ZAKARIA 13:8 - BIBEL JAMITA NA DENGGAN

⁸ Dung i masa ma di sandok tano on, ninna Tuhan, mate ma dua partolu sian pangisi ni luat on.

ZAKARIA 13:8 Referans Kwoze

JEHESKIEL 5:12

Sapartolu sian jolma na mangingani ho, mate ma i hara ni nyae masa dohot baenon ni haleon potir na masa di kota i. Sapartolu hona sambol baenon ni podang humaliangmu, jana sapartolu nari sarsarkononKu sun tu dia jana paihut-ihuton ni podang sian pudi baenonKu.

HALUMBAAN 16:19

Dung i mabola ma kota na godang i gabe tolu bagian; jana marrumpahan ma angka kota ni halak na so mananda Debata. Jadi gabe taringot ma Debata tu kota Babel na godang i, giot lehenon ma tusia panginuman na gok anggur haririmas dohot hamumurukNia.

MARKUS 13:20

Sugari na so dipapendek Debata na masa i, umpe sahalak na tarbaen malua. Tapi hara ni halak na nitodoNia i, gabe dipapendek Debata ma na masa i.”

DANIEL 9:27

Baenon ni raja i ma parjanjian na togu dohot bahat jolma pitu taon honokna. Di Parsitongaan ni hatiha i antahonnia ma na mambaen pelean dohot haul. Dung i Hajahatan Na Manyegohon baenonna ma maringanan di Bagas Ni Tuhan jana sai tongtong ma i disi lopus didondoni hamamago na mambaen ia tusi, i ma hamamago na nitontuhon ni Debata disia.”

JESAYA 6:13

Salang sugari adong saparsampulu halak nari sian bangso na tading di luat i, i pe angkon dimatehon. Angkon songon hayu baringin na di taba halahi, hum tungkona noma tinggal. Sian tungko i ma muse ruar tunas, na badia.”

MATEUS 22:7

Dung dibege raja i na songon i, muruk sajo ma ia. Gabe disuruhon ia ma tentarania mambunu angka sibunu jolma i dohot manyurbu kota ni halahi.

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

JEREMIA 30:11

Angke dongananKu do ho ninna Tuhan, anso Hupalua ho: PangabisonKu ma angka bangso inganan parserahanmunui, tapi anggo ho nada pangabisonKu. AjaranKu ma ho di bagasan uhum; jana nada dohononKu ho na so marsala.”

JESAYA 66:24

Laho kehe, idaon ni halahi ma angka bangke marserak; i ma angka halak na mangalo tu Au. Binga na mamangani bangke ni halahi i, inda na ra mate, jana api na manutung halahi i nada ra mintop; pamandangan na jorbut ma i di sude jolma.”

JEHESKIEL 20:38

PaorotonKu ma sian tonga-tongamunu angka halak pangalo dohot parjahat. ObanonKu halahi haruar sian inganan ni halahi saonnari jana nada paloasonKu mulak tu tano Israel. Jadi gabe botoonmunu ma bahaso Au do Tuhan.”

AMOS 9:10

Hara ni podang angkon marmatean sude halak pardosa sian tonga-tonga ni bangsongKu na mandok: ‘Nada ro be parmaraan godang jana nada lalu tu hami.’ ”

ZEPANYA 3:12

PadiaronKu ma disi maringanan tongtong sada bangso na toruk roha, na ro tu Au mangido pangurupi. Tola ma halahi maringanan disi.