ZAKARIA 13:9 - BIBEL JAMITA NA DENGGAN

⁹ Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

ZAKARIA 13:9 Referans Kwoze

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

BAENON NI ANGKA RASUL 2:21

Anggo di hatiha i, dapotan haluaan ma sanga ise na mangido pangurupi ni Tuhan i.”

JESAYA 48:10

Satutuna madung Hupaias ho, tapi nada songon perak, jana madung Huuji ho marhite hasusaan.

MASMUR 91:15

Muda pio-pio ia tu Au, alusanKu ma ia. Dompak masa hasusaan, urupanKu do ia, paluaonKu jana lehenonKu ma hasangapan disia.

HALUMBAAN 21:7

Sanga ise halak na monang, jagitonnia ma sudena on sian Au. Au ma gabe Debatana jana ia ma gabe anakKu.

1 PETRUS 4:12

Angka dongan na hihaholongan! Hancit do ditaon hamu saonnari hara ni na hona uji. Tapi ulang pola homang rohamunu, muda adong masa tu hamu sada pangalaho na luar biasa.

JESAYA 43:2

DongananKu do ho di na mamolus aek na bagas, nada mayup ho mamolus angka batang aek; nada mosok ho muda mamolus api nada tutungon ni banggar ni api be ho.

JAKOBUS 1:12

Martua do sanga ise na sobar di na manaon pandugaan. Angke muda dung disalpui ia pandugaan i, manjagit upa ma ia, i ma hangoluan na nijanjihon ni Debata tu angka na mangkaholongi Debata.

ZAKARIA 10:6

“PargogoanKu halak Juda, halak Israel Hupalua. ObanonKu halahi mulak tu tano ni halahi, angke holong do rohangKu mida halahi. BaenonKu ma halahi, songon bangso na so unjung Hugagai. Au ma da Tuhan Debata ni halahi, sandok tangiang ni halahi Huparrohahon mangulahi.

IBRANI 8:10

Tapi saonnari, on ma janji na Hubaen dohot Israel tu angka ari na giot ro: SuankononKu ma angka tona tu bagasan pikiran ni halahi, jana suratkononKu tu ate-ate ni halahi. Debata ni halahi noma Au, jana halahi ma gabe bangsongKu.

JOB 23:10

Hape anggo Ia laing tangkas do diSia dalan sibolusonku, dohot sude na hulangkahon maradu pambaenanku. Sugari niuji au songon sere, angkon tanda ma tarida di iba ias ni ate-ate.

ZAKARIA 8:8

jana Au mangoban halahi mulak, anso maringanan halahi di Jerusalem hara ni i gabe bangsongKu ma halahi jana Au Debata ni halahi di bagasan hatigoran dohot hasintongan.”

JEREMIA 31:33

On ma parjanjian na imbaru na giot baenonKu dohot halahi: BaenonKu ma angka aturanKu tu bagasan roha ni halahi, jana suratkononKu di ate-ate ni halahi. Au ma gabe Debata ni halahi, jana halahi gabe bangsongKu.

JESAYA 58:9

Muda martangiang hamu, patulusonKu ma i. Muda pio-pio hamu tu Au, alusanKu ma hamu. Antak hamu ma na mamparkanciti, na manudui halak dohot jari-jarimu dohot angka hata na jahat.

HAMALIMON 26:12

Rap do Au dohot hamu, Au do gabe Debatamunu jana hamu gabe bangsongKu.

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

PODA 17:3

Sere dohot perak diuji di bagasan api, tapi anggo roha ni jolma Tuhan do manguji.

MASMUR 144:15

Martua ma bangso na dumpang songon i pangalahona, martua ma bangso na marDebatahon Tuhanta!

JOEL 2:32

Anggo di hatiha i, dapotan haluaan ma sanga ise na mangido pangurupi ni Tuhan i. Harana di Dolok Sion dohot di Jerusalem giot adong ma haluaan songon na nidok ni Tuhan; sude halak na mamiohon goar ni Tuhan, i do na giot dipalua.”

JEHESKIEL 37:27

Rap ma Au dohot halahi, Au noma gabe Debata ni halahi jana halahi gabe bangsongKu.

JEHESKIEL 36:28

Jadi maringanan ma hamu di tano na dung Hulehen di ompungmunu. Gabe bangsongKu ma hamu jana gabe Debatamunu ma Au.

JEHESKIEL 11:20

Jadi oloan ni halahi ma angka aturanKu jana haburjuhononna mangihutkon sandok parentangKu. Gabe bangsongKu ma halahi jana Au gabe Debata ni halahi.

JEREMIA 32:38

Gabe bangsongKu ma halahi, jana Au gabe Debata ni halahi.

HALUMBAAN 8:7

Diombus surusuruan na parjolo i ma sarunenia gabe songon na niduruskon ma pardoras ni udan es dohot udan api na marcampur mudar tu portibi on. Abis ma mosok sapartolu ni portibi on; songon i muse sapartolu sian angka hayu-hayu dohot duhut-duhut na rata.

HALUMBAAN 8:8

Dung i diombus surusuruan na paduahon i ma sarunenia gabe adong ma na lobi godang tarsongon dolok na gara idaon madabu tu laut. Muba ma sapartolu laut i gabe mudar,

HALUMBAAN 8:9

jana mate ma sapartolu sian sude angka na nitompa di bagasan laut; laing abis muse ma sapartolu sian sude kapal.

HALUMBAAN 8:10

Dung i diombus surusuruan na patoluhon i ma sarunenia, gabe madabu ma sian langit sada bintang na godang na gara songon palito, didondoni ia ma sapartolu sian angka batang aek dohot angka mual ni aek.

HALUMBAAN 8:11

(“Si Paet” do goar ni bintang i.) Gabe paet ma sapartolu aek i, jana gabe mate ma bahat halak hara ni na manginum aek na muba i gabe paet.

HALUMBAAN 8:12

Dung i diombus surusuruan na paopatkon i ma sarunenia. Gabe hona ma sapartolu mataniari i, sapartolu bulan dohot sapartolu sian angka bintang gabe mago ma sapartolu gogo ni sinondang ni halahi. Laing songon i muse sapartolu sian arian dohot sapartolu sian borngin gabe manggolap situtu.

JEREMIA 24:5

“Angka halak na dung dioban i tu Babel Huetong do i songon batu ni ara na jeges-jeges on; jadi hara ni i, Au Tuhan, Debata ni Israel, giot denggan do baenonKu tu halahi.

JEHESKIEL 20:38

PaorotonKu ma sian tonga-tongamunu angka halak pangalo dohot parjahat. ObanonKu halahi haruar sian inganan ni halahi saonnari jana nada paloasonKu mulak tu tano Israel. Jadi gabe botoonmunu ma bahaso Au do Tuhan.”

DANIEL 11:35

Hona bunu ma deba angka pamimpin na marbisuk i, tapi akibatna songon on ma: gabe mur polin ma angka jolma i. Songon i ma torus lalu tu hatiha na parpudi, i ma hatiha na dung ditontuhon Debata.

DANIEL 12:10

Bahat do halak na giot papolinon. Nada mangarti anggo halak na jahat, jana torus do halahi mambaen jahat; hum halak na marbisuk do na mangastuisa.

2 SAMUEL 7:24

Dibaen Ho do bangso Israel i gabe bangsoMu sandiri sapanjangna, jana Ho ma ale Tuhan na gabe Debata ni halahi.”

JOB 28:1

Adong do panombangan inganan ni perak nipambuatan, adong muse do inganan ni sere anso nipolinan.

MASMUR 43:4

Jadi dapotkononku ma langgatanMu ale Debata, Ho sajo ma i mual ni hatuaanku. Marende ma au jana mamiltik hasapi, papuji-puji Ho, ale Debatangku, ale Debatangku.

ENDE NA GODANG 2:16

Au do nampuna haholonganki, jana ia do nampuna au; di holang-kolang ni bunga bakung ia marmahan biri-biri

JEHESKIEL 14:11

Hubaen pe sudena i, anso ulang mandao be nian halak Israel sian Au jana ulang be nian dipahodar halahi dirina markite-hite dosa. Jadi muda dung songon i, gabe bangsongKu ma halahi, jana Au gabe Debata ni halahi.” Au Tuhan Debata madung mandok songon i.