ZAKARIA 14:1 - BIBEL JAMITA NA DENGGAN

¹ Dapot ne ma ari paruhuman ni Tuhan. Rampason ma Jerusalem jana dibagi-bagi ma di jolo ni matamu na dapotna i.

ZAKARIA 14:1 Referans Kwoze

JESAYA 13:9

Na giot ro ma ari ni Tuhan i, jana di ari i palaluon ni Tuhan i ma hagusaronNa dohot muruk ni rohaNa na tarlobi. Gabe halongonan ma portibi on, jana mago ma sanga ise halak pardosa.

HALUMBAAN 16:14

Angka i ma tondi ni setan na mambaen angka tanda hahomangan. Kehe ma tondi na tolu i mandapotkon angka raja na satano on jana dipalagut ma halahi sudena laho marporang di ari na godang ni Debata Parkuaso Na Sumurung i.

BAENON NI ANGKA RASUL 2:20

Manggolap ma mataniari, marrara ma bulan i songon mudar dompak so dapot Ari Ni Tuhan i, i ma Ari na godang jana na marmulia i.

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

JESAYA 13:6

Mangandungi ma hamu, angke madung donok ari ni Tuhan i. Di ari i, paroon ni Tuhan Na Gumincat i ma hamagoan.

MALEAKI 4:5

Ligi ma suruonKu ma tu hamu Panurirang Elia, patujolo ni ari ni Tuhan Na Markuaso jana na godang i.

JOEL 3:14

Marribu-ribu jolma na ro di Rura Josafat i. Angke manigor ro noma disi ari ni Tuhan i.

JOEL 2:31

Manggolap ma mataniari jana bulan pe marrara songon mudar dompak so dapot ari ni Tuhan i, i ma ari na godang jana sihabiaran!

JOEL 2:1

Palu ma sarune di Sion jana marsurak ma di dolok ni Debata na badia i. Humitir ma sude pangisi ni luat angke dapot ne ma ari ni Tuhan, angke madung donok ari i.

ZAKARIA 14:14

Marporang ma angka halaklahi na adong di Juda laho mampartahankon kota Jerusalem. Songon barang na nirampas, pambuatan ni halahi ma sude sinadongan ni angka bangso i, isara ni sere, perak dohot pakean marbahat-bahat.

ZEPANYA 1:7

Mian ma hamu di jolo ni Tuhan Debata! Angke madung donok ari ni Tuhan. Tutu madung dipasingkop Tuhan sihaulkonon i jana madung diparbadiai angka na diontangNia i.