ZAKARIA 14:6 - BIBEL JAMITA NA DENGGAN

⁶ Anggo di ari na sasada i nada adong be ari na ngali sanga pe es,

ZAKARIA 14:6 Referans Kwoze

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”

2 PETRUS 1:19

I do umbaen na mur pos rohanami di barita ni Debata na nipaboa ni angka panurirang i. Denggan sajo do sugari dohot hamu mamparate-atehon barita i, angke songon lampu na marsinondang di inganan na golap do barita i jana marsinondang ma i songon sinondang ni bintang di andostorang di bagasan rohamunu.

JOHANNES 12:46

Songon sinondang do Au di na ro tu portibi on, anso sude halak na porsaya tu Au ulang be tinggal di na golap.

MASMUR 112:4

Marsinondang ma na torang di bagasan hagolapan, di halak na burju, na tigor, parholong dohot paribo.

HALUMBAAN 11:3

SuruhononKu ma dua halak sangsingKu anso manyurirangi jana marpakean arsak ni roha, salolot saribu dua ratus onompulu ari.”

KOLOSSE 1:12

mardongan tarimakasi tu Ama i. Angke Ama i do na patumbukkon hamu gabe rayat di harajaan na tiur.

JOHANNES 1:5

Marsinondang do na torang i di hagolapan, jana nada tarintopi hagolapan i na torang i.

HOSEA 6:3

Hara ni i, tahaburjuhon ma laho mananda Tuhan. Pasti do ro Ia tu hita songon parbincar ni mataniari jana songon udan na mangaehi tano di ujung ni ari nonat.”

JEREMIA 4:23

Manaili ma au adop tano, rumar jana harsang idaon. Mandorgak au adop langit an, nada adong na marsinondang.

JESAYA 50:10

Ale hamu na pasangap Tuhan Debata, jana na mangoloi hata ni naposoNia, betak na golap do dalan na nibolusmunu, tapi laing porsaya ma tu Tuhan, Ia ma pangasahon hamu!

JESAYA 13:10

Ganop bintang dohot baris-baris ni bintang i mantak ma marsinondang, manggolap ma mataniari di habibincarna, jana bulan pe nada marsinondang be.

BAENON NI ANGKA RASUL 2:16

Tapi madung dipaboa Debata hian on markite-hite panurirang Joel:

BAENON NI ANGKA RASUL 2:19

BaenonKu ma angka hahomangan di ginjang, di langit, dohot angka tanda di toru, di tano on; adong ma mudar dohot api, uas dohot timus.

JESAYA 24:23

Manggolap ma bulan i jana mataniari nada be marsinondang, angke mamarenta noma Tuhan Na Markuaso i songon sada raja. Mamarenta ma Ia di Jerusalem, di ginjang ni Dolok Sion, jana idaon ni angka pamimpin ni bangso ma hamuliaonNia.

JEHESKIEL 32:7

Taran Huabisi ho, holipanKu ma langit jana angka bintang pe rambon baenonKu. Mataniari i Hubunihon di balik ni ombun jana bulan i pe nada marsinondang.

JEHESKIEL 32:8

Sudena tehe na torang na di langit i intopanKu jana portibi on manggolap baenonKu. Au Tuhan Debata madung mandok songon i.

JOEL 2:30

PamasaonKu ma angka hahomangan di langit dohot di tano on: Mudar, jilam ni api dohot timus na marsijongjong.

JOEL 2:31

Manggolap ma mataniari jana bulan pe marrara songon mudar dompak so dapot ari ni Tuhan i, i ma ari na godang jana sihabiaran!

JOEL 2:2

Manggolap do ari i jana mangalomlom, ari na gok ombun dohot hagolapan. Songon sinondang ni mataniari manyogot di ginjang ni angka tor, sada bangso na bahat jana na gogo. Na so unjung masa dope i; jana sapanjangna nada masa be i.