ho jana nada tulahonKu be ho.’

MASMUR 135:4

Ditodo Ia si Jakob baen diSia sandiri halak Israel, dibaen Ia gabe nampunaNia.

MASMUR 82:8

Ro ma Ho ale Debata, uhumi ma portibi on, angke Ho do nampuna sandok bangso.

MASMUR 132:13

Dibaen madung dipili Tuhan Sion; giot ni rohaNia maringanan Ia disi.

MASMUR 132:14

Didok Ia do, “On ma ingananKu salolot-lolotna, dison ma por rohangKu marhabangsa.

JESAYA 14:1

Giot asian ni Tuhan ma Israel bangsoNia i, jana manodo halahi mangulahi gabe nampunaNia. Giot baenonNia ma halahi mangulahi maringanan di tano ni halahi sandiri. Marroan ma halak na asing jana maringanan disi rap dohot halahi.

ZAKARIA 3:2

Didok Surusuruan ni Tuhan ma tu Sibolis i, “Sai diuhum Tuhan ma ho, ale Sibolis! Sai diuhumi Tuhan na manghaholongi Jerusalem i ma ho. Nada he surpu na nitarik sian api do ia?”

PANGARATAION 32:10

Dapot Ia halahi hatiha diparedang-edangan, di na lungun boti na harsang di halongonan. Dipahan Ia halahi antong jana diondihon Ia, songon na manjagohon di diriNa.

ESTER 6:13

Dicaritohon ia ma tu dadaborunia dohot angka dongannia na nitaonnia i. Dung i didok dadaborunia dohot angka dongannia na malo-malo i ma, “Ma mamungka gumale gogomu sian si Mordehai. Halak Jahudi do bayo i jana indangkan na taralo ho i. Pasti taluhononnia ho.”

MASMUR 105:15

“Ulang ganggu hamu bangso pilianKu, ulang hahua hamu angka panurirangKu!”

JESAYA 17:14

Hatiha lusut mataniari dibaen halahi hagaoron, tapi marayak andostorang nada adong be halahi. Songon i ma bagian ni ganop halak na manyamun hita.

JEREMIA 30:16

Tapi saonnari, hona bondut ma sude na mamondut hamu jana obanon ma tu habuangan sude musumunu. TindosanKu ma na manindos ho samunonKu ma na manyamun ho.