ZAKARIA 12:4 - BIBEL JAMITA NA DENGGAN

⁴ Anggo di ari i baenonKu ma lenong sandok kudo jana angka na mangalombut i Hubaen rintik, halak na maringanan di Juda Hujagohon, tapi sandok kudo ni musuna i Hubaen nada marnida.

ZAKARIA 12:4 Referans Kwoze

ZAKARIA 12:3

Tapi muda dung dapot ari i, baenonKu ma Jerusalem songon batu na dokdok, sanga bangso dia pe na mancubo mangangkatsa, gabe dapotan hamamago. Mardomu ma sandok bangso na di tano on laho mamorangi Jerusalem.

PANGARATAION 28:28

Mago ma parningotanmunu baenon ni Tuhan; gabe mapitung ma ho jana lenong-lenong.

ZAKARIA 12:6

Anggo di ari i, baenonKu ma angka ripe ni Juda songon api di harangan sanga di ladang ni gandum na gumorsing; putusan ni halahi ma angka bangso na humaliang halahi. Tapi anggo halak na maringanan di Jerusalem tongtong do sonang di bagasan kota.

BAENON NI ANGKA RASUL 17:30

Madung disalpuhon Debata angka hatiha i dompak maoto hita, tapi anggo saonnari madung disuru Ia sudena jolma na satano on pauba rohana sian angka dosa ni halahi be.

ZAKARIA 14:15

Masa muse ma nyae na jorbut tu kudo, halode, unto, bagal dohot sude pahan-pahanan na adong di parbandaran ni musu.

ZAKARIA 12:11

Masa ma di ari i andung na godang di Jerusalem songon na mangandungi Hadad-Rimon na di Rura Megido.

ZAKARIA 10:5

Monang ma halak Juda songon angka ulu balang na mangalonca-lonca musu songon bustak di dalan. Marporang ma halahi hara ni Au, Tuhan mangurupi halahi, jana taluhonon ni halahi ma parangan ni musu angka na markudo i sude.

ZAKARIA 9:8

JagohononKu ma tanongKi jana ambatonKu angka parangan ni bangso na asing na giot mamolus sian i. Nada Hupatola be angka panyosak manjaja bangsongKi. Angke madung Huida pardangolan ni halahi.”

DANIEL 9:18

Tangihon ma hami ale Debata, tatap ma hami jana parrohahon ma hasusaannami, songon i dohot parhancitan ni kota na nigoaran mangihutkon goarMu. Nada hara ni pambaenannami na denggan umbaen na martangiang hami tu Ho, tapi hara ni na paribo roha do Ho.

JEHESKIEL 39:20

Butongan ma hamu di pestangKi, mangankon kudo dohot na manenggetsa, angka na gogo dohot halak parporang. Songon i ma didok Tuhan Debata.”

JEHESKIEL 38:4

PaegolonKu ma ia, baenonKu harihir di isang-isang na i, jana ropoonKu haruar rap dohot sude parangannia i. Bahat sajo do parangannia na markudo na marpakean saragam i. Marsioban podangna parincena do ganop parajurit.

JEREMIA 24:6

JagohononKu do halahi jana obanonKu mangulahi tu luat on. BangunonKu do halahi, nada rumpakononKu; na manyuan do Au, nada mangumpat halahi.

JESAYA 37:17

Ale Tuhan, sugari nian diparrohahon Ho ma sanga aha na tarjadi on tu hami. Tangihon ma sude pangalayasi ni si Sanherib maradopkon Ho, ale Debata na mangolu.

JESAYA 24:21

Di hatiha i, uhuman ni Tuhan ma angka na markuaso di awang-awang na so martopi i dohot angka raja na di tano on.

NEHEMIA 1:6

Tatap ma au Tuhan, jana tangihon ma tangiang na hupagincat tu adopanMu arian dohot borngin salaho tu halak Israel, angka naposoMi. Huoku do anggo hami bangso Israel madung mardosa; salangkan au pe dohot angka daompung na dung mardosa muse do.

2 JUJUR TAON 7:15

Sai torus ma pamanatonKu bagas paribadatan on jana rade do Au manangihon sude tangiang na dipanaek di inganan on.

2 JUJUR TAON 6:40

Saonnari, ale Debatangku, pamanat ma halahi jana tangihon ma angka tangiang na dipasahat tu Ho sian inganan on.

2 JUJUR TAON 6:20

Sai jagohon ma arian dohot borngin bagas paribadatan na dung dipiliMon di Ho. Hara ni i, sai tangihon ma sian inganan parmiananMu di banua ginjang jana ampuni ma au dohot bangsoMon muda ro hami mangadop tu bagasMon jana martangiang tu Ho.”

2 RAJA-RAJA 6:18

Jadi taran mangaroro halak Siria i, martangiang ma si Elisa, “Tuhan papitung ma mata ni halak Siria on!” Dioloi Tuhan ma tangiang ni si Elisa i jadi gabe mapitung ma halahi sude.

2 RAJA-RAJA 6:14

Jadi ditongos raja Siria ma tusi parangan na bahat mardongan kudo dohot kareta porang. Borngin lalu ma halahi di kota i, torus dihobuk halahi ma.

1 RAJA-RAJA 8:29

Arian na borngin Ho ma manjagohon bagas parsombaan on na dung dipiliMu di Ho muda martangiang dohot bangsoMi mangadop tu bagas on, dung i muse muda ro au dohot bangsoMi martangiang manopot Ho tu bagas on sai tangihon ma hami jana sesa dosanami haru di banua ginjang pe ingananMu.”

ZAKARIA 12:5

Jadi dokkonon ni ganop ripe ni Juda ma di bagasan rohana, ‘Dilehen Tuhan Na Markuaso i do antong gogo di bangsongku na maringanan di Jerusalem.’