ZAKARIA 14:4 - BIBEL JAMITA NA DENGGAN

⁴ Jongjong ma Ia di ari i di Dolok Zetun, sabola Habincaran ni Jerusalem. Jadi gabe mabola ma Dolok Zetun i mamungka sian Habincaran lalu tu Hasundutan baenon ni holbung na bidang. Manggulot sabola Utara ma satonga sian dolok i, jana satonga nari tu Selatan.

ZAKARIA 14:4 Referans Kwoze

JEHESKIEL 11:23

Dung i ditadingkon sinondang na silo i ma Jerusalem jana pinda ma tu dolok na di Habincaran ni kota i.

ZAKARIA 14:10

Sandok luat mamungka sian Geba di Utara lopus tu Rimon di Selatan, gabe napa ma sudena i. Tapi anggo Jerusalem marsijongjong ma i diginjang adu i, gumincat sian tano na humaliang i; mabidang ma kota i mamungka sian Pintu Horbangan Benyamin lopus tu Pintu Horbangan Suhi-suhi, i ma inganan ni Pintu Horbangan na jolo dohot sian Menara Hananael lopus tu inganan pamoroan ni anggur nampuna ni raja i.

ZAKARIA 14:7

tapi di sada ari – holan Tuhan do umbotosa – nada adong pargontian ni arian dohot borngin, jana borngin i gabe arian.

ZAKARIA 4:7

Ise do ho, ale dolok na godang? Angkon gabe tano napa ho anggo maradopkon si Zerubabel. Payakkononmu ma batu parsuhi mardongan surak-surak mandok, ‘Jeges! Jegesna i antong batu i!’ ”

HABAKUK 3:6

Muda jongjong Ho, humutur ma tano; muda manatap Ho, humitir ma angka bangso. Mangkahoping ma angka dolok sian najolo; angka tor sian narobi gabe marondo, di angka tanggurung ni tor i ma mardalani Ho di hatiha na robi.

JEHESKIEL 43:2

jana huida ma disi ro sian sabola Habincaran sinondang na marsilo-silo na patandahon haroro ni Debata ni Israel. Tarbege ma sora ni Debata songon laut na gumadobur, jana marlinang-linang ma tano on hara ni sinondang ni haroro ni Debata.

MARKUS 11:23

tardok hamu do tu dolok an, ‘Morot ma ho, jana ambung ma ho tu laut!’ gabe tulus ma songon i di hamu, asal ma ulang ganggu rohamunu. Dung i pos ma rohamunu angkon tutu situtu tulus na nidokmunu i.

JEHESKIEL 38:20

Sude ihan dohot unggas, sude binatang na godang dohot na menek, dohot sude jolma na adong di sisik ni tano on humitir be ma hara ni biarna mangadopi Au. Martolbahan ma angka dolok, marruncuran angka tobing, jana marunggalan ma sandok tembok.

ZAKARIA 14:8

Di ari i, mardalan ma aek na lan sian Jerusalem; satonga sian aek i kehe tu Laut Hamatean do jana na satonga nari kehe tu Laut Tonga. Mardalan do torus aek i sasataon, bope di ari nonat sanga pe di logo ni ari.

2 SAMUEL 15:30

Dung salpu i, dibuka si Daud ma sipatunia. Manangkok ma ia dohot halahi sude lalu tangis di Dolok Zetun, jana martujung-tujung ulu ni halahi tanda ni arsak ni roha.