ZAKARIA 14:3 - BIBEL JAMITA NA DENGGAN

³ Jadi kehe ma Tuhan marporang mangalo angka bangso i songon na nibaenNia narobi.

ZAKARIA 14:3 Referans Kwoze

ZAKARIA 12:9

Anggo di ari i, abiskononKu ma ganop bangso na mancubo-cubo mamorangi Jerusalem.

ZEPANYA 3:19

Ro do i hatihana ropukkononKu na mamisat hamu, jana halak na tengka paluaonKu; sude halak buangan mulak toguonKu. Muba habilean ni halahi gabe hasangapan; sanga di dia, disandok portibi, marmulia ma halahi jana dipuji.

JOEL 3:2

PalagutonKu ma sandok bangso jana obanonKu tu Rura Josafat. TimbangonKu ma parkaro ni halahi disi domu tu hajahatanna maradopkon bangsongKu angke dibagi-bagi halahi do tano Israel jana dibuang halahi bangsongKi tu luat na marragam.

2 JUJUR TAON 20:15

jana mandok hata ma ia, “Daulat rajanami, maradu angka kahanggi sasudena. Pandok ni Tuhan, nada tola hamu mandele sanga mabiar mida tentara na bahat i. Angke nada hamu na marporang, tapi Debata do.

JOSUA 10:42

Di bagasan sada parporangan sajo, madung talu sude raja-raja i dohot luat na nigomgoman ni halahi dibaen si Josua, angke Tuhan Debata ni Israel do marporang di Israel.

JOSUA 10:10

Dibaen Tuhan ma halak Amori i gabe mabiar so martontu, dung diida halahi halak Israel. Bahat do halak Amori na hona bunu di Gibeon i jana angka na mangolu i dope dikojar ma manuati lereng ni dolok na di Bet-Horon lalu tu Aseka dohot Makeda na di Selatan.

JOSUA 10:14

Nada jungada tarjadi songon i jana indangkan na tarjadi muse be ari songon i, disi diihutkon Tuhan hagiot ni jolma, marporang Tuhan di pihak ni Israel!

NEHEMIA 4:14

Di na huida mabiar rayat i, hudok ma tu halahi dohot tu angka hatobangon maradu tu angka pamimpin, “Ulang hamu mabiar mida musu! Tuhan na gogo jana na markuaso i ma ingot hamu, jana parjuangkon hamu ma angka kahanggimunu, angka dakdanak, dongan saripe dohot bagasmunu!”

JESAYA 29:7

Jadi mago ma sude parangan ni angka bangso na ro mamorangi Jerusalem, kota langgatan ni Debata i; sude sinjata dohot perlengkapan ni halahi, mago ma i sudena songon nipi sajo, angan-angan hatiha borngin.