ZAKARIA 14:10 - BIBEL JAMITA NA DENGGAN

¹⁰ Sandok luat mamungka sian Geba di Utara lopus tu Rimon di Selatan, gabe napa ma sudena i. Tapi anggo Jerusalem marsijongjong ma i diginjang adu i, gumincat sian tano na humaliang i; mabidang ma kota i mamungka sian Pintu Horbangan Benyamin lopus tu Pintu Horbangan Suhi-suhi, i ma inganan ni Pintu Horbangan na jolo dohot sian Menara Hananael lopus tu inganan pamoroan ni anggur nampuna ni raja i.

ZAKARIA 14:10 Referans Kwoze

ZAKARIA 12:6

Anggo di ari i, baenonKu ma angka ripe ni Juda songon api di harangan sanga di ladang ni gandum na gumorsing; putusan ni halahi ma angka bangso na humaliang halahi. Tapi anggo halak na maringanan di Jerusalem tongtong do sonang di bagasan kota.

JEREMIA 37:13

Tapi di na lalu au di Pintu Horbangan Benyamin, ditangkup komandan ni tentara na disi ma au jana didok ia, “Na giot lari do ho tu pihak ni halak Babel!” (Si Jeria do goar ni komandan i; anak ni si Selemia, pahompu ni si Hananya.)

JEREMIA 30:18

Songon on ma hata ni Tuhan, “Satutuna, mulak ma obanonKu angka na tarbuang sian parbandaran ni si Jakob. Jana marpangulahi rohangKu mida angka ingananna; jana angkon paulion mangulahi kota i di gincat ni roncoanna hian, jana bagas godang i angkon jongjong di ingananna hian.

1 RAJA-RAJA 15:22

Dung salpu i diparentahon Raja Asa ma sude halak na di Juda nada adong imbarna mangangkat batu dohot hayu na di Rama na nipake ni si Baesa laho patoguhon kota i. I ma dipake si Asa laho patoguhon Mispa dohot Geba kota na di Luat Benyamin.

ZAKARIA 2:4

Didok surusuruan na parjolo i ma tu na paduahon i, “Ompoti ma kehe tu halaklahi na maroban tali suhat-suhat i jana dokkon ma tusia paboa na giot gok sajo ma jolma dohot pahan-pahanan di Jerusalem gabe nada tarbangun be tembok humaliang kota i.

JEREMIA 38:7

Adong do sada halak Sudan na karejo hatiha i di bagas godang ni raja i. Si Ebedmelek goarna. Tarbege ma tusia na dung dipamasuk au tu bagasan sumur i. Taran manguluhon rapot raja i di pintu Horbangan Benyamin,

NEHEMIA 3:1

Jana markobas ma Malim Godang Elyasib dohot angka malim, hahaangginia. Dibangun halahi ma muse Pintu Horbangan Biri-biri, mamasang angka pintuna dohot manghapunjungkonsa di Tuhan. Dipadenggan halahi ma tembok i jana dihapunjungkon lopus tu Palas-palas Saratus dohot tu Palas-palas Hananeel.

HAKIM-HAKIM 20:47

Tapi sian na marlojong mamolus tano padang-padang tu angka dolok batu na di Rimon i, adong do onom ratus halak na malua. Di Rimon ma halahi maringanan opat bulan lolotna.

HAKIM-HAKIM 20:45

Marputar ma tentara ni Benyamin na deba nari lalu maporus mamolus sian tano padang-padang tu angka dolok-dolok batu di Rimon. Lima ribu sian halahi hona bunu di tonga dalan. Lobina i dikojar lopus tu Gideom. Sian halahi hona bunu do adong dua ribu halak.

AMOS 9:11

Didok Tuhan ma, “Dapot do i arina pasuangonKu na masa di halak Israel anso mulak gabe songon di hatiha ni Raja Daud mamarenta. Saonnari songon bagas na marumpak do halahi. Tapi padengganonKu mangulahi lopus gabe songon na salpu i.

JESAYA 10:29

Madung disalpui halahi panariparan jana marborngin halahi di Geba! Humitir ma halak Rama jana halak Gibea kota ni Raja Saul madung markehean marsipalua dirina.

JESAYA 2:2

Angkon tarjadi ma di angka ari na parpudi, dolok inganan ni Bagas Ni Tuhan angkon jongjong di julu ni angka dolok jana tardas di ginjang ni angka dolok marudur ma tu si angka bangso.

NEHEMIA 12:39

Lalu mamolus ma hami sian Pintu Horbangan Efraim, Pintu Horbangan Na Lolot, Pintu Horbangan Ihan, Palas-palas Hananeel dohot Palas-palas Mea lopus tu Pintu Horbangan Biri-biri. Maradian ma barisannami i di lambung ni Pintu Horbangan Panjagoan na di lambung ni Bagas Ni Tuhan.

2 JUJUR TAON 25:23

Ditangkup si Joas raja ni Israel i ma si Amasia lalu dioban ia tu Jerusalem. Ditolbak si Joas ma tembok ni kota i adong do hira-hira dua ratus meter ginjangna mamungka sian Pintu Horbangan Efraim lopus tu Pintu Horbangan Suhi.

1 JUJUR TAON 6:77

Pomparan ni si Merari na so dapotan parbagian tano dope, angka huta na mangihut on ma bagian ni halahi rap dohot angka padang jampalan na humaliangna: Di Luat Zebulon: Rimono dohot Tabor.

1 JUJUR TAON 4:32

Laing maringanan dope halahi di lima inganan na asing, i ma di Etam, Ain, Rimon, Token dohot si Asan,

HAKIM-HAKIM 21:13

Dung i disuru sude halak Israel ma utusan tu angka halak Benyamin na di angka dolok batu na di Rimon laho manawarkon pardamean.

JOSUA 21:17

Sian tano ni Benyamin, dilehen halahi ma: Gibeon, Geba,

2 RAJA-RAJA 14:13

Ditangkup si Joas ma si Amasia, masuk ma ia tu Jerusalem jana ditapor ia ma parik ni kota i adong dua ratus meter, mamungka sian Horbangan Efraim lalu tu Horbangan Suhi.

JEREMIA 20:2

diparentahon ia ma anso dipotuk au jana dibayangkon di Pintu Horbangan Benyamin, horbangan parginjang di Bagas Ni Tuhan.

2 JUJUR TAON 26:9

Laho patoguhon kota Jerusalem, dipajongjong si Usia ma palas-palas di Pintu Horbangan Suhi, di Pintu Horbangan Lombang dohot di belohan ni tembokna i.

MIKA 4:1

Anggo tu angka ari na ro dolok ni Bagas Ni Tuhan tarida ma gumincat jana tigor ma i jongjong manyalpui angka dolok na gincat. Marroan ma tusi angka bangso;

ZAKARIA 8:3

Songon on do hata ni Tuhan Na Markuaso i, “Mulak noma Au tu Jerusalem tu kotangKu na badia i, jana maringanan ma Au disi. Tarbarita ma Jerusalem songon kota na tigor jana goaron ma Dolok Ni Tuhan Na Markuaso i, Dolok Na Badia.”