ZAKARIA 13:1 - BIBEL JAMITA NA DENGGAN

¹ “Di ari i marbuldak ma sada mual ni aek laho paiaskon pomparan ni si Daud dohot halak na maringanan di Jerusalem sian dosa dohot parsombaan tu gana-ganaan na dung didalankon halahi.

ZAKARIA 13:1 Referans Kwoze

MASMUR 51:2

Basu ma sude hajahatanku paias ma au sian sude dosangku.

1 KORINTUS 6:11

Songon i hian do deba sian hamu najolo. Tapi anggo saonnari madung dipaias hamu sian dosa, madung diparbadiai, jana madung dipatigor hamu di bagasan goar ni Tuhan Jesus Kristus dohot di bagasan Tondi Ni Debatanta.

JOHANNES 1:29

Ancogotna i diida si Johannes ma ro Jesus mandapotkon ia. Didok si Johannes ma, “Ligi ma! Indi ma ibana Anak Ni Biri-biri Ni Debata na manyesa dosa ni portibi on!

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

1 JOHANNES 5:6

Ia do naro i markite-hite aek dohot mudar, i ma Jesus Kristus, nada hum markite aek sajo, tapi markite-hite aek dohot mudar. Jana Tondi do na mangalehen hasaksian, angke Tondi i do hasintongan.

1 JOHANNES 1:7

Tapi muda mangolu di na torang hita laing songon Debata na maringanan di na torang i, gabe mangolu ma hita di bagasan pardomuan na solkot na sada tu na asing, jana hara ni mudar ni Jesus AnakNa i gabe ias ma hita sian sasude dosanta.

JEREMIA 17:13

Tuhan, Ho do pos ni roha ni Israel bangsoMi, angkon gabe maila do sude na manadingkon Ho. Na giot kehe ma halahi tu inganan ni jolma na mate i; angke Ho do mual ni aek hangoluan madung ditadingkon halahi, ale Tuhan.

1 PETRUS 1:19

tapi na lobi arga do dibaen; i ma diri ni Kristus sandiri, na gabe songon biri-biri na nihaulkon tu Debata na so martihas sanga marhahurangan.

ZAKARIA 12:3

Tapi muda dung dapot ari i, baenonKu ma Jerusalem songon batu na dokdok, sanga bangso dia pe na mancubo mangangkatsa, gabe dapotan hamamago. Mardomu ma sandok bangso na di tano on laho mamorangi Jerusalem.

MASMUR 51:7

Buat ma dosangki, gabe ias ma au; basu ma au, jadi gabe umbontar ma au sian hapas.

JEHESKIEL 36:29

PaluaonKu ma hamu sian sasude na pahodar hamu. LehenonKu ma parenta tu gandum anso simbur tubu anso ulang be ro haleon mangalingkup hamu.

JEHESKIEL 36:17

“Ale anak ni jolma parsantongkinan, taran maringanan halak Israel di tanona sandiri, dipahodar halahi do i marhite pambaenan dohot pangalaho ni halahi. Haram do Huetong pangalaho ni halahi i, songon dadaboru na ro bulanna.

JESAYA 4:4

Markite-hite kuasoNia sandiri, adilan ni Tuhan ma bangsoNia i jana papolinonna. BasuonNia ma Jerusalem sian hasalaanna dohot sian mudar ni halak na so marsala na hona bunu di kota i.

JEREMIA 2:13

Harana madung dua noli bangsongKu mambaen na jat: Ditadingkon halahi do Au, aek hangoluan, jana dihuar halahi tobat na lilis na so bisa manahan aek.”

JEREMIA 29:26

“Madung diangkat Tuhan ho gabe malim manggontihon si Joyada, jana ho noma saonnari na gumincat pangkatna di Bagas Ni Tuhan. On do karejomu: Mamarentahon anso dibaen rante bosi tu rungkung ni sandok halak na rintik na mandok dirina panurirang.

JEREMIA 33:8

Giot paiasonKu halahi sian angka dosa na dung dibaen halahi maradopkon Au; Huampuni angka dosa dohot pangalaho ni halahi na so ture.

JEHESKIEL 47:1

Dioban bayo i muse ma au tu pintu masuk ni Bagas Na Badia i. Huida ma aek mamolus sian toru ni pintu i kehe sabola Habincaran. Mardalan sian toru ni Bagas Na Badia i do aek i sabola Selatan mamolus sian topi sabola Selatan ni langgatan i.

ZAKARIA 12:14

songon i muse sude horong na tinggal, ganop horong tarasing jana dadaboru ni halahi pe tarasing.”

HAMALIMON 11:36

Sanga aha pe na hona tu bangke i gabe hodar, asing ma mual dohot sumur. Di bagasan na songon i, sumur dohot mual i angkon ias do i etongon.

JESAYA 12:3

Jadi marjop ni roha ma hamu manimba aek sian mual haluaan.”

MIKA 5:12

RopuhonKu angka patungmu dohot angka tugu pameleanmu; nada be sombaonmunu angka barang-barang na nibaen ni tanganmu sandiri.

JOHANNES 5:4

Harana sai mijur do huhul surusuruan ni Tuhan tu bagasan paridian i, manggaor aek i. Jana sanga ise sian na marnyae i parjolo masuk tu paridian i hatiha manggulsak aekna i, malum ma nyaena i; sanga na nyae aha pe angkon malum.]