ZAKARIA 13:4 - BIBEL JAMITA NA DENGGAN

⁴ Di hatiha i maila ma angka panurirang hara ni parnidaanna songon sada panurirang, nada adong be sian halahi na mamake baju juba na marimbulu giot margabus.

ZAKARIA 13:4 Referans Kwoze

MATEUS 3:4

Sian imbulu ni unto do dibaen pakean na nipake ni si Johannes on. Bobatnia sian bobak. Siapor dohot aer ni loba do panganonnia.

JESAYA 20:2

Tolu taon taran so i, disuru Tuhan do si Jesaya anak ni si Amos mambuka solopna dohot abit goni na nipakenia. Dioloi ia do i, gabe mardalan ia marsae mara jana nada marsolop.

2 RAJA-RAJA 1:8

“Mamake baju juba jana marbobat huling-kuling ni binatang do,” ning halahi. “O, si Elia do i!” ning raja i marsurak.

HALUMBAAN 11:3

SuruhononKu ma dua halak sangsingKu anso manyurirangi jana marpakean arsak ni roha, salolot saribu dua ratus onompulu ari.”

MARKUS 1:6

Sian imbulu ni unto do pakean na nipake ni si Johannes. Bobak do bobatnia. Siapor dohot aer ni loba do panganonnia.

JEREMIA 6:15

Angkon maila do nian halahi hara ni sude parbuatan ni halahi na jat i. Hape sihapal bohi do halahi jana na so umboto ila. Patunda ni i angkon gabe madabu do halahi songon halak na asing na dung madabu i; abis noma barita ni halahi muda jabat Au manguhum halahi. Au Tuhan, madung mandok songon i.”

JEREMIA 2:26

Didok Tuhan, “Songon ila ni roha ni panangko di na tartangkup, songon i ma hamu sude maila, ale halak Israel, angka raja maradu angka na marpangkat, angka malim maradu angka panurirangmu!

IBRANI 11:37

Didanggur do halahi dohot batu lopus mate, dilobong do halahi dohot gargaji, dimatehon dohot podang. Madang-adang halahi mamake baju sian bobak ni biri-biri sanga bobak ni hambeng; marpogos do halahi, diparkanciti jana disiksa.

JEREMIA 8:9

Pailaon noma angka halak na pistar di tonga-tongamunu; mago ma roha ni halahi jana tarjorat. Nada ra halahi manangihon sipaingotKu; saonnari hapistaran aha dope na tading di halahi?