ZAKARIA 12:3 - BIBEL JAMITA NA DENGGAN

³ Tapi muda dung dapot ari i, baenonKu ma Jerusalem songon batu na dokdok, sanga bangso dia pe na mancubo mangangkatsa, gabe dapotan hamamago. Mardomu ma sandok bangso na di tano on laho mamorangi Jerusalem.

ZAKARIA 12:3 Referans Kwoze

MATEUS 21:44

Sanga ise na madabu tu batu i, angkon gabe masarsar. Jana sanga ise na didondoni batu i, angkon magopu gabe abu.]”

LUKAS 20:18

Sude halak na madabu tu batu i gabe maropuk, jana barang ise na didondoni ni batu i, maropuk ma halakna i baenon ni batu i.”

ZAKARIA 14:6

Anggo di ari na sasada i nada adong be ari na ngali sanga pe es,

ZAKARIA 13:1

“Di ari i marbuldak ma sada mual ni aek laho paiaskon pomparan ni si Daud dohot halak na maringanan di Jerusalem sian dosa dohot parsombaan tu gana-ganaan na dung didalankon halahi.

ZAKARIA 12:11

Masa ma di ari i andung na godang di Jerusalem songon na mangandungi Hadad-Rimon na di Rura Megido.

HALUMBAAN 16:14

Angka i ma tondi ni setan na mambaen angka tanda hahomangan. Kehe ma tondi na tolu i mandapotkon angka raja na satano on jana dipalagut ma halahi sudena laho marporang di ari na godang ni Debata Parkuaso Na Sumurung i.

ZAKARIA 14:13

Di ari i, baenon ni Tuhan ma angka bangso-bangso i mardut ni roha jana mabiar situtu lopus ditangkup na sada donganna na di lambungna jana marsihantaman.

ZAKARIA 12:6

Anggo di ari i, baenonKu ma angka ripe ni Juda songon api di harangan sanga di ladang ni gandum na gumorsing; putusan ni halahi ma angka bangso na humaliang halahi. Tapi anggo halak na maringanan di Jerusalem tongtong do sonang di bagasan kota.

ZAKARIA 12:4

Anggo di ari i baenonKu ma lenong sandok kudo jana angka na mangalombut i Hubaen rintik, halak na maringanan di Juda Hujagohon, tapi sandok kudo ni musuna i Hubaen nada marnida.

HAGAI 2:22

ParrumpakkononKu ma angka harajaan jana sarsarkononKu angka kuaso ni halahi. Huparbalikkon angka kareta porang dohot na manenggetsa; marmatean ma sude kudona jana marsibunuan ma angka na manenggetsa.

ZEPANYA 3:19

Ro do i hatihana ropukkononKu na mamisat hamu, jana halak na tengka paluaonKu; sude halak buangan mulak toguonKu. Muba habilean ni halahi gabe hasangapan; sanga di dia, disandok portibi, marmulia ma halahi jana dipuji.

HABAKUK 2:17

Ditabai ho do angka hayu na di harangan Libanon, jana saonnari ho noma na giot sitabaon. Dibunu ho do angka binatang jana saonnari angka binatang i noma sihabiaranmu. Sudena on tarjadi hara ni pamunuon dohot hakejamon na dung nibaenmu maradopkon angka luat, kota dohot angka pangisina.

MIKA 5:8

Taluhonon ni Israel ma angka musuna jana roncohononna i sudena.

OBAJA 1:18

Pomparan ni si Jakob ma songon api jana pomparan ni si Josep ma songon jilam ni api. Tapi pomparan ni si Esau i ma na gabe songon gandum tutungon, jana panganon ni halahi ma i sude lopus abis, jana umpe sahalak na malua sian pomparan ni si Esau, angke Tuhan do na mandok songon i!

JESAYA 60:12

Bangso na so ra marpangoloion tu ho gabe sisoada do.