ZAKARIA 14:13 - BIBEL JAMITA NA DENGGAN

¹³ Di ari i, baenon ni Tuhan ma angka bangso-bangso i mardut ni roha jana mabiar situtu lopus ditangkup na sada donganna na di lambungna jana marsihantaman.

ZAKARIA 14:13 Referans Kwoze

ZAKARIA 12:4

Anggo di ari i baenonKu ma lenong sandok kudo jana angka na mangalombut i Hubaen rintik, halak na maringanan di Juda Hujagohon, tapi sandok kudo ni musuna i Hubaen nada marnida.

ZAKARIA 11:6

“Nada ra be Au maribo ni roha mida sanga ise pe di luat on. Au sandiri pasahatkon sude halak na di luat on tu angka na markuaso. Luntahon ni halahi ma luat on, jana nada rampasonKu i sian kuaso ni halahi.”

JEHESKIEL 38:21

Dung i songgotonKu ma si Gog dohot sude ragam ni parmaraan. Au Tuhan Debata madung mandok songon i. Marsitampulan ma angka parangannia i dohot podang ni halahi i.

HAKIM-HAKIM 7:22

Di na nipalu ni si Gideon dohot angka donganna i sarune i, dibaen Tuhan ma tentara ni musu i marsialoan na sada tu na asing marsitampulan dohot podang. Marlojong ma halahi adop Zarerah lopus tu Bet-Sita dohot kota Abel-Mehola na di lambung Tabat.

ZAKARIA 14:14

Marporang ma angka halaklahi na adong di Juda laho mampartahankon kota Jerusalem. Songon barang na nirampas, pambuatan ni halahi ma sude sinadongan ni angka bangso i, isara ni sere, perak dohot pakean marbahat-bahat.