ZAKARIA 12:9 - BIBEL JAMITA NA DENGGAN

⁹ Anggo di ari i, abiskononKu ma ganop bangso na mancubo-cubo mamorangi Jerusalem.

ZAKARIA 12:9 Referans Kwoze

HAGAI 2:22

ParrumpakkononKu ma angka harajaan jana sarsarkononKu angka kuaso ni halahi. Huparbalikkon angka kareta porang dohot na manenggetsa; marmatean ma sude kudona jana marsibunuan ma angka na manenggetsa.

JESAYA 54:17

Tapi anggo sinjata na dipaadop tu ho, nada margogo i mamugangi ho. Jana tu sude tuduan, hata ro do di ho hata alusan. Huampini angka naposongKi anso sai monang.” Songon i ma pandok ni Tuhan.

ZAKARIA 12:2

“BaenonKu ma Jerusalem songon piala na marisi anggur; inumon ni angka luat na hombar balokna ma i jana lenong-lenong halahi songon na mabuk. Jana muda hona hobuk Jerusalem, angka kota na tading i pe di Juda laing hona hobuk muse ma.

JESAYA 29:7

Jadi mago ma sude parangan ni angka bangso na ro mamorangi Jerusalem, kota langgatan ni Debata i; sude sinjata dohot perlengkapan ni halahi, mago ma i sudena songon nipi sajo, angan-angan hatiha borngin.

JESAYA 54:15

Muda adong na mangaroro tu ho, nada Au na marsuru, sanga ise na mangaroro ho, angkon talu do.