ZAKARIA 2:1 - BIBEL JAMITA NA DENGGAN

¹ Dung i manatap ma au mangulahi adop gincat, huida ma sada halaklahi na maniop tali panyuhat.

ZAKARIA 2:1 Referans Kwoze

JEHESKIEL 40:3

Dioban Ia ma au tusi jana huida ma sada bayo na marsinondang songon tumbaga na jongjong di lambung ni pintu ni horbangan i. Ditiop ia di tangannia tali pangukur sian abit linen dohot hayu parsuhat.

ZAKARIA 1:16

Hara ni i songon on do hata ni Tuhan, “Madung marpangulahi rohangKu tu Jerusalem; angkon paulion muse BagasKu di tonga ni kota i, ninna Tuhan Na Markuaso, jana tarikon ma hotang pangukur humaliang Jerusalem.”

HALUMBAAN 21:15

Adong do di tangan ni surusuruan donganku mangkobari i sada tungkot sere baen suhat-suhat laho mangukur kota i, marsuhat horbanganna dohot tembokna i.

HALUMBAAN 11:1

Dung i dilehen ma di au sada bulu suhat-suhat tarsongon tungkot, jadi diparentahon ma, “Kehe ma ho mangukur Bagas Na Badia ni Debata dohot meja inganan parkaulan i. Etong ma sanga sadia bahat halak na maribadat di bagasan.

JEHESKIEL 47:4

Dung i disuhat ia ma lima ratus meter nari, jana lalu tu gonting bagas ni aekna i.

JEHESKIEL 40:5

Dung i huida ma bagas na martembok humaliang. Dipungka bayo i ma mangukur tembok i dohot hayu parsuhat i, tolu meter ginjangna. Dapot ma tolu meter gincat ni tembok i, hapalna pe laing tolu meter muse.

ZAKARIA 1:18

Dung i manatap ma au adop gincat, huida ma opat tanduk ni lombu.

JEREMIA 31:39

Sian i ma batasna tu Tor Gareb, mangelgok ma i tu Goa.

JEHESKIEL 47:3

Di na lalu marsuhat ia dohot tungkot pangukurnia i, lalu dioban ia ma au paihut-ihut pardalan ni aek i tu Habincaran lima ratus meter daona, jana disuru ia ma au taripar. Anggo di inganan i hum olat ni tambihul do bagas ni aekna i.

JESAYA 54:16

Au do manompa tukang bosi, na manopa sinjata di bagasan api. Tapi Hubaen muse do na pasegohon, na mamake sinjata tu maksud na jahat.

JEREMIA 48:25

Madung diripukkon gogo ni Moab, jana disargehon kuasona. Au Tuhan, madung mandok songon i.”

DANIEL 7:7

Taran manatap au tusi, murgap muse ma binatang na paopatkon. Sun gogona jana jorbut tompana, mabiar au midasa. Diropuk ia dohot iponnia na gogo jana na songon pir ni bosi i angka soroannia jana dipangabis ia; teba-tebana i didege-dege ia. Asing do ia sian angka binatang na parjolo i, anggo on martanduk sampulu.