ZAKARIA 14:16 - BIBEL JAMITA NA DENGGAN

¹⁶ Dung i sandok jolma na laing mangolu dope sian tonga-tonga ni angka bangso na mamorangi Jerusalem i, markehean noma tu kota i laho marsomba tu Raja, Tuhan Na Markuaso i dohot laho manghagodangkon Pesta Undung-undung Bulung Rata.

ZAKARIA 14:16 Referans Kwoze

JESAYA 66:23

Ganop Bulan Na Imbaru, ganop Ari Sabat, marroan ma angka jolma sian ganop bangso mardongan sangap, laho manyomba Au di Jerusalem on.

JOEL 2:32

Anggo di hatiha i, dapotan haluaan ma sanga ise na mangido pangurupi ni Tuhan i. Harana di Dolok Sion dohot di Jerusalem giot adong ma haluaan songon na nidok ni Tuhan; sude halak na mamiohon goar ni Tuhan, i do na giot dipalua.”

HALUMBAAN 19:16

Tarsurat do di baju jubaNia dohot di hae-haeNia i goar on, “Raja ni sasude raja jana Tuan ni sude tuan.”

HALUMBAAN 11:13

Jadi ro ma lalo na gogo hatiha i di tano on. Maronco ma saparsampulu ni kota i jana mate ma dibunu lalo i pitu ribu halak. Angka halak na asing i na so mate dibunu lalo i, gabe mabiar situtu ma; jadi gabe dipuji halahi ma hagodangan ni Debata di banua ginjang i.

SURAT NI SI PAULUS TU PARLAGUTAN ROM 11:26

Jana i do gabe dalan, anso malua sandok bangso Israel, hombar tu na tarsurat i, “Ro ma sian Sion Sipalua i, sesaonNia ma hajahatan sian pomparan ni si Jakob.

SURAT NI SI PAULUS TU PARLAGUTAN ROM 11:16

Muda badia patumonaan i, na badia do muse sude sipanganon i; jana muda badia urat i, na badia do muse dangkana.

SURAT NI SI PAULUS TU PARLAGUTAN ROM 11:5

Laing songon i ma saonnari dihatiha on, adong do na gabe teba-teba mangihutkon pamilion ni asi ni roha.

BAENON NI ANGKA RASUL 15:17

anso sude halak na teba i manjalahi Tuhan, rap dohot angka bangso na asing na so Jahudi, i ma na dung Hupiohon gabe Au puna.’ Songon i ma pandok ni Tuhan i,

JOHANNES 7:2

Donok ma hatiha i Pesta Undung-undung Bulung Rata ni halak Jahudi.

JOHANNES 1:49

Didok si Natanael ma, “Rabbi, Anak Ni Debata do Ho! Ho do Raja ni halak Israel!”

LUKAS 19:38

Jana didokkon halahi ma, “Dipasupasu ma Raja i na ro markite-hite goar ni Tuhan! Hasonangan ma di banua ginjang jana hamuliaon ma di inganan na gumincat i!”

MALEAKI 1:14

“Hona bura ma pangicu na manghaulkon tu Au pahan-pahanan na so mararga, anggo adong dope pahan-pahanan na asing na dung dijanjihon humani tu Au! Angke Au do Raja Godang, jana sandok bangso do pasangapkon Au.”

ZAKARIA 9:7

PaagoonKu ma mudar sian pamanganna dohot hahodaran sian angka iponna, jana na tinggal rap dohot halahi pe giot manjadi nampuna ni Debatanta. Gabe songon sada horong ma halahi di Juda, jana halak Ekron songon halak Jebusi.

HOSEA 12:9

‘Saonnari mamora hita,’ ninna halahi, ‘Maruntung hita! Sahalak pe nada adong tarbaen manudu hita dapotan hamoraon i sian dalan na geduk.’

JEREMIA 51:57

BaenonKu ma mabuk angka parkuaso ni Babel – angka hatobangon, pamimpin, dohot tentara, lopus tarpodom halahi salolot-lolotna. Madung Hudok hatana; Au ma da Raja, Au do Tuhan Na Markuaso.

JEREMIA 48:15

Madung pola disarsarkon Moab dohot angka kotana, jana angka doli-dolina na tumongam madung hona bunu. Madung Hudok songon i, Au do Raja, Tuhan Na Markuaso.

JEREMIA 46:18

Au do Tuhan Na Mangolu, Au do raja, Tuhan Na Markuaso. Songon Dolok Tabor na gumincat sian tonga-tonga ni angka dolok dohot Dolok Karmel na marsijongjong di ginjang ni sisik ni laut, songon i ma hagogoan ni na ro i mamorangi ho.

JESAYA 6:5

Dung i hudok ma, “O ale, mate noma au, angke mardosa do au markite-hite sude hatangku, boti muse na maringanan di tonga-tonga ni bangso na songon i muse do au. Umporan dope, harana madung diida matangku sandiri Raja, Tuhan Na Markuaso i!”

ESRA 3:4

Dirayahon halahi muse ma Pesta Undung-undung Bulung Rata, hombar tu paraturan; jana ganop ari dipasahat halahi ma haul na dung ditontuhon di ari i.

2 JUJUR TAON 8:13

Mangihutkon uhum ni si Musa do dibaen ia pasahatkon angka haul i di ganop ari pesta: Di Ari Sabat, Ari Pesta Bulan Baru, dohot ari pesta na tolu siganop taon, i ma Ari Pesta Ni Roti Na So Marragi, Ari Pesta Paskah, dohot Ari Pesta Undung-undung Bulung Rata.

MASMUR 66:4

Sude tano on tunduk marsomba di adopanMu, marende do halahi mamuji goarMu.

JESAYA 18:7

Dapot do i hatihana, pasahaton ma angka silua somba-somba tu Tuhan Na Markuaso i sian luat na nibolus ni angka batang aek i, sian bangsona na gogo jana na markuaso i, sian angka halakna na ginjang godang jana na marhuling-huling na halus boti na nihabiaran di sude portibi on. Marroan ma halahi tu Dolok Sion, tu inganan parsombaan tu Tuhan Na Markuaso i.

JESAYA 19:21

Patangkason ni Tuhan ma diriNa tu bangso Mesir, lalu tandaon jana sombaon ni halahi noma Ia, jana obanon ni halahi ma haul sisambolon dohot haul sipanganon diSia. Mambaen janji ma halahi mardongan sumpa tuSia jana karejohonon ni halahi ma songon sumpana i.

JESAYA 27:13

Paluon ma di hatiha i sarune laho marpio sude halak Israel na hona buang di Asur dohot di Mesir. Ro ma halahi tu Jerusalem marsomba tu Tuhan di dolokNa na badia.

MIKA 4:2

dokkonon ni halahi sudena ma, “Manangkok ma hita tu dolok ni Tuhan tu Bagas Ni Debata na nisomba ni Israel bangsoNa! AjarkononNia ma tu hita sanga aha na patut baenonta. Ihutkononta ma dalan na nipiliNia. Angke sian Sion do haroro ni pangajaran, jana hata ni Tuhan sian Jerusalem.”

ZAKARIA 14:9

Jadi mamarenta ma Tuhan gabe raja di sandok portibi on; sombaon ni ganop jolma ma Ia songon Debatana jana tandaon ni halahi ma Ia di bagasan goar na sarupa.