ZAKARIA 14:11 - BIBEL JAMITA NA DENGGAN

¹¹ Marsonang-sonang ma angka jolma maringanan di kota i, nada adong hamamago na mangancam.

ZAKARIA 14:11 Referans Kwoze

HALUMBAAN 22:3

Jadi nada adong be disi na niburaan, angke habangsa ni Debata dohot Anak Ni Biri-biri i do di bagasan kota i, jana angka naposoNia mangoloi noma tuSia,

AMOS 9:15

BaenonKu ma bangsongKi maringanan di tano na Hulehen di halahi. Nada paoroton be halahi sian i. Au Tuhan Debata ni halahi, madung mandok songon i.”

HALUMBAAN 21:4

ApusanNia ma sasude ilu sian mata ni halahi. Nada adong be anggo hamatean; hamarsahan, partangisan sanga parkancitan pe nada adong be. Madung salpu angka pangalaho na honok i.”

ZAKARIA 8:8

jana Au mangoban halahi mulak, anso maringanan halahi di Jerusalem hara ni i gabe bangsongKu ma halahi jana Au Debata ni halahi di bagasan hatigoran dohot hasintongan.”

ZAKARIA 8:4

Songon on do hata ni Tuhan Na Markuaso: Angkon juguk dope muse angka ompu-ompu halaklahi dohot angka ompu-ompu dadaboru di alaman ni Jerusalem, na patiop-tiop tungkotna be di tanganna hara ni tobangna.

ZAKARIA 2:4

Didok surusuruan na parjolo i ma tu na paduahon i, “Ompoti ma kehe tu halaklahi na maroban tali suhat-suhat i jana dokkon ma tusia paboa na giot gok sajo ma jolma dohot pahan-pahanan di Jerusalem gabe nada tarbangun be tembok humaliang kota i.

JOEL 3:20

Tapi anggo Juda di ingani do salolot ni lolotna jana Jerusalem marsundut-sundut.

JOEL 3:17

“Ale Israel, saonnari botoonmunu, Au do Tuhan Debatamunu. Di Sion do Au maringanan i ma dolokKu Na Badia i. Gabe kota na badia noma Jerusalem, nada be taluhonon ni halak na asing kota i.

JEHESKIEL 37:26

BaenonKu ma sada parjanjian dohot halahi na manjamin hasonangan ni halahi sapanjangna. PasupasuonKu, jana tambaanKu ma bilangan ni halahi. PajongjongonKu ma di tano ni halahi BagasKu na hot salolot-lolotna.

JEREMIA 31:40

Sude rura i, tanoman ni na mate i dohot inganan habuangan ni sirabun i, dohot sude kobun na di atas ni Batang aek Kidron lopus tu Horbangan kudo sabola Habincaran gabe badia ma i di Tuhan nada be rumpakkonon sanga roncohonon ni bagi ise kota i salolot-lolotna.”

JESAYA 66:22

Songon langit dohot tano na imbaru na Hutompa i martahan hara ni kuasongKu, songon i ma laing martahan pomparanmu dohot goarmu.

JESAYA 60:18

Nada adong be barita salaho tu na mangasa gogo, nada be masarsar luatmunu. Songon tembok Au mangondihon hamu, jana pujionmu ma Au songon sipaluamu.

JESAYA 26:1

Di hatiha i, endehonon ni halak ma ende on di tano Juda: “Na tohong ma da kotanta on; madung dipajongjong Tuhan, tembok dohot benteng.

BILANGAN 21:3

Ditangihon Tuhan pangidoan ni halak Israel jana ditolong ia halahi manaluhon halak Kanaan. Dung i dibunu halak Israel ma halak Kanaan i, jana dironcohon halahi kotana i, gabe digoari halahi ma inganan i Horma.

JEREMIA 32:37

PalagutonKu ma bangso on sian sude luat inganan parserahan ni halahi hara ni muruk ni rohangKu dohot rimasKu tu halahi. ObanonKu ma halahi mangulahi mulak tu inganan on jana Hubaen aman halahi maringanan di luat on.

ZAKARIA 8:13

Jana na jolo madung manjadi bura hamu di tonga-tonga ni angka bangso, o hamu halak Juda dohot halak Israel. Jadi saonnari giot paluaonKu noma hamu, anso gabe pasupasu hamu. Ulang hamu mabiar, patogu ma rohamunu!”

PANGARATAION 33:28

Mardame ma ngolu ni pomparan ni si Jakob i, sonang di tano na jogi gandum dohot aek ni anggur marlobi-lobian mangaehi tanona pe ombun na sian langit an.

ZAKARIA 12:6

Anggo di ari i, baenonKu ma angka ripe ni Juda songon api di harangan sanga di ladang ni gandum na gumorsing; putusan ni halahi ma angka bangso na humaliang halahi. Tapi anggo halak na maringanan di Jerusalem tongtong do sonang di bagasan kota.