ZAKARIA 14:2 - BIBEL JAMITA NA DENGGAN

² Palaguton ni Tuhan ma sandok bangso laho mamorangi Jerusalem. Taluhononna ma kota i, jana dirampasi angka bagasna i, jana angka dadaboru na disi paksaonna marmainan. Satonga sian halak kota i obanonna tu habuangan, tapi anggo na asing i tading do di kota i.

ZAKARIA 14:2 Referans Kwoze

JESAYA 13:16

Idaon ni halahi sandiri ma angka dakdanak ni halahi na menek-menek i diropuk, bagas ni halahi hona harpus dohot angka daboru ni halahi dipaksa marmainan.”

MARKUS 13:14

“Muda diida hamu ‘Hajahatan Na Mangaroncohon’ jongjong di inganan na so patut. (Sanga ise na mamasa on: Astui hamu ma sanga aha na nidok on!) Angka halak na di Judea di hatiha i, gumonan ma marlojong tu dolok.

MATEUS 22:7

Dung dibege raja i na songon i, muruk sajo ma ia. Gabe disuruhon ia ma tentarania mambunu angka sibunu jolma i dohot manyurbu kota ni halahi.

AMOS 7:17

didok Tuhan do, gabe panggampang noma dadaborumi di angka dalan ni kota, jana angka dakdanakmu hona bunu di bagasan porang. Bagi-bagion noma tanomi tu halak na asing, jana ho sandiri mate di tano ni halak sileban noma na so mananda Tuhan. Angkon boanon ma halak Israel tu habuangan dao sian tanona sandiri.”

JOEL 3:2

PalagutonKu ma sandok bangso jana obanonKu tu Rura Josafat. TimbangonKu ma parkaro ni halahi disi domu tu hajahatanna maradopkon bangsongKu angke dibagi-bagi halahi do tano Israel jana dibuang halahi bangsongKi tu luat na marragam.

JESAYA 5:26

Baenon ni Tuhan ma sada tanda giot mamio bangso sian na dao. Mandosik ma Ia mamio halahi sian angka ujung ni tano on. Marroan ma halahi tibu jana hipas.

LUKAS 2:1

Diparentahon Kesar Agustus ma hatiha i anso marsidaftarkon dirina be sude rayat na nirajaannia.

MARKUS 13:19

Harana anggo di hatiha i masa ma hasusaan na godang situtu na so unjung masa dope i di tano on dung ditompa Debata tano on lopus tu sadari on, jana nada masa be songon i tu pudi on.

ANDUNG 1:10

Dirampas angka musuna sude sinadonganna; diida ia halahi masuk tu Bagas Ni Debata, haru pe diorai hian mambaen na songon i di halak na so masuk bangso ni Tuhan i.

JEREMIA 34:1

Di na ro si Nebukadnesar raja ni Babel rap dohot angka paranganna na nitambaan ni angka tentara na sian sude bangso dohot harajaan na tunduk tusia mamorangi Jerusalem dohot angka kota na humaliangna, mangkuling ma Tuhan tu au.

JESAYA 65:18

Marjop ni roha jana marmoga-moga ma hamu salolotna, hara ni sude na Hutompa i. TompaonKu ma Jerusalem na imbaru gok jop ni roha, jana na maringanan disi marjop ni roha.

JEREMIA 21:4

Paboahon na nidok ni Tuhan, Debata ni Israel songon on, “Zedekia, pataluonKu ma paranganmi na topet marporang mangalo raja ni Babel dohot paranganna. PagukguhonKu ma angka sinjata ni tentaramu di tonga-tonga ni kota i.

JEHESKIEL 5:8

Jadi, Au Tuhan Debata mandok, bahaso musumu do Au. UhumanKu ma ho di adopan ni angka bangso.

JOEL 3:9

Pabotohon ma boa-boa on tu angka bangso: Markobas ma marporang dohot mangasahon gogo! Pajuju hamu ma angka na malo marlojong dohot angka ulubalang; palagut sude angka parajurit, beta ma, maju ma!

ZAKARIA 12:2

“BaenonKu ma Jerusalem songon piala na marisi anggur; inumon ni angka luat na hombar balokna ma i jana lenong-lenong halahi songon na mabuk. Jana muda hona hobuk Jerusalem, angka kota na tading i pe di Juda laing hona hobuk muse ma.

ZAKARIA 12:3

Tapi muda dung dapot ari i, baenonKu ma Jerusalem songon batu na dokdok, sanga bangso dia pe na mancubo mangangkatsa, gabe dapotan hamamago. Mardomu ma sandok bangso na di tano on laho mamorangi Jerusalem.

ZAKARIA 12:9

Anggo di ari i, abiskononKu ma ganop bangso na mancubo-cubo mamorangi Jerusalem.

JESAYA 4:3

Ganop halak na tading di Sion jana pasipasi ni Jerusalem angkon digoari na badia, i ma ganop halak na di Jerusalem na nitodo manjagit haluaan.