ZAKARIA 12:5 - BIBEL JAMITA NA DENGGAN

⁵ Jadi dokkonon ni ganop ripe ni Juda ma di bagasan rohana, ‘Dilehen Tuhan Na Markuaso i do antong gogo di bangsongku na maringanan di Jerusalem.’

ZAKARIA 12:5 Referans Kwoze

ZAKARIA 10:12

PargogoanKu ma bangsongKu, oloanna jana marsomba ma halahi tu Au. Au Tuhan, mandok songon i.”

JOEL 3:16

Mangorong ma Debata sian Sion, dipatubegehon Ia ma soraNia sian Jerusalem. Humutur langit, dohot tano pe mangihut. Tapi laing tong do Tuhan mambela bangsoNa.

MASMUR 18:32

Ia do Debata na margogoihon au, na mambaen sonang di pardalananku.

MASMUR 144:1

Puji ma Tuhan, pangondianku! Dilatik Ia do au marjuang, jana diajar Ia do au marporang.

MASMUR 18:39

Ho do margogoihon au laho marporang, hupatunduk musungku lopus au monang.

JESAYA 28:6

Lehenon ma roha hasintongan di angka panguhum dohot habaranion tu angka panjago ni harbangan ni kota i maradopkon musu na ro mamorangi.

ZAKARIA 12:6

Anggo di ari i, baenonKu ma angka ripe ni Juda songon api di harangan sanga di ladang ni gandum na gumorsing; putusan ni halahi ma angka bangso na humaliang halahi. Tapi anggo halak na maringanan di Jerusalem tongtong do sonang di bagasan kota.

ZAKARIA 10:6

“PargogoanKu halak Juda, halak Israel Hupalua. ObanonKu halahi mulak tu tano ni halahi, angke holong do rohangKu mida halahi. BaenonKu ma halahi, songon bangso na so unjung Hugagai. Au ma da Tuhan Debata ni halahi, sandok tangiang ni halahi Huparrohahon mangulahi.

JEREMIA 33:26

laing songon i ma tongtong tioponKu parjanjianKu dohot pomparan ni si Jakob dohot naposongKu si Daud. TodoonKu ma sahalak sian pomparan ni si Daud laho mangarajai pomparan ni si Abraham, si Ishak dohot si Jakob. Maribo ni roha ma Au tu bangsongKu jana sonang halahi baenonKu.”

JEREMIA 30:21

Raja na marasal sian hamu mamarenta di tonga-tongamunu. Roha-rohania do mandonohi Au muda Hupio ia mangadop tu Au. Angke ise ma he na puluk ro mangadop tu Au sian roha-rohana sajo? Gabe bangsongKu ma hamu jana Au gabe Debatamunu. Au do Tuhan, na mandokkon songon i.”

JESAYA 60:17

ObanonKu sere gonti ni tumbaga, jana perak gonti ni bosi. Hulehen tumbaga gonti ni hayu, jana bosi gonti ni batu. Demak jana aman ma tanonia, jana diparenta marhite hatigoran.

JESAYA 32:1

Di sada hatiha, na giot ro, adong ma sada raja na adil mamarenta, jana angka pamimpin ni bangso i pe mandalankon hatigoran.

JESAYA 29:10

Dibaen Tuhan hamu mondohondok jana tarpodom sinok. Simalolongmu – i ma angka panurirang – madung dipapimpit Ia; jana bohimu – i ma angka partondung – madung dihungkupi Ia.

JESAYA 1:26

LehenonKu ma angka pamimpin dohot angka na mangalehen sipaingot mangulahi songon najolo. Jadi gabe goaran ma Jerusalem kota na tigor dohot na burju.”

JESAYA 1:23

Angka pamimpinmu halak na sai mangalo do jana kaki tangan ni panangko; sai dihagioti halahi do manjagit silua dohot suap. Nada unjung halahi ra mangondihon na so marama so marina di pangadilan; nada diampirkon halahi angka na mabalu na mangaduhon parkarona.

JESAYA 1:10

Tangihon ma hata ni Tuhan ale angka pamimpin na songon pamimpin ni Sodom! Tangihon ma tona ni Debatanta ale rayat na songon rayat ni Gomora!

MASMUR 46:1

Debata do pangondianta dohot gogonta, sai na rade do Ia mangurupi muda ro hasusaan.

HAKIM-HAKIM 5:9

Hamu angka panglima Israel, hupasangap do hamu. Puji Tuhan! Sian jop ni rohana dilehen halahi dirina gabe haul.

ZAKARIA 12:4

Anggo di ari i baenonKu ma lenong sandok kudo jana angka na mangalombut i Hubaen rintik, halak na maringanan di Juda Hujagohon, tapi sandok kudo ni musuna i Hubaen nada marnida.

ZAKARIA 14:14

Marporang ma angka halaklahi na adong di Juda laho mampartahankon kota Jerusalem. Songon barang na nirampas, pambuatan ni halahi ma sude sinadongan ni angka bangso i, isara ni sere, perak dohot pakean marbahat-bahat.

JESAYA 28:5

Di hatiha i Tuhan Na Markuaso i noma na gabe bunga na jeges di bangsoNia na teba i.

JESAYA 45:24

Dokkonon ni halak ma, ‘Hum di Tuhan dapot hagogoan dohot hamonangan!’ Tapi manjagit hahaila ma sude na margoyak ni roha mida Ia.